ອີຣານຍອມຮັບວ່າ ເປັນຄວາມຜິດພາດຂອງມະນຸດ ທີ່ຍິງຍົນໂດຍສານອູແກຣນຕົກ

ລາຍງານ 11 ມັງກອນ 2020, ສະຖານີໂທລະພາບແຫ່ງຊາດອີຣານ ເຜີຍແຜ່ຖະແຫຼງການວ່າ ຖ້ຽມບິນ PS752 ຂອງສາຍການບິນ Ukraine International Airline ຫຼື UIA ທີ່ໃຊ້ຍົນໂບອິ້ງ 737-800 ແລະ ໄດ້ຕົກໃກ້ກັບສະໜາມບິນສາກົນໃນນະຄອນຫຼວງເຕຫະຣານ ເມື່ອວັນທີ 8 ມັງກອນ ທີ່ຜ່ານມາ ເຮັດໃຫ້ຜູ້ໂດຍສານ ແລະ ຈຸບິນ 176 ຄົນເສຍຊີວິດທັງໝົດນັ້ນ ແມ່ນໄດ້ບິນໃນເຂດພື້ນທີ່ລະອຽດອ່ອນທາງທະຫານຈຶ່ງຖືກໂຈມຕີດ້ວຍຄວາມຜິດພາດຂອງມະນຸດ ເຊິ່ງຜູ້ກ່ຽວຂ້ອງກັບເຫດການດັ່ງກ່າວທຸກຄົນຈະຕ້ອງຮັບໂທດຕາມກົດໝາຍ.

ຂະນະທີ່ທ່ານ ໂມຣຳໝັດ ຈາວາດ ຊາຣີບ ລັດຖະມົນຕີກະຊວງການຕ່າງປະເທດອີຣານກ່າວວ່າ ໂຄກນາດຕະກຳຂອງຖ້ຽວບິນ PS752 ເກີດຂຶ້ນທ່າມກາງໄລຍະເວລາທີ່ວິກິດຈາກຄວາມສ່ຽງທີ່ ສ.ອາເມຣິກາເປັນຜູ້ສ້າງ, ເຊິ່ງຍົນຕົກພາຍໃນເວລາບໍ່ພໍເທົ່າໃດນາທີ ພາຍຫຼັງອອກເດີນທາງຈາກສະໜາມບິນສາກົນອິໝ່າມ ໂຄໄມນີ ເມື່ອເດີນທາງໄປຍັງນະຄອນຫຼວງຄຽບ ປະເທດອູແກຣນ ແລະ ກຳນົດການເດີນທາງເກີດຂຶຶ້ນພຽງບໍ່ພໍເທົ່າໃດຊົ່ວໂມງ ພາຍຫຼັງທີ່ກອງທັບປະຕິວັດອີຣານ ຍິງຈະຫຼວດໂຈມຕີຖານທັບ ສ.ອາເມຣິກາ 2 ແຫ່ງໃນອິຣັກ ເພື່ອແກ້ແຄ້ນໃຫ້ກັບການເສຍຊີວິດຂອງທ່ານ ພົນຕີ ກັສເຊັມ ໂຊໄລມານີ ອະດີດຜູ້ບັນຊາການກອງກຳລັງນັກຮົບພິເສດຄຸດ ຂອງກອງທັບປະຕິວັດອີຣານ.

ເຖິງຢ່າງໃດກໍ່ຕາມ, ກ່ອນໜ້ານີ້ລັດຖະບານອີຣານປະຕິເສດຂໍ້ມູນຂ່າວກອງຂອງຕາເວັນຕົກ ໂດຍສະເພາະ ສ.ອາເມຣິກາ ວ່າຖ່ຽວບິນ PS752 ຕົກເພາະຖືກຍິງດ້ວຍຂີປະນາວຸດຂອງອີຣານ ແລະ ຍົກປັດໄຈກ່ຽວກັບຄວາມຂັດຂ້ອງທາງເຕັກນິກເປັນເຫດຜົນຫຼັກ, ໃນດ້ານຂອງລັດຖະບານອູແກຣນຍັງບໍ່ສະແດງຈຸດຢືນຕໍ່ການເຄື່ອນໄຫວຄັ້ງຫຼ້າສຸດນີ້.

HTML tutorial