ຂະບວນປະທ້ວງເລື່ອງສີຜິວລາມບໍ່ຢຸດ ຫົວເມືອງໃຫຍ່ຫຼາຍແຫ່ງຂອງ ສ.ອາເມຣິກາ ປະກາດພາວະສຸກເສີນ

ລາຍງານ 31 ພຶດສະພາ 2020, ສະພາບການການຂອງຂະບວນປະທ້ວງທີ່ມີຊະນວນເຫດມາຈາກການເສຍຊີວິດຂອງທ້າວ ຈອສ ຟລອຍ ຄົນຜິວສີ ອາຍຸ 46 ປີ ທີ່ຖືກຕຳຫຼວດຜິວຂາວທີ່ເມືອງອິນນີແອໂພລິສ ໃນລັດມິນນິໂຊຕາ ໃຊ້ຫົວເຂົ່າກົດກ້ານຄໍຫຼາຍນາທີລະຫວ່າງການຈັບກຸມ ເມື່ອອາທິດທີ່ຜ່ານມາ ໄດ້ລຸກລາມແຜ່ຂະຫຍາຍເປັນວົງກວ້າງອອກຈາກເມືອງມິນນິແອໂພລິສ ໄປຍັງຫົວເມືອງໃຫຍ່ຫຼາຍແຫ່ງໃນປະເທດ.

ເຊິ່ງເມືອງຟິລາເດລເຟຍ ເມືອງໃຫຍ່ທີ່ສຸດຂອງລັດເພນຊິນເວເນຍ ປະກາດພາວະສຸກເສີນລະຫວ່າງເວລາ 20:00 ໂມງ ເຖິງ 07:00 ໂມງ ຕາມເວລາທ້ອງຖິ່ນ ພາຍຫຼັງທີ່ຜູ້ປະທ້ວງເຊິ່ງເຈົ້າໜ້າທີ່ປະເມີນໄວ້ມີປະມານ 3,000 ຄົນ ເລາະທຳລາຍຊັບສິນສາທາລະນະ ທີ່ລວມເຖິງການຈູດໄຟເຜົາລົດຕຳຫຼວດ ແລະ ການສີດສີສະເປທີ່ອະນຸສອນຂອງທ່ານ ແຟຣງ ຣິສໂຊ ອະດີດເຈົ້າເມືອງຟິລາເດລເຟຍ.

ຂະນະທີທ່ານ ອີຣິກ ກາເຊດຕິ ເຈົ້າຄອງຄະນອນຣອສແອນເຈລິສ ປະກາດພາວະສຸກເສີນລະຫວ່າງເວລາ 20:00 ເຖິງ 05:30 ໂມງຕາມເວລາທ້ອງຖິ່ນ ແລະ ກ່າວວ່າທາງການເຄົາລົບສິດທິ ແລະ ເສລີພາບຂອງປະຊາຊົນໃນການສະແດງອອກທາງສັງຄົມ ແລະ ການເມືອງ ແຕ່ຕ້ອງເປັນໄປຢ່າງສັນຕິ ແລະ ປະຕິບັດຕາມກົດໝາຍ ພາຍຫຼັງທີ່ມີລາຍງານວ່າຕຳຫຼວດໄດ້ຈັບກຸມຜູ້ກໍ່ຄວາມບໍ່ສະຫງົບກວ່າ 500 ຄົນ ສະເພາະເມື່ອຄືນວັນສຸກ ທີ່ຜ່ານມາ.

ໃນດ້ານຂອງທ່ານ ຈອນ ແຄຣນລີ ເຈົ້າເມືອງຊິນຊິນເນຕິ ໃນລັດໂອໄຮໂອ ປະກາດພາວະສຸກເສີນລະຫວ່າງເວລາ 22:00 ໂມງ ເຖິງ 06:00 ໂມງ ຕາມເວລາທ້ອງຖິ່ນ, ສ່ວນທ່ານ ນາງ ຄີຊາ ແລນ ບອດທອມ ເຈົ້າເມືອງແອດແລນຕາ ເມືອງເອກຂອງລັດຈໍເຈຍ ປະກາດພາວະສຸກເສີນລະຫວ່າງເວລາ 21:00 ໂມງ ຈົນກວ່າຕາເວັນຂຶ້ນ.

ເຖິງແມ່ນວ່າເມືອງໃຫຍ່ຫຼາຍແຫ່ງຂອງ ສ.ອາເມຣິກາ ໄດ້ປະກາດພາວະສຸກເສີນ ທີ່ມີຜົນບັງຄັບໃຊ້ລະຫວ່າງວັນເສົາ ເຖິງ ວັນອາທິດນີ້ ແຕ່ຫຼາຍຝ່າຍັງບໍ່ເຊື້ອວ່າ ຜູ້ປະທ້ວງຫົວຮຸນແຮງຈະປະຕິບັດຕາມການປະກາດພາວະສຸກ, ໂດຍນອກເໜືອຈາກລັດມິນນິໂຊຕາແລ້ວ ເຈົ້າຄອງລັດຈໍເຈຍ, ລັດໂຄໂຮໂອ ແລະ ລັດເທັກຊັສ ໃຊ້ຄຳສັ່ງດ້ານຄວາມໝັ້ນຄົງຮຽກກອງກຳລັງປົກປ້ອງມາຕຸພູມລົງພື້ນທີ່ເພື່ອຄວບຄຸມສະຖານະການ.

ໃນດ້ານຂອງທ່ານ ໂດໂນ ທຣຳ ຖະແຫຼງເມື່ອວັນເສົາ ທີ່ຜ່ານມາວ່າ: ສະຖານະການທີ່ເມືອງມິນນິແອໂພລິສ ໄດ້ບານປາຍໄປຫຼາຍ ໂດຍມີທັງການວາງເພີງ ແລະ ປຸ້ນສະດົມເປັນວົງກວ້າງ, ພ້ອມທັງກ່າວວ່າ ການເສຍຊີວິດຂອງທ້າວ ຟລອຍ ເປັນເລື່ອງເສົ້າສະຫຼົດໃຈ ແລະ ບໍ່ຄວນເກີດຂຶ້ນ ແຕ່ລັດຖະບານບໍ່ສາມາດປ່ອຍປະໃຫ້ອາຊະຍາກອນ ແລະ ກຸ່ມຄົນປ່າເຖື່ອນພຽງກຸ່ມດຽວ ກໍ່ການປະທ້ວງທີ່ຮຸນແຮງ ແລະ ທຳລາຍຊຸມຊົນແຫ່ງນີ້ ເຊິ່ງຈະມີໜ່ວຍງານເຂົ້າໄປແກ້ໄຂ ແລະ ມາດຕະການທີ່ໃຊ້ຈະດຳເນີນການຢ່າງເດັດຂາດ.

ຜູ້ນຳ ສ.ອາເມຣິກາ ກ່າວຕໍ່ວ່າ ສະຖານະການການປະທ້ວງທີ່ຮຸນແຮງ ແລະ ປ່າເຖື່ອນບໍ່ແມ່ນການເຊີດຊູ ແຕ່ເປັນການດູໝິ່ນທ້າວ ຟລອຍ ບັນດາຂະບວນການເຄື່ອນໄຫວເຫຼົ່ານີ້ລ້ວນມີຜູ້ຢູ່ເບື້ອງຫຼັງ ເພື່ອຫຼັງຜົນປະໂຫຍດທາງການເມືອງເທົ່ານັ້ນ.

ໃນດ້ານຂອງກະຊວງປ້ອງກັນປະເທດ ສ.ອາເມຣິກາຢືນຢັນ ກ່ຽວກັບການລະດົມກຳລັງທະຫານຫຼາຍຮ້ອຍຄົນ ເພື່ອພ້ອມເດີນທາງໄປຍັງເມືອງມິນິແອໂພລິສ ຫາກໄດ້ຮັບຄຳສັ່ງຢ່າງເປັນທາງການ.

HTML tutorial