ເກົາຫຼີເໜືອ ທົດສອບອາວຸດດ້ານຍຸດທະວິທີລຸ້ນໃໝ່ຫຼ້າສຸດ

ສຳນັກຂ່າວຕ່າງປະເທດລາຍງານ 16 ພະຈິກ 2018 ວ່າ: ໂດຍອ້າງອີງຈາກການລາຍງານຂອງສຳນັກຂ່າວກາງເກົາຫຼີ (KCNA) ວ່າທ່ານ ຄິມ ຈອງ-ອຶນ ຜູ້ນຳສູງສຸດຂອງເກົາຫຼີເໜືອໄດ້ສັງເກດການການທົດສອບປະສິດທິພາບຂອງອາວຸດດ້ານຍຸດທະວິທີລຸ້ນໃໝ່ ທີ່ສະຖາບັນວິທະຍາສາດ ແລະ ເຕັກໂນໂລຊີປ້ອງກັນປະເທດ, ໃນນະຄອນຫຼວງປຽງຢາງເມື່ອບໍ່ດົນມານີ້, ໂດຍການທົດສອບປະສົບຄວາມສຳເລັດດ້ວຍດີ ເປັນໄປຕາມເປົ້າໝາຍຂອງທ່ານຜູ້ນຳໃນການມີອາວຸດຊະນິດດັ່ງກ່າວ ເພື່ອປ້ອງກັນອະທິປະໄຕຂອງປະເທດ ແລະ ປ້ອງກັນການຮຸກຮານຈາກສັດຕູພາຍນອກ, ເຖິງຢ່າງໃດກໍ່ຕາມ ລາຍງານຂອງ KCNA ບໍ່ໄດ້ລະບຸວ່າ ວາວຸດທີ່ມີການທົດສອບນັ້ນແມ່ນຫຍັງ. ຫາກລາຍງານດັ່ງກ່າວເປັນຄວາມຈິງຈະຖືເປັນຄັ້ງທຳອິດທີ່ເກົາຫຼີເໜືອທົດສອບອາວຸດ ນັບຕັ້ງແຕ່ການທົດສອບຂີປະນາວຸດຂ້າມທະວີບ Hwasong-15 ເມື່ອເດືອນພະຈິກ ປີທີ່ຜ່ານມາ, ນອກຈາກນີ້ ການເຄື່ອນໄຫວທີ່ເກີດຂຶ້ນຍິ່ງບົ່ງບອກວ່າການຮ່ວມມືລະຫວ່າງເກົາຫຼີເໜືອ ກັບ ສະຫະລັດ ອາເມຣິກາ...

ນາຍົກລັດຖະມົນຕີ ເຂົ້າຮ່ວມກອງປະຊຸມສຸດຍອດອາຊຽນ ຄັ້ງທີ 33 ທີ່ສິງກະໂປ

​ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ນຳພາຄະນະຜູ້ແທນຂອງລາວ ເຂົ້າຮ່ວມກອງປະຊຸມສຸດຍອດອາຊຽນ ຄັ້ງທີ 33 ແລະ ບັນດາກອງປະຊຸມສຸດຍອດອື່ນໆທີ່ກ່ຽວຂ້ອງ, ເຊິ່ງໄດ້ໄຂຂຶ້ນຢ່າງເປັນທາງການ ໃນວັນທີ 13 ພະຈິກ 2018 ທີ່ປະເທດສິງກະໂປ (ປະທານອາຊຽນ ປີ 2018) ພາຍໃຕ້ຄຳຂວັນ: “ສ້າງປະຊາຄົມອາຊຽນໃຫ້ເຂັ້ມແຂງ ແລະ ທັນສະໄໝ”. ໃນໂອກາດ ເຂົ້າຮ່ວມກອງປະຊຸມ ຄັ້ງທີ 33 ນີ້, ຜູ້ນຳອາຊຽນ ໄດ້ປຶກສາຫາລືກ່ຽວກັບການສ້າງປະຊາຄົມອາຊຽນໃຫ້ເຂັ້ມແຂງ ແລະ ທັນສະໄໝ ເພື່ອໃຫ້ອາຊຽນມີຄວາມສາມາດປັບຕົວ ແລະ ຮັບມືກັບສີ່ງທ້າທາຍຕ່າງໆໄດ້ຢ່າງທັນການ ໂດຍສະເພາະ ໃນຍຸກເສດຖະກິດດີຈີຕອນ...

ສຳນັກຂ່າວ CNN ຟ້ອງທຳນຽບຂາວ ວ່າລະເມີດສິດທິເສລີພາບສື່

ສຳນັກຂ່າວຕ່າງປະເທດລາຍງານເມື່ອວັນທີ 13 ພະຈິກ 2018 ທີ່ຜ່ານມາວ່າ: ສະຖານີໂທລະພາບ CNN ໄດ້ອອກຖະແຫຼງການວ່າ ໄດ້ມີການຍື່ນຄຳຮ້ອງຕໍ່ສານລັດຖະບານກາງໃນນະຄອນຫຼວງວໍຊິງຕັນ ເພື່ອໃຫ້ມີການສືບສວນຢ່າງເປັນທາງການ ກໍລະນີທຳນຽບຂາວລະເມີດສິດທິຕາມລັດຖະທຳມະນູນຂອງທ່ານ ຈິມ ອາຄອສຕາ ຫົວໜ້າຜູ້ສື່ຂ່າວຂອງ CNN ປະຈຳທຳນຽບຂາວ ດ້ວຍການລະງັບບັດສື່ມວນຊົນຂອງທ່ານ ຈິມ ອາຄອສຕາ ແບບບໍ່ມີກຳນົດ ພາຍຫຼັງມີປາກສຽງກັບທ່ານ ໂດໂນ ທຣຳ ລະຫວ່າງການຖະແຫຼງຂ່າວເມື່ອອາທິດທີ່ຜ່ານມາ. ເຊິ່ງ CNN ກ່າວຫາລັດຖະບານສະຫະລັດ ອາເມຣິກາພາຍໃຕ້ການນຳພາຂອງທ່ານ ໂດໂນ ທຣຳ ວ່າລະເມີດບົດບັນຍັດລັດຖະທຳມະນູນ ສະບັບແກ້ໄຂເພີ່ມເຕີມຄັ້ງທີ 1 ທີ່ບັງຄັບໃຊ້ມາຕັ້ງແຕ່ປີ 1791...

ທາງການມຽນມາກ່າວວ່າ ທ່ານ ນາງ ຊູຈີ ຖືກຕາເວັນຕົກກັ່ນແກ້ງ ເພື່ອໃຫ້ເສື່ອມເສຍກຽດສັກສີ

ສຳນັກຂ່າວຕ່າງປະເທດລາຍງານ 13 ພະຈິກ 2018 ວ່າ: ທ່ານ ອອງ ຮະລາ ຕຸນ ລັດຖະມົນຕີກະຊວງຂ່າວສານມຽນມາ ຖະແຫຼງວ່າໂດຍສ່ວນຕົວແມ່ນມີຄວາມເສຍໃຈ ແລະ ຜິດຫວັງເປັນຢ່າງຍິ່ງ ຕໍ່ການທີ່ອົງການນິລະໂທດສະກຳສາກົນ (Amnesty International) ໄດ້ຖອດຖອນລາງວັນທູດມະໂນທຳ ທີ່ເຄີຍມອບໃຫ້ແກ່ທ່ານ ນາງ ອອງ ຊານ ຊູຈີ ທີ່ປຶກສາແຫ່ງລັດ ແລະ ລັດຖະມົນຕີກະຊວງການຕ່າງປະເທດມຽນມາ (ຜູ້ນຳສູງສຸດດ້ານພຶດຕິໄນຂອງມຽນມາ) ເມື່ອປີ 2009, ເຖິງຢ່າງໃດກໍ່ຕາມ ການທີ່ Amnesty  ເລືອກທີ່ຈະດຳເນີນການເຊັ່ນນັ້ນ ເປັນການຢ້ຳໃຫ້ເຫັນວ່າທ່ານ ນາງ...

ທ່ານ ປູຕິນ ຈະເຂົ້າຮ່ວມ ແຕ່ທ່ານ ໂດໂນ ທຣຳ ບໍ່ເຂົ້າຮ່ວມກອງປະຊຸມສຸດຍອດອາຊຽນ ທີ່ສິງກະໂປ

ສຳນັກຂ່າວຕ່າງປະເທດລາຍງານ 13 ພະຈິກ 2018 ວ່າ: ທຳນຽບເຄຣມລິນ (ທຳນຽບປະທານປະເທດລັດເຊຍ) ອອກຖະແຫຼງວ່າ ທ່ານ ວະລາດິເມຍ ປູຕິນ ປະທານປະເທດລັດເຊຍ ມີກຳນົດເດີນທາງຢ້ຽມຢາມສິງກະໂປ ໃນລະຫວ່າງວັນທີ 13-15 ພະຈິກ ນີ້, ເພື່ອເຂົ້າຮ່ວມກອງປະຊຸມສຸດຍອດອາຊຽນ ຮ່ວມກັບຜູ້ນຳ 10 ປະເທດສະມາຊິກອາຊຽນ ແລະ ກອງປະຊຸມອາຊີຕາເວັນອອກ (EAS) ຄັ້ງທີ 13 ເຊິ່ງເປັນໜຶ່ງໃນການພົບປະຫາລືທີ່ປິ່ນອ້ອມລະຫວ່າງອາຊຽນກັບ 6 ປະເທດຄູ່ເຈລະຈາໄດ້ແກ່: ຍີ່ປຸ່ນ, ເກົາຫຼີໃຕ້, ອິນເດຍ, ອົດສະຕຣາລີ, ລັດເຊຍ...

ອົງການນິລະໂທດສະກຳສາກົນ ຖອດຖອນລາງວັນກຽດຕິຍົດຈາກທ່ານ ນາງ ອອງ ຊານ ຊູຈີ

ສຳນັກຂ່າວຕ່າງປະເທດລາຍງານ 13 ພະຈິກ 2018 ວ່າ: ອົງການນິລະໂທດສະກຳສາກົນ (Amnesty International) ເຊິ່ງມີສຳນັກງານໃຫຍ່ຢູ່ໃນນະຄອນຫຼວງລອນດອນ ປະເທດອັງກິດ ໄດ້ອອກຖະແຫຼງການເມື່ອວັນຈັນ ທີ່ຜ່ານມາ ເລື່ອງການຖອດຖອນລາງວັນມະໂນທຳ ກັບຄືນຈາກທ່ານນາງ ອອງ ຊານ ຊູຈີ ທີ່ປຶກສາແຫ່ງລັດ ແລະ ລັດຖະມົນຕີກະຊວງການຕ່າງປະເທດມຽນມາ ເນື່ອງຈາກພິຈາລະນາແລ້ວວ່າທ່ານ ນາງ ອອງ ຊານ ຊູຈີ ບໍ່ແມ່ນບຸກຄົນທີ່ຈະສາມາດເປັນສັນຍາລັກແຫ່ງຄວາມຫວັງ, ຄວາມກ້າຫານ ແລະ ການປົກປ້ອງສິດທິມະນຸດໄດ້ອີກຕໍ່ໄປ ເຊິ່ງ Amnesty ໄດ້ມອບລາງວັນໃຫ້ແກ່ທ່ານ ນາງ ເມື່ອປີ...

ອິດສະຣາແອນ ໂຈມຕີເຂດກາຊາຢ່າງໜັກໜ່ວງ ໃຫ້ເຫດຜົນວ່າຕອບໂຕ້ກຸ່ມຮາມາສ (ວິດີໂອ)

ສຳນັກຂ່າວຕ່າງປະເທດລາຍງານ 13 ພະຈິກ 2018 ວ່າ: ກອງກຳລັງປ້ອງກັນອິດສະຣາແອນ (IDF) ໄດ້ອອກຖະແຫຼງການເລື່ອງການປະຕິບັດການໂຈມຕີທາງອາກາດທຳລາຍເປົ້າໝາຍຫຼາຍກວ່າ 70 ແຫ່ງໃນເຂດກາຊາ ຕະຫຼອດວັນຈັນທີ່ຜ່ານມາ ເພື່ອຕອບໂຕ້ການຍິງຈະຫຼວດຂ້າມຊາຍແດນຂອງກຸ່ມຮາມາສຫຼາຍກວ່າ 300 ລູກ ແລະ ລູກປືນໃຫຍ່ອີກຈຳນວນໜຶ່ງຕົກລົງໃນເຂດແດນທາງພາກໃຕ້ຂອງອິດສະຣາແອນ ສົ່ງຜົນໃຫ້ມີຜູ້ເສຍຊີວິດຢ່າງໜ້ອຍ 1 ຄົນ ແລະ ມີຜູ້ໄດ້ຮັບບາດເຈັບຫຼາຍກວ່າ 20 ຄົນ. RAW FOOTAGE: The skies of southern Israel RIGHT NOW. Dozens of rockets...

ທ່ານນາຍົກ ຈະເດີນທາງເຂົ້າຮ່ວມກອງປະຊຸມສຸດຍອດອາຊຽນ ຄັ້ງທີ 33 ທີ່ສິງກະໂປ

ກະຊວງການຕ່າງປະເທດລາຍງານວ່າ: ໂດຍຕອບສະໜອງຕາມການເຊື້ອເຊີນຂອງທ່ານ ລີ ຊຽນ ລຸງ ນາຍົກລັດຖະມົນຕີແຫ່ງ ສາທາລະນະລັດ ສິງກະໂປ, ທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ.ລາວ, ພ້ອມດ້ວຍພັນລະຍາ ແລະ ຄະນະຈະເດີນທາງເຂົ້າຮ່ວມກອງປະຊຸມສຸດຍອດອາຊຽນ ຄັ້ງທີ 33 ແລະ ກອງປະຊຸມສຸດຍອດທີ່ກ່ຽວຂ້ອງອື່ນໆ, ໃນລະຫວ່າງວັນທີ 12-15 ພະຈິກ 2018 ທີ່ປະເທດສິງກະໂປ.

ໄທສັ່ງໂຈະການນຳເຂົ້າສັດປີກຈາກ ສປປ.ລາວ ເພາະໄຂ້ຫວັດສັດປີກແຜ່ລະບາດຢູ່ເຊກອງ

ເມື່ອວັນທີ 8 ພະຈິກ 2018 ທີ່ຜ່ານມາ, ເວັບໄຊທ໌ຈົດໝາຍເຫດທາງລັດຖະການແຫ່ງລາຊະອານາຈັກໄທ ໄດ້ເຜີຍແຜ່ປະກາດຂອງກົມລ້ຽງສັດ ເລື່ອງການໂຈະການນຳເຂົ້າ ຫຼື ນຳຜ່ານລາຊະອານາຈັກປະເພດສັດປີກ ຫຼື ຊາກສັດປີກຈາກສາທາລະນະລັດ ປະຊາທິປະໄຕ ປະຊາຊົນລາວ ໂດຍມີລາຍລະອຽດດັ່ງນີ້: ເນື່ອງຈາກອົງການສຸຂະພາບສັດໂລກ World Organization for Animal Health : (OIE) ໄດ້ລາຍງານສະຖານະການການເກີດໂລກໄຂ້ຫວັດສັດປີກສາຍພັນຮຸນແຮງ H5N1 (Highly Pathogenic Avian Influenza) ໃນສັດປີກທີ່ລ້ຽງຕາມບ້ານເຮືອນ ຢູ່ແຂວງເຊກອງ ສປປ.ລາວ ເຊິ່ງໂລກລະບາດສັດຊະນິດດັ່ງກ່າວສາມາດແຜ່ກະຈາຍໄປຢ່າງກວ້າງຂວາງໄດ້ ໂດຍມີສາເຫດສຳຄັນມາຈາກການເຄື່ອນຍ້າຍສັດທີ່ເປັນໂລກ ຫຼື...

ແຂວງຜົ້ງສາລີ ຈັດງານປີທ່ອງທ່ຽວລາວ 2018 ແລະ ເທດສະການດື່ມນໍ້າຊາ

​ພິທີຈັດງານປີທ່ອງທ່ຽວລາວ 2018 ແລະ ເທດສະການດື່ມນໍ້າຊາ ຂອງແຂວງຜົ້ງສາລີ ໄດ້ຈັດຂຶ້ນ ໃນຕອນເຊົ້າ ຂອງວັນທີ 9 ພະຈິກ 2018 ທີ່ເດີ່ນສະໜາມຫຼວງຂອງແຂວງ, ໃຫ້ກຽດເຂົ້າຮ່ວມໃນພິທີມີທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ທ່ານ ຄຳເຈນ ວົງໂພສີ ເຈົ້າແຂວງໆຜົ້ງສາລີ ພ້ອມດ້ວຍຮອງລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ, ຕະຫຼອດຮອດ ສື່ມວນຊົນ, ແຂກທັງພາຍໃນ ແລະ ຕ່າງປະເທດ ແລະ ປະຊາຊົນບັນດາເຜົ່າ ຊາວແຂວງຜົ້ງສາລີ ເຂົ້າຮວ່ມຢ່າງຫຼວງຫຼາຍ. ການຈັດກິດຈະກໍາ ໃນຄັ້ງນີ້ ເປັນຂະບວນການທີ່ສໍາຄັນ...