ກອງທັບ ສ.ອາເມຣິກາເສີມກຳລັງທະຫານເຂົ້າເຄນຢາ ພາຍຫຼັງຖືກກຸ່ມອັນ-ຊາບັບບຸກຕີຖານທັບ

ລາຍງານ 10 ມັງກອນ 2020, ສູນບັນຊາການກາງກອງທັບ ສ.ອາເມຣິກາ ປະຈຳພາກພື້ນອາຟຣິກາ (AFRICOM) ເປີດເຜີຍເລື່ອງການເສີມກຳລັງທະຫານໃນເຄນຢາ ໂດຍເນັ້ນໄປທີ່ຄ້າຍຊິມບາ ເຊິ່ງເປັນຖານທັບຮ່ວມລະຫວ່າງກອທັບເຄນຢາ ກັບ ກອງທັບ ສ.ອາເມຣິກາ ຕັ້ງຢູ່ໃນພູມມິພາກລາມູ ແຄມຝັ່ງອ່າວມັນດາ ທາງພາກຕາເວັນອອກສຽງໃຕ້ຂອງເຄນຢາ ທີ່ກຸມອັນ-ຊາບັບບຸກໂຈມຕີເມື່ອວັນອາທິດ ທີ່ຜ່ານມາ ເຮັດໃຫ້ທະຫນອາເມຣິກາ 1 ຄົນ ແລະ ເຈົ້າໜ້າທີ່ສັນຍາຈ້າງ 2 ຄົນເສຍຊີວິດ, ສ່ວນກຸ່ມອັນ-ຊາບັບຖືກຕອບໂຕ້ເສຍຊີວິດ 5 ຄົນ.

ໃນດ້ານຂອງທ່ານ ພົນຕີ ວິນລຽມ ເກເລີ ຜູ້ບັນຊາການຝ່າຍປະຕິບັດການຂອງ FRICOM ກ່າວວ່າທະຫານທີ່ລະດົມເພີ່ມເປັນເຈົ້າໜ້າທີ່ສັງກັດໜ່ວຍຮົບເຄື່ອນທີ່ໄວ ສັງກັດກອງກຳລັງຕອບໂຕ້ໄວອາຟຣິກາຕາເວັນອອກ, ເຊິ່ງໃນເບື້ອງຕົນ FRICOM ວິເຄາະການກໍ່ເຫດຂອງກຸ່ມອັນ-ຊາບັບວ່າບໍ່ກ່ຽວຂ້ອງກັບສະຖານະການໃນຕາເວັນອອກກາງ ທີ່ຍັງຄົງເຄັ່ງຕຶງ ເຖິງແມ່ນວ່າ ສ.ອາເມຣິກາ ແລະ ອີຣານຍັງບໍ່ເຄື່ອນໄຫວທາງທະຫານເພີ່ມອີກ ພາຍຫຼັງທີ່ກອງທັບປະຕິວັດອີຣານຍິງຈະຫຼວດໂຈມຕີຖານທັບ 2 ແຫ່ງໃນອິຣັກ ເມື່ອວັນທີ 8 ມັງກອນ ທີ່ຜ່ານມາ ເພື່ອລ້າງແຄ້ນການທີ່ກອງທັບ ສ.ອາເມຣິກາລອບສັງຫານທ່ານ ພົນຕີ ກັສເຊັມ ໂຊໄລມານີ ອະດີຜູ້ບັນຊາການກອງກຳລັງນັກຮົບພິເສດຄຸດ ຂອງກອງທັບປະຕິວັດອີຣານ ແລະ ທ່ານ ອາບູ ມາດີ ອັນ-ມູຮັນດິສ ຮອງຜູ້ບັນຊການກອງກຳລັງຮັສ ເຊິ່ງເປັນເຄືອຂ່າຍນັກຮົບຊີວະໃນອິຣັກ ທີ່ເປັນພັນທະມິດກັບອີຣານ ເມື່ອວັນທີ 3 ມັງກອນ ທີ່ຜ່ານມາ.

ເຖິງຢ່າງໃດກໍ່ຕາມ, ບໍ່ອາດປະຕິເສດໄດ້ວ່າເຫດການທີ່ຖານທັບຊິມບາເປັນວິກິດເທື່ອໃໝ່ຂອງກອງທັບ ສ.ອາເມຣິກາ ໃນອາຟຣິກາ ກຸ່ມອັນ-ຊາບັບອອກຖະແຫຼງການວ່າ ເຄນຢາບໍ່ປອດໄພອີກຕໍ່ໄປ ໂດຍສະເພາະອຸດສາຫະກຳການທ່ອງທ່ຽວ ແລະ ໄດ້ປຸກລະດົມສະມາຊິກອັນ-ຊາບັບຕະຫຼອດຮອດເຄືອຂ່າຍເພີ່ມການໂຈມຕີທະຫານອາເມຣິກາໃນເຄນຢາ ພ້ອມທັງຂູ່ໃຫ້ກອງທັບເຄນຢາຖອນກຳລັງອອກຈາກໂຊມາລີ ເມື່ອຍັງມີໂອກາດຢູ່.

ກຸ່ມອັນ-ຊາບັບເຜີຍແຜ່ຖະແຫຼງການດັ່ງກ່າວໃນຊ່ວງໃກ້ຄົບຮອບ 1 ປີ ເຫດໂຈມຕີໂຮງແຮມດຸສິດດີທູ ໃນນະຄອນຫຼວງໄນໂຣບີ ເຊິ່ງສະມາຊິກກຸ່ມອັນ-ຊາບັບ 5 ຄົນ ລວມເຖິງມີລະເບີດຂ້າຕົວຕາຍ ບຸກສັງຫານປະຊາຊົນໃນໂຮງແຮມ 21 ຄົນ, ຂະນະທີ່ເຈົ້າໜ້າທີ່ຝ່າຍຄວາມໝັ້ນຄົງໄດ້ຕອບໂຕ້ຄົນຮ້າຍເສຍຊີວິດທັງໝົດ.

HTML tutorial