ກະຊວງການຕ່າງປະເທດແຈ້ງປັບປຸງຂ້ໍມູນ ຈະຍັງເຫຼືອພຽງ 13 ດ່ານສາກົນທີ່ອອກວີຊາໄດ້

ລາຍງານ 16 ມັງກອນ 2020, ກົມກົງສຸນ, ກະຊວງການຕ່າງປະເທດໄດ້ແຈ້ງກ່ຽວກັບການປັບປຸງຂໍ້ມູນໃໝ່ ກ່ຽວກັບດ່ານສາກົນໃນຂອບເຂດທົ່ວປະເທດລາວ ລົງວັນທີ 9 ມັງກອນ ທີ່ຜ່ານມາລະບຸວ່າ: ນັບແຕ່ວັນທີ 1 ກໍລະກົດ 2020 ດ່ານສາກົນທີ່ອອກວິຊາກັບດ່ານໄດ້ຈະຍັງເຫຼືອ 13 ດ່ານ (ຕາມແຈ້ງການຂອງຫ້ອງວ່າການສຳນັກງານນາຍົກລັດຖະມົນຕີ ສະບັບເລກທີ 1865/ຫສນຍ, ລົງວັນທີ 18 ຕຸລາ 2019 ດັ່ງລະອຽດລຸ່ມນີ້:

– ດ່ານສະໜາມບິນສາກົນ

  1. ດ່ານສາກົນ ສະໜາມບິນຫຼວງພະບາງ
  2. ດ່ານສາກົນ ສະໜາມບິນວັດໄຕ
  3. ດ່ານສາກົນ ສະໜາມບິນປາກເຊ
  4. ດ່ານສາກົນ ສະໜາມບິນສະຫວັນນະເຂດ (ເລີ່ມວັນທີ 1 ເມສາ 2020 ບໍ່ມີວີຊາກັບດ່ານ)

– ດ່ານສາກົນລະຫວ່າງ ລາວ-ຈີນ

  1. ດ່ານສາກົນ ບໍ່ເຕັນ-ບໍ່ຫານ, ແຂວງຫຼວງນ້ຳທາ
  2. ດ່ານສາກົນລານຕຸ້ຍ-ເມືອງຄຳ, ແຂວງຜົ້ງສາລີ (ບໍ່ມີວິຊາກັບດ່ານ)

– ດ່ານສາກົນລະຫວ່າງ ລາວ-ໄທ

  1. ດ່ານສາກົນ ຂົວມິດຕະພາບ 4 ຫ້ວຍຊາຍ-ຊຽງຂອງ, ແຂວງບໍ່ແກ້ວ
  2. ດ່ານສາກົນ ຂົວມິດຕະພາບ 1 – ໜອງຄາຍ, ນະຄອນຫຼວງວຽງຈັນ
  3. ດ່ານສາກົນ ສະຖານນີລົດໄຟທ່ານາແລ້ງ-ໜອງຄາຍ, ນະຄອນຫຼວງວຽງຈັນ
  4. ດ່ານສາກົນ ຂົວມິດຕະພາບ 2 – ມົກດາຫານ, ແຂວງສະຫວັນນະເຂດ
  5. ດ່ານສາກົນ ຂົວມິດຕະພາບ 3 – ນະຄອນພະນົມ, ແຂວງຄຳມວນ
  6. ດ່ານສາກົນ ວັງເຕົ່ມ-ຊ່ອງເມັກ, ແຂວງຈຳປາສັກ
  7. ດ່ານສາກົນ ສາມຫຼ່ຽມຄຳ-ສົບຮວກ, ແຂວງບໍ່ແກ້ວ
  8. ດ່ານສາກົນ ປາກຊັນ-ບຶງການ, ແຂວງບໍລິຄຳໄຊ (ບໍ່ມີວິຊາກັບດ່ານ)
  9. ດ່ານສາກົນ ພູດູ່-ພູດູ່, ແຂວງໄຊຍະບູລີ (ບໍ່ມີວິຊາກັບດ່ານ)
  10. ດ່ານສາກົນ ນ້ຳເງິນ-ຫ້ວຍໂກນ, ແຂວງໄຊຍະບູລີ (ເລີ່ມວັນທີ 1 ມັງກອນ 2020 ບໍ່ມີວິຊາກັບດ່ານ)
  11. ດ່ານສາກົນ ຂົວມິດຕະພາບນ້ຳເຫືອງ-ບ້ານນາກະຊັງ, ແຂວງໄຊຍະບູລີ (ເລີ່ມວັນທີ 1 ເມສາ 2020 ບໍ່ມີວີຊາກັບດ່ານ)

– ດ່ານສາກົນລະຫວ່າງ ລາວ-ຫວຽດນາມ

  1. ດ່ານສາກົນ ແດນສະຫວັນ-ລາວບາວ, ແຂວງສະຫວັນນະເຂດ
  2. ດ່ານສາກົນ ລະໄລ-ລະໄລ, ແຂວງສາລະວັນ (ບໍ່ມີວີຊາກັບດ່ານ)
  3. ດ່ານສາກົນ ປາງຫົກ-ໄຕຈ່າງ, ແຂວງຜົ້ງສາລີ (ເລີ່ມວັນທີ 1 ມັງກອນ 2020 ບໍ່ມີວີຊາກັບດ່ານ)
  4. ດ່ານສາກົນ ນ້ຳໂສຍ-ນາແມວ, ແຂວງຫົວພັນ (ເລີ່ມວັນທີ 1 ມັງກອນ 2020 ບໍ່ມີວີຊາກັບດ່ານ)
  5. ດ່ານສາກົນ ນ້ຳກັ່ນ-ນ້ຳກັ່ນ, ແຂວງຊຽງຂວາງ (ເລີ່ມວັນທີ 1 ເມສາ 2020 ບໍ່ມີວີຊາກັບດ່ານ)
  6. ດ່ານສາກົນ ນ້ຳພາວ-ເກົ່າແຈວ, ແຂວງບໍລິຄຳໄຊ (ເລີ່ມວັນທີ 1 ກໍລະກົດ 2020 ບໍ່ມີວີຊາກັບດ່ານ)
  7. ດ່ານສາກົນ ພູເກືອ-ເບີອີ, ແຂວງອັດຕະປື (ເລີ່ມວັນທີ 1 ກໍລະກົດ 2020 ບໍ່ມີວີຊາກັບດ່ານ)
  8. ດ່ານສາກົນ ນາເພົ້າ-ຈາລໍ, ແຂວງຄຳມ່ວນ (ເລີ່ມວັນທີ 1 ກໍລະກົດ 2020 ບໍ່ມີວີຊາກັບດ່ານ)

– ດ່ານສາກົນລະຫວ່າງ ລາວ-ກຳປູເຈຍ

  1. ດ່ານສາກົນ ໜອງນົກຂຽນ-ຕຼາປຼຽງກຼຽນ, ແຂວງຈຳປາສັກ

– ດ່ານສາກົນລະຫວ່າງ ລາວ-ມຽນມາ

  1. ດ່ານສາກົນ ບ້ານເມືອງມອມ-ວັງປຸ່ງ, ແຂວງບໍ່ແກ້ວ (ບໍ່ມີວີຊາກັບດ່ານ)

ເຊິ່ງການ

ທັງນີ້ກໍ່ເພື່ອປັບປຸງການອອກວີຊາກັບດ່ານສາກົນໃຫ້ຖືກຕ້ອງຕາມພາລະບົດບາດ ແລະ ການຄຸ້ມຄອງການເຂົ້າ-ອອກເມືອງໃຫ້ມີປະສິດທິພາບ ແລະ ມີປະສິດທິຜົນດີຂຶ້ນກວ່າເກົ່າ.


ຕິດຕາມພວກເຮົາທາງ Twitter

ຕິດຕາມພວກເຮົາທາງ Youtube