ມາເບິ່ງຄວາມງາມ Miss Universe 2017 ຈາກທົ່ວໂລກ ໃຜສົມຄວນໄດ້ຕຳແໜ່ງຫຼາຍກວ່າກັນ

ປ່ອຍພາບຜູ້ເຂົ້າປະກວດອອກມາໃຫ້ໄດ້ເບິ່ງໄດ້ຊົມກັນແລ້ວ ສຳລັບເວທີລະດັບໂລກ ນັ້ນກໍ່ຄືການປະກວດ Miss Universe 2017 ປີນີ້ເປັນປີທຳອິດໃນປະຫວັດສາດ ສປປ.ລາວ ສົ່ງນາງງາມເຂົ້າຮ່ວມປະກວດ ເຊິ່ງຕົວແທນຂອງລາວເຮົາປີນີ້ຄື: ນາງ ສຸພາພອນ ສົມວິຈິດ  Miss Universe Laos 2017 ທີ່ຈະເປັນຕົວແທນຂອງສາວລາວເຂົ້າຮ່ວມຊິງມົງກຸດໃນຄັ້ງນີ້.

ເຊິ່ງຕອນນີ້ກໍ່ຢູ່ໃນລະຫວ່າງການເກັບຕົວ ແລະ ຮ່ວມກິດຈະກຳກັບທາງກອງປະກວດ, ຂໍບອກເລີຍວ່າຜູ້ເຂົ້າປະກວດຈາກປະເທດອື່ນໆກໍ່ງາມແບບບໍ່ຍອມໃຜເຊັ່ນກັນ, ໂດຍມື້ປະກວດຢ່າງເປັນທາງການຈະຈັດຂຶ້ນໃນວັນທີ 26 ພະຈິກ 2017 ນີ້ ທີ່ສະຫະລັດ ອາເມຣິກາ.