ເກົາຫຼີໃຕ້ເຊື່ອໝັ້ນເກົາຫຼີເໜືອວ່າ ລູກປືນທີ່ຂ້າມຝາກມາບໍ່ໄດ້ມີເຈດຕະນາປອງຮ້າຍ

ລາຍງານ 4 ພຶດສະພາ 2020, ຈາກເຫດການທະຫານຂອງເກົາຫຼີເໜືອຍິງປືນຫຼາຍນັດມາຍັງຈຸດສັງເກດການທາງທະຫານຂອງເກົາຫຼີໃຕ້ ພາຍໃນເຂດປອດທະຫານ (DNZ) ບໍລິເວນເຂດຊໍວອນ ແຂວງຄັງວອນ ທີ່ຢູ່ທາງພາກຕາເວັນອອກສຽງເໜືອສຸດຂອງເກົາຫຼີໃຕ້, ຂະນະທີ່ກອງທັບເກົາຫຼີໃຕ້ໄດ້ປະກາດເຕືອນອີກຝ່າຍຫຼາຍຄັ້ງຜ່ານເຄື່ອງກະຈາຍສຽງ ແລະ ຍິງປືນຕອບໂຕ້ 2 ນັດ ເມື່ອວັນທີ 3 ພຶດສະພາ ທີ່ຜ່ານມາ.

ພາຍຫຼັງເກີດເຫດເກົາຫຼີໃຕ້ຢືນຢັນວ່າ ບໍ່ມີຄວາມເສຍຫາຍໃດໆເກີດຂຶ້ນທັງຕໍ່ຊີວິດ ແລະ ຊັບສິນ, ໂດຍຜົນການກວດສອບເບື້ອງຕົ້ນໂດຍຝ່າຍຄວາມໝັ້ນຄົງຂອງເກົາຫຼີໃຕ້ ເຊື່ອວ່າການທີ່ເກົາຫຼີເໜືອຍິງປືນຂ້າມເຂດແດນມານັ້ນ ບໍ່ໄດ້ມີເຈດຕະນາສ້າງຄວາມຮຸນແຮງ, ໃນດ້ານຂອງທ່ານ ໄມ ພອມແພວ ລັດຖະມົນຕີກະຊວງການຕ່າງປະເທດ ສ.ອາເມຣິກາ ກ່າວໃນແບບດຽວກັນວ່າ ລັດຖະບານ ສ.ອາເມຣິກາຕີລາຄາວ່າ ເຫດການທີ DNZ ຄັ້ງນີ້ເປັນອຸປະຕິເຫດ ແລະ ບໍ່ມີການສູນເສຍເກີດຂຶ້ນກັບຝ່າຍໃດ.