ສອງນັກຂ່າວວິທະຍຸເອເຊຍເສລີ ຖືກກຳປູເຈຍຕັ້ງຂໍ້ຫາເປັນ “ສາຍລັບ” ສົ່ງຂໍ້ມູນລັບໃຫ້ລັດຕ່າງປະເທດ

ສຳນັກຂ່າວຕ່າງປະເທດລາຍງານ 18 ພະຈິກ 2018 ວ່າ: ຜູ້ສື່ຂ່າວຊາວກຳປູເຈຍ 2 ຄົນ ທີ່ເຮັດວຽກໃຫ້ກັບສະຖານນີວິທະຍຸເອເຊຍເສລີ (RFA) ຂອງສະຫະລັດ ອາເມຣິກາ ຖືກສານກຳປູເຈຍຕັ້ງຂໍ້ຫາວ່າເປັນ “ສາຍລັບ”  ໂດຍທ້າວ ອວຍ ຊິນ ແລະ ທ້າວ ຢຽງ ໂສເຈຍເມດຕາ ຖືກຈັບກຸ່ມເມື່ອວັນອັງຄານທີ 14 ພະຈິກ 2017 ທີ່ຜ່ານມາ ໃນຂໍ້ຫາຕ້ອງສົງໄສວ່າມີການສົ່ງຂໍ້ມູນໃຫ້ກັບລັດຕ່າງປະເທດ ຈາກການເປີດເຜີຍຂອງທ່ານ ໄລ ໂສພະນາ ໂຄສົກສານແຂວງພະນົມເປັນ ເມື່ອວັນເສົາທີ່ຜ່ານມາ ໂດຍທັງສອງເຮັດວຽກໃຫ້ກັບ RFA ທີ່ມີສຳນັກງານໃຫຍ່ຢູ່ວໍຊິງຕັນ ສະຫະລັດ ອາເມຮິກາ ແລະ ອອກອາກາດກະຈາຍສຽງເປັນສາພາຂະເມນມາດົນກວ່າ 20 ປີ ກ່ອນຈະປິດຕົວລົງໃນເດືອນກັນຍາ ທີ່ຜ່ານມາ, ໂດຍອ້າງວ່າຖືກລັດຖະບານກຳປູເຈຍຂົ່ມຂູ່.

ທ່ານ ໄລ ກ່າວວ່າ ທ້າວ ອວນ ແລະ ທ້າວ ຢຽງ ສົ່ງຂໍ້ມູນທີ່ເປັນອັນຕະລາຍຕໍ່ຄວາມໝັ້ນຄົງຂອງປະເທດ ໃຫ້ກັບລັດຕ່າງປະເທດ ເຈົ້າໜ້າທີ່ຈະສົ່ງຕົວບຸກຄົນທັງສອງໃຫ້ຜູ້ພິພາກສາຝ່າຍສືບສວນດຳເນີນການຕໍ່ໄປ.

ເຖິງຢ່າງໃດກໍ່ຕາມ RFA ກ່າວວ່າ ບໍ່ມີຄວາມກ່ຽວຂ້ອງກັບບຸກຄົນທັງສອງ ເຊິ່ງ ທ່ານ ໂຣທິດ ມະຫາຈັນ ໂຄສົກ RFA ໃຫ້ສຳພາດກັບສຳນັກຂ່າວ Reuters ຜ່ານທາງອີເມວ ກ່ອນການຕັ້ງຂໍ້ຫາວ່າ ກຳລັງຕິດຕາມສະຖານະການດ້ວຍຄວາມເປັນຫ່ວງຢ່າງຍິງ.

ທາງດ້ານທ່ານ ຂຽວ ວັນນີ ທະນາຍຄວາມສອງຜູ້ສື່ຂ່າວທັງສອງຄົນກ່າວວ່າ ຂໍ້ຫາທີ່ຕັ້ງຮຸນແຮງເກີນໄປ ເພາະທັງສອງພຽງແຕ່ເຮັດຕາມໜ້າທີ່ຂອງຜູ້ສື່ຂ່າວ ຂໍ້ຫາຕາມທີ່ສານຕັ້ງ ຫາກຖືກຕັດສິນວ່າມີຄວາມຜິດຈິງ ກົດໝາຍກຳປູຈເຍກຳນົດໂທດໄວ້ສູງສຸດບໍ່ເກີນ 15 ປີ.