ນ້ຳຖ້ວມຈັງຫວັດເລີຍຢ່າງກະທັນຫັນ ຈາກອິດທິພົນຂອງພາຍຸຊິນລາກູ

ລາຍງານ 2 ສິງຫາ 2020, ນ້ຳປ່າຈາກພູເຂົາແກ້ວ ໄດ້ໄຫຼເຂົ້າຖ້ວມບ້ານເຮືອນປະຊາຊົນຫຼາຍກວ່າ 100 ຫຼັງຄາເຮືອນ ທີ່ບ້ານສູບ, ຕຳບົນນ້ຳສວຍ, ອຳເພີເມືອງເລີຍ, ຈັງຫວັດເລີຍ ປະເທດໄທ, ຂະນະທີ່ລະດັບນ້ຳກໍ່ຍັງເພີ່ມຂຶ້ນເລື້ອຍໆ ແລະ ຫຼ້າສຸດມີລາຍງານວ່າຝ່າຍກັ້ນນ້ຳສວຍໄດ້ຂາດລົງແລ້ວ, ທັງນີ້ກໍ່ດ້ວຍອິດທິພົນຂອງພາຍຸຊິນລາກູ ທີ່ກຳລັງພັດຂຶ້ນຝັ່ງ ສສ.ຫວຽດນາມ ແລະ ພາດຜ່ານ ສປປ.ລາວ ແລະ ໄທ. ໃນດ້ານຂອງກົມອຸຕຸນິຍົມ...

ພາຍຸດີເປຣຊັນເພີ່ມກຳລັງແຮງເປັນພາຍຸເຂດຮ້ອນຊິນລາກູ ແລະ ຈະເຂົ້າປົກຄຸມທົ່ວປະເທດລາວ

ລາຍງານ 1 ສິງຫາ 2020, ເມື່ອເວລາ 16:00 ໂມງ ຂອງວັນເສົານີ້ ພາຍຸລະດັບ 2 (ດີເປຣຊັນ) ບໍລິເວນຊາຍຝັງເກາະໄຫຫຼຳ ໄດ້ທະວີກຳລັງແຮງຂຶ້ນເປັນພາຍຸເຂດຮ້ອນຊິນລາກູ (Sinlaku) ແລ້ວ, ເຊິ່ງກຳລັງເຄື່ອນຕົວມາທາງທທິດຕາເວັນຕົກຂ້ອນໄປທາງເໜືອ ດ້ວຍຄວາມໄວປະມານ 20 ກິໂລແມັດຕໍ່ຊົ່ວໂມງ ຄາດວ່າພາຍຸນີ້ຈະເຄື່ອນຂຶ້ນຝັ່ງປະເທດວຽດນາມ ໃນວັນອາທິດ (2 ສິງຫາ) ຫຼັງຈາກນັ້ນຈະອ່ອນກຳລັງລົງເປັນພາຍຸດີເປຣຊັນ...

ໂຄວິດ-19 ໃນທົ່ວໂລກຍັງມີທ່າອ່ຽງເພີ່ມຂຶ້ນ, ມີຜູ້ຕິດເຊື້ອໃໝ່ເກືອບ 3 ແສນຄົນຕໍ່ມື້ ທຳລາຍສະຖິຕິເກົ່າ

ລາຍງານ 1 ສິງຫາ 2020, ທ່ານ ເທດຼອສ ແອດຮານອມ ເກເບຼເຢຊຸສ ຜູ້ອຳນວຍການອົງການອະນາໄມໂລກ (WHO) ຖະແຫຼງເມື່ອວັນສຸກ (31 ກໍລະກົດ) ທີ່ຜ່ານມາ ກ່ຽວກັບສະຖານະການການແຜ່ລະບາດຂອງພະຍາດໂຄວິດ-19 ນັບຕັ້ງແຕ່ມີການຢືນຢັນການພົບຜູ້ຕິດເຊື້ອຄົນທຳອິດຢ່າງເປັນທາງການທີ່ ສປ.ຈີນ ເມື່ອເດືອນທັນວາ 2019 ວ່າສະຖິຕິຜູ້ຕິດເຊື້ອລາຍໃໝ່ໃນຮອບ 24 ຊົ່ວໂມງຫຼ້າສຸດ ຈົນເຖິງເວລາ 18:34...

ສ.ອາເມຣິກາຈະສັ່ງຫ້າມນຳໃຊ້ແອັບ TikTok ໂດຍໃຫ້ເຫດຜົນວ່າເປັນໄພຕໍ່ຄວາມໝັ້ນຄົງແຫ່ງຊາດ

ລາຍງານ 1 ສິງຫາ 2020, ທ່ານ ໂດໂນ ທຣຳ ປະທານປະເທດ ສ.ອາເມຣິກາ ກ່າວເມື່ອວັນສຸກ (31 ກໍລະກົດ) ທີ່ຜ່ານມາ ວ່າຕົນມີຄວາມເປັນຫ່ວງຕໍ່ນະໂຍບາຍ ແລະ ການໃຫ້ບໍລິການຂອງແອັບພິເຄຊັນ TikTok ໃນ ສ.ອາເມຣິກາ ແລະ ລັດຖະບານ ສ.ອາເມຣິກາ ຈະດຳເນີນການເພື່ອ “ຫ້າມ”...

UN ວ່າຈາກວິກິດສັງຄົມ ແລະ ເສດຖະກິດຄົນອາຊຽນຖືກຊຸກດັນໃຫ້ກັບຄືນສູ່ຄວາມທຸກຍາກເພີ່ມຂຶ້ນ

ລາຍງານ 1 ສິງຫາ 2020, ເອກະສານທີ່ແຈກຢາຍຕໍ່ສື່ມວນຊົນຂອງອົງການສະຫະປະຊາຊາດ (UN) ເມື່ອວັນພະຫັດ (30 ກໍລະກົດ) ທີ່ຜ່ານມາ ກ່າວວ່າ ວິກິດທາງສັງຄົມ ແລະ ເສດຖະກິດເປັນໄພຄຸກຄາມທຳລາຍການດຳລົງຊີວິດຂອງແຮງງານນອກລະບົບ 218 ລ້ານຄົນໃນອາຊີຕາເວັນອອກສຽງໃຕ້ ຫາກບໍ່ມີລາຍໄດ້ທາງອື່ນ ລວມທັງລະບົບຄຸ້ມຄອງທາງສັງຄົມຢ່າງເປັນທາງການ ຫຼື ເງິນທອນແຮໄວ້ ເພື່ອຮອງຮັບຜົນກະທົບ, ຄົນເຮັດວຽກ ແລະ ຄອບຄົວຈະຖືກຊຸກດັນເຂົ້າສູ່ຄວາມທຸກຍາກ...

ໂຄງການເຂື່ອນໄຟຟ້າແມ່ນ້ຳຂອງຫຼວງພະບາງ ມີ 26 ບ້ານ ໃນ 3 ແຂວງໄດ້ຮັບຜົນກະທົບ

ລາຍງານ 31 ກໍລະກົດ 2020, ເຂື່ອນແມ່ນ້ຳຂອງຫຼວງພະບາງ  ທີ່ຈະເລີ່ມລົງມືກໍ່ສ້າງພາຍໃນປີນີ້ ແລະ ຄາດວ່າຈະເປີດນຳໃຊ້ໃນປີ 2027 ໂດຍມີກຳລັງການຜະລິດໄຟຟ້າ 1,460 ເມກາວັດ ແມ່ນມີ 26 ບ້ານ ໃນ 3 ແຂວງໄດ້ຮັບຜົນກະທົບ. ໂຄງການພະລັງງານໄຟຟ້ານຳຕົກຫຼວງພະບາງ ຕັ້ງຢູ່ບ້ານຫ້ວຍໂງ ຫ່າງຈາກຕົວເມືອງຫຼວງພະບາງ ປະມານ 25 ກິໂລແມັດ, ຢູ່ລະຫວ່າງຕົ້ນນຳຂອງໂຄງການເຂື່ອນໄຟຟ້າປາກແບງ...

ຂະບວນເຍົາວະຊົນປົດແອກປະເທດໄທ ລຸກຮືແຜ່ລາມໄປຫຼາຍເຂດໃນທົ່ວປະເທດ

ລາຍງານ 28 ກໍລະກົດ 2020, ໄດ້ມີຂະບວນໂຮມຊຸມນຸມຂອງນັກຮຽນ-ນັກສຶກສາເກີດຂຶ້ນຫຼາຍແຫ່ງທົ່ວປະເທດໄທ ຫຼາຍກວ່າ 20 ຄັ້ງ ນັບຕັ້ງແຕ່ອາທິດທີ່ຜ່ານມາ ພາຍໃຕ້ຊື່ ຂະບວນເຍົາວະຊົນປົດແອກ ທີ່ເກີດຂຶ້ນທັງໃນນະຄອນຫຼວງບາງກອກ, ອຸບົນ, ສະກົນນະຄອນ, ຂອນແກ່ນ, ໂຄຣາດ, ຊຽງໃໝ່, ປັດຕານີ, ພູເກັດ, ລຳປາງ, ສົງຂາ, ປະທຸມທານີ, ຊົນບຸລີ ແລະ...

ສ.ອາເມຣິກາ ເປີດບັ້ນຍຸດທະສາດສົງຄາມເຢັນ ກັບ ສປ.ຈີນ ໂດຍການປ່ຽນຄຳຮຽກຜູ້ນຳຈີນ

ລາຍງານ 26 ກໍລະກົດ 2020, ຕະຫຼອດອາທິດທີ່ຜ່ານມາ ທ່ານ ໄມ ພອມແພວ ລັດຖະມົນຕີກະຊວງການຕ່າງປະເທດ ສ.ອາເມຣິກາ ໃຫ້ຄວາມເຫັນຫຼາຍຄັ້ງກ່ຽວກັບສາຍພົວພັນລະຫວ່າງ ສ.ອາເມຣິກາ ກັບ ສປ.ຈີນ ທີ່ທະວີຄວາມເຄັ່ງຕຶງຂຶ້ນອີກສູ່ລະດັບ ຈາກການທີ່ຕ່າງຝ່າຍຕ່າງສັ່ງປິດສະຖານກົງສູນຂອງກັນ ແລະ ກັນຄື: ສະຖານກົງສູງໃຫຍ່ຈີນ ທີ່ເມືອງຮິວສະຕັນ ແລະ ສະຖານກົງສູນໃຫຍ່ ສ.ອາເມຣິກາ ທີ່ເມືອງເສິງຕູ. ແຕ່ມີສິ່ງທີ່ໜ້າສັງເກດ...

ລັດເຊຍປະຕິເສດຂໍ້ກ່າວຫາ ວ່າທົດລອງອາວຸດຕໍ່ຕ້ານດາວທຽມທາງອະວະກາດ

ລາຍງານ​ 26 ກໍລະກົດ 2020, ກະຊວງການຕ່າງປະເທດລັດເຊຍ ອອກຖະແຫຼງການເມື່ອວັນສຸກ (24 ກໍລະກົດ) ທີ່ຜ່ານມາ ວ່າການທົດລອງວັດຖຸໃນອະວະກາດ ເມື່ອວັນທີ 15 ກໍລະກົດ ທີ່ຜ່ານມາ ເປັນໄປຕາມກອບຂອງກົດໝາຍລະຫວ່າງປະເທດ ແລະ ບໍ່ໄດ້ມີການຄຸກຄາມ ຫຼື ກໍ່ກວນດາວທຽມ ແລະ ວັດຖຸໃນອະວະກາດຂອງປະເທດໃດ. ຈຸດຢືນດັ່ງກ່າວຂອງກະຊວງການຕ່າງປະເທດລັດເຊຍ ເກີດຂຶ້ນພາຍຫຼັງທີ່ກະຊວງປ້ອງກັນປະເທດລັດເຊຍອອກຖະແຫຼງການເມື່ອອາທິດທີ່ຜ່ານມາ ວ່າສິ່ງທີ່ທົດລອງຕາມຂໍ້ກ່າວຫາຂອງກຸ່ມປະເທດຕາເວັນຕົກນັ້ນ ເປັນພຽງພາຫະນະດ້ານອະວະກາດຂະໜາດນ້ອຍ...

ຈີນເອົາຄືນສັ່ງໃຫ້ ສ.ອາເມຣິກາ ປິດສະຖານກົງສູນໃຫຍ່ປະຈຳເສິງຕູ ຈຸດຍຸດທະສາດຕາເວັນຕົກ

ລາຍງານ 25 ກໍລະກົດ 2020, ກະຊວງການຕ່າງປະເທດຈີນ ອອກຖະແຫຼງການເມື່ອວັນສຸກ (24 ກໍລະກົດ) ທີ່ຜ່ານມາ ມີເນື້ອໃນວ່າ ເນື່ອງຈາກມາດຕະມາດທີ່ອັນບໍ່ມີເຫດຜົນຂອງ ສ.ອາເມຣິກາ ຈຶ່ງສົ່ງຜົນໃຫ້ລັດຖະບານຈີນ ມີຄວາມຈຳເປັນຕ້ອງດຳເນີນການຕອບໂຕ້ ດ້ວຍເຫດນີ້ລັດຖະບານ ສ.ອາເມຣິກາ ຕ້ອງຍຸຕິພາລະກິດການທູດທັງໝົດທີ່ສະຖານກົງສູນໃຫຍ່ ປະຈຳເມືອງເສິງຕູ ມົນທົນເສສວນ ເຖິງແມ່ນວ່າບໍ່ມີການເປີດເຜີຍເຖິງລາຍລະອຽດເພີ່ມເຕີມວ່າໃຫ້ເວລາເຖິງເມື່ອໃດ ແຕ່ໄດ້ລະບຸວ່າໄດ້ແຈ້ງໃຫ້ ສ.ອາເມຣິກາ ຮັບຊາບແລ້ວ. ການເຄື່ອນໄຫວດັ່ງກ່າວຂອງຈີນ ເກີດຂຶ້ນພາຍຫຼັງທີ່ກະຊວງການຕ່າງປະເທດ...

ຈີນສົ່ງຍານ “ຄຳຖາມສູ່ສວງສະຫວັນ” ອອກເດີນທາງສຳຫຼວດດາວອັງຄານ

ລາຍງານ 23 ກໍລະກົດ 2020, ຈະຫຼວດ Long March-5 ຂອງອົງການອະວະກາດແຫ່ງຊາດຈີນ (CNSA) ລອຍຂຶ້ນຈາກຖານປ່ອຍຈະຫຼວດ ທີ່ສູນອະວະກາດເມືອງເຫວິນສາງ ເກາະໄຫຫຼຳ ນອກຝັ່ງທາງພາກໃຕ້ຂອງຈີນ ເມື່ອວເວລາ 12:41 ໂມງ ຕາມເວລາທ້ອງຖິ່ນຂອງວັນພະຫັດນີ້ ເພື່ອສົ່ງຍານສຳຫຼວດ Tianwen-1 ເດີນທາງໄປສຳຫຼວດດາວອັງຄານ. ອົງການອະວະກາດແຫ່ງຊາດຈີນລາຍງານກ່າວວ່າ ປະມານ 36 ນາທີຕໍ່ມາ ຍານອະວະກາດທີ່ປະກອບດ້ວຍຍານໂຄຈອນ...

ສ.ອາເມຣິກາສັ່ງໃຫ້ ສປ.ຈີນ ປິດສະຖານກົງສູນໃຫຍ່ທີ່ເມືອງຮິວສະຕັນ ພາຍໃນ 72 ຊົ່ວໂມງ

ລາຍງານ 22 ກໍລະກົດ 2020, ທ່ານ ຫວັງ ເຫວີນປິນ ໂຄສົກກະຊວງການຕ່າງປະເທດຈີນ ຖະແຫຼງວ່າ ລັດຖະບານ ສ.ອາເມຣິກາແຈ້ງຢ່າງເປັນທາງການມາຍັງລັດຖະບານຈີນ...

ໄຟໄໝ້ເຮືອຮົບ ສ.ອາເມຣິກາ ເຂົ້າສູ່ມື້ທີ 3 ແປວໄຟຍັງບໍ່ມອດ, ມີລາຍງານນ້ຳມັນໃນເຮືອ 4 ລ້ານລິດ

ລາຍງານ 15 ກໍລະກົດ 2020, ນັບຕັ້ງແຕ່ທີ່ກອງທັບເຮືອ ສ.ອາເມຣິກາ ລາຍງາຍວ່າເກີດເຫດໄຟໄໝ້ເຮືອຮົບ USS Bonhomme Richard ເຊິ່ງເປັນເຮືອໂຈມຕີສະເທືອນນ້ຳສະເທືອນບົກ...

ສ.ອາເມຣິກາ ທົດສອບລະບົບປ້ອງກັນຂີປະນາວຸດ THAAD ສາມາດສະກັດເປົ້າໝາຍໄດ້ຢ່າງແມ້ນຢຳ

ສຳນັກຂ່າວຕ່າງປະເທດລາຍງານ 12 ກໍລະກົດ 2017 ວ່າ: ສຳນັກງານປ້ອງກັນຂີປະນາວຸດສະຫະລັດອາເມຣິກາ (MDA) ອອກຖະແຫຼງການເມື່ອວັນອັງຄານທີ່ຜ່ານມາວ່າ ໄດ້ມີການທົດລອງປະສິດທິພາບຂອງລະບົບປ້ອງກັນຂີປະນາວຸດເພດານສູງ "THAAD" ທີ່ເມືອງໂຄດິແອດ ໃນລັດອະແລສກາ ໂດຍລະບົບສາມາດຍິງສະກັດເປົ້າໝາຍຂີປະນາວຸດພິໄສກາງ (IRBM) ຈຳລອງ ເຊິ່ງເປັນຂີປະນາວຸດທີ່ເຄື່ອນທີ່ໄວ ແລະ ສະກັດໄດ້ຍາກກວ່າຂີປະນາວຸດພິໄສໃກ້ ຍິງອອກຈາກຍົນຂົນສົ່ງທາງທະຫານ C-17 ທີ່ບິນຢູ່ເໜືອລັດຮາວາຍ, ຖືເປັນສະຖິຕິຄວາມສຳເລັດໃນອັດຕາ 100% ນັບຕັ້ງແຕ່ການທົດສອບລະບົບ...

ລັດຖະບານຕັ້ງເປົ້າເກັບລາຍຮັບເຂົ້າງົບປະມານໃຫ້ໄດ້ 26,000 ກວ່າຕື້ກີບພາຍໃນປີ 2018

ສຳນັກຂ່າວສານປະເທດລາວ (ຂປລ) ລາຍງານວ່າ: ລັດຖະບານໄດ້ຕັ້ງເປົ້າໝາຍສູ້ຊົນໃຫ້ບັນລຸການຈັດເກັບລາຍຮັບເຂົ້າງົບປະມານແຫ່ງລັດ 26,000 ຕື້ກວ່າກີບພາຍໃນປີ 2018 ເຊິ່ງເປັນໜຶ່ງໃນຫຼາຍຄວາມພະຍາຍາມ ເພື່ອຕອບສະໜອງຍຸດທະສາດແຜນພັດທະນາເສດຖະກິດ-ສັງຄົມແຫ່ງຊາດ ແຕ່ລະໄລຍະສົກປີ 2017-2018 ໂດຍການຈັດເກັບລາຍຮັບເຂົ້າງົບປະມານແຫ່ງລັດຕ້ອງບັນລຸ 26,618 ຕື້ກີບ ເທົ່າກັບ 18.72% ຂອງ GDP ໃນນັ້ນ, ລາຍຮັບພາຍໃນບໍ່ໃຫ້ຫຼຸດ 23,028 ຕື້ກີບ ເທົ່າກັບ 16.19%...

ກາຕາ ປະກາດວ່າມີເງິນສຳຮອງຫຼາຍພໍທີ່ຈະຕໍ່ສູ້ກັບວິກິດທີ່ຖືກປ່ອຍໃຫ້ຢູ່ຢ່າງໂດດດ່ຽວ

ສຳນັກຂ່າວຕ່າງປະເທດລາຍງານ 11 ກໍລະກົດ 2017 ວ່າ: ເມື່ອວັນທີ 10/07/2017 ທີ່ຜ່ານມາ ຊີດ ອັບດຸນເລາະ ບິນ ຊາອຸດ ອັນ-ທານີ ຜູ້ວ່າການທະນາຄານກາງກາຕາ ໃຫ້ສຳພາດກັບນັກຂ່າວສະຖານນີໂທລະພາບ CNBC ກ່າວວ່າ ກາຕາມີເງິນສຳຮອງ 340,000 ລ້ານໂດລາສະຫະລັດ (340 ຕື້ໂດລາ) ຫຼາຍພໍທີ່ຈະຊ່ວຍໃຫ້ປະເທດຮັບມືກັບການຖືກປ່ອຍໃຫ້ຢູ່ຢ່າງໂດດດ່ຽວຈາກກຸ່ມປະເທດອາຣັບທີ່ມີອິດທິພົນ ເງິນສຳຮອງດັ່ງກ່າວເປັນຄວາມໜ້າເຊື່ອຖືຂອງລະບົບຂອງກາຕາ...

ສະພາກຳປູເຈຍແກ້ໄຂກົດໝາຍເລືອກຕັ້ງ ດ້ວຍເປົ້າໝາຍເພື່ອກີດກັນພັກຝ່າຍຄ້ານໃນການເລືອກຕັ້ງຄັ້ງຕໍ່ໄປ

ສຳນັກຂ່າວຕ່າງປະເທດລາຍງານ 11 ກໍລະກົດ 2017 ວ່າ: ໃນການປະຊຸມສະພາແຫ່ງຊາດກຳປູເຈຍ ເຊິ່ງພັກປະຊາຊົນກຳປູເຈຍຂອງສົມເດັດຮຸນ ເຊນ ນາຍົກລັດຖະມົນຕີ ທີ່ຄອງສຽງສ່ວນໃຫຍ່ໃນສະພາ ມີມະຕິໃນກອງປະຊຸມເມື່ອວັນຈັນທີ່ຜ່ານມາຮັບຮອງຮ່າງກົດໝາຍແກ້ໄຂເພີ່ມເຕີມມາດຕາໃນກົດໝາຍເລືອກຕັ້ງ ວ່າດ້ວຍການຫ້າມບໍ່ໃຫ້ພັກການເມືອງກ່ຽວຂ້ອງ ແລະ ມີຄວາມສຳພັນກັບບຸກຄົນທີ່ມີຄະດີອາຍາ ຫຼື ຄະດີອາຊະຍາກຳ ຕະຫຼອດຮອດບຸກຄົນທີ່ສານສັ່ງຫ້າມເຄື່ອນໄຫວທາງການເມືອງ ຖານໂພສ (Post) ຜ່ານສື່ອອນລາຍດ້ວຍພາບນິ້ງ, ພາບເຄື່ອນໄຫວ ແລະ ຂໍ້ຄວາມສຽງທີ່ມີເນື້ອໃນປຸກລະດົມ ຫາກພັກການເມືອງໃດຝ່າຝືນອາດຕ້ອງໄດ້ຮັບໂທດເວັ້ນວັກທາງການເມືອງສູງສຸດເປັນເວລາ...

ອິນເດຍ – ສ.ອາເມຣິກາ ແລະ ຍີ່ປຸ່ນ ຮ່ວມຊ້ອມຮົບທາງທະເລໃນມະຫາສະໝຸດອິນເດຍ ເພື່ອຄານອິດທິພົນຈີນ

ສຳນັກຂ່າວຕ່າງປະເທດລາຍງານ 11 ກໍລະກົດ 2017 ວ່າ: ອິນເດຍເລີ່ມການຊ້ອມຮົບທາງທະເລ  "ມາລາບາ 2017" (Malabar 2017) ຮ່ວມກັບສະຫະລັດອາເມຣິກາ ແລະ ຍີ່ປຸ່ນ ໃນທະເລນອກຝັ່ງທາງພາກໃຕ້ຂອງອິນເດຍ ເມື່ອວັນຈັນທີ່ຜ່ານມາ ໂດຍມີເປົ້າໝາຍຍົກລະດັບຄວາມສຳພັນທາງທະຫານ ເພື່ອຕໍ່ຕ້ານອິດທິພົນຂອງຈີນທີ່ກຳລັງແຜ່ຂະຫຍາຍໃນພູມມິພາກ ເຊິ່ງການຊ້ອມຮົບດັ່ງກ່າວເກີດຂຶ້ນໃນຂະນະທີ່ກອງທັບອິນເດຍ ແລະ ກອງທັບຈີນກຳລັງປະເຊີນໜ້າໃນເຂດຄວາມຂັດແຍ່ງທາງຍຸດທະສາດຢູ່ສາຍພູຫິມາໄລ ເຂດແດນຮອຍຕໍ່ລະຫວ່າງອິນເດຍ, ຈີນ ແລະ ພູຖານ. ອິນເດຍເກີດກໍລະນີຄວາມຂັດແຍ່ງທາງດິນແດນມາຍາວນານກັບຈີນ...

ພາກໃຕ້ຍີ່ປຸ່ນຖືກນ້ຳຖ້ວມ, ນ້ຳຊຸ ຢ່າງຮຸນແຮງ ເຮັດໃຫ້ມີຜູ້ເສຍຊີວິດແລ້ວ 20 ຄົນ

ສຳນັກຂ່າວຕ່າງປະເທດລາຍງານ 10 ກໍລະກົດ 2017 ວ່າ: ທີ່ເກາະຄິວຊູທາງພາກໃຕ້ຂອງຍີ່ປຸ່ນ ໄດ້ຮັບຄວາມເສຍຫາຍຢ່າງໜັກຈາກໄພນ້ຳຖ້ວມ ພາຍຫຼັງທີ່ລະດັບນ້ຳຫຼາຍສາຍລົ້ນຝັ່ງເຂົ້າຖ້ວມເສັ້ນທາງ ແລະ ບ້ານເຮືອນປະຊາຊົນ ເນື່ອງຈາກຝົນຕົກໜັກ ເຮັດໃຫ້ປະຊາຊົນຫຼາຍພັນຄົນຕ້ອງອົບພະຍົບອອກຈາກເຂດນ້ຳຖ້ວມໄປພັກເຊົາຊົ່ວຄາວຕາມສະຖານທີ່ທີ່ທາງການຈັດໄວ້ໃຫ້ເຊັ່ນ: ໂຮງຮຽນ ແລະ ຕຶກອາຄານຂອງລັດ, ແຕ່ຍັງມີຫຼາຍຄົນທີ່ຕົກຄ້າງຢູ່ເຂດນ້ຳຖ້ວມ ເຮັດໃຫ້ໜ່ວຍກູ້ໄພສຸກເສີນຕ້ອງບຸກກອງຕົ້ມຂະໜາດໃຫຍ່ ທ່າມກາງສາຍຝົນເພື່ອເຂົ້າໄປຊ່ວຍເຫຼືອ. ສຳນັກຂ່າວກຽວໂຕລາຍງານວ່າ ມີປະຊາຊົນປະມານ 250 ຄົນຖືກຕັດຂາດຈາກພາຍນອກເມື່ອວັນອາທິດທີ່ຜ່ານມາ, ຂົວທີ່ເພ ແລະ ນ້ຳຖ້ວມຂັງຕາມແລວພູເປັນອຸປະສັກຕໍ່ຄວາມພະຍາຍາມທີ່ຈະເຂົ້າໄປຊ່ວຍເຫຼືອ,​ກຽວໂຕລາຍງານວ່າ...

ອິຣັກປະກາດໄຊຊະນະ ປົດປ່ອຍເມືອງໂມຊຸນ ຈາກກຸ່ມ IS ໄດ້ແລ້ວ

ສຳນັກຂ່າວຕ່າງປະເທດລາຍງານ 10 ກໍລະກົດ 2017 ວ່າ: ທ່ານ ໄຮເດີ ອັນ-ອາບາດີ ນາຍົກລັດຖະມົນຕີອິຣັກ ປະກາດໄຊຊະນະໃນການປົດປ່ອຍເມືອງໂມຊຸນຂອງອິຣັກໄດ້ສຳເລັດ ພາຍຫຼັງທີ່ເມືອງໂມຊຸນຖືກກຸ່ມກຳລັງລັດອິດສະລາມ (IS) ຢຶດຄອງ ແລະ ຕໍ່ສູ້ກັນມາເຖິງ 9 ເດືອນ. ຂ່າວລະບຸວ່າ ທ່ານ ອາບາດີ ໄດ້ເດີນທາງໄປຍັງເມືອງໂມຊຸນ ເພື່ອຖະແຫຼງໄຊຊະນະໃນການປົດປ່ອຍເມືອງໂມຊຸນ ພ້ອມກັບສະແດງຄວາມຍີນດີກັບບັນດານັກຮົບຜູ້ກ້າຫານ ແລະ ປະຊາຊົນອິຣັກ...

ຈາກຜົນສຳຫຼວດຄົນຍີ່ປຸ່ນບໍ່ສົນໃຈເພດສຳພັນ, ແຕ່ງດອງກັນໜ້ອຍລົງ, ຄົນໂສດເພີ່ມ, ການເກີດຫຼຸດລົງ

ສະຖາບັນວິໄຈປະຊາກອນ ແລະ ສັງຄົມແຫ່ງຊາດຍີ່ປຸ່ນລາຍງານວ່າ 43% ຂອງຜູ້ຊາຍອາຍຸລະຫວ່າງ 18-34 ປີ ຍັງບໍ່ເຄີຍມີເພດສຳພັນເລີຍຈັກຄັ້ງ, ສ່ວນຜູ້ຍິງໃນໄວດຽວກັນທີ່ບໍ່ເຄີຍມີເພດສຳພັນມີອັດຕາສ່ວນສູງເຖິງ 64%. ກ່ອນໜ້ານີ້ສະຖາບັນດັ່ງກ່າວເຄີຍສຳຫຼວດວ່າ ຜູ້ຊາຍອາຍຸ 50 ປີ ເກືອບ 1 ໃນ 4 ຍັງບໍ່ໄດ້ແຕ່ງດອງ, ເຊັ່ນດຽວກັນກັບ 1 ໃນ 7 ຂອງຜູ້ຍິງຍີ່ປຸ່ນອາຍຸ 50...

ຜູ້ນຳ G-20 ພ້ອມໃຈກັນຕັດຫາງ ສ.ອາເມຣິກາ ທີ່ມີຈຸດຢືນແຕກແຍກຈາກປະເທດອື່ນເລື່ອງບັນຫາໂລກຮ້ອນ

ສຳນັກຂ່າວຕ່າງປະເທດລາຍງານ 9 ກໍລະກົດ 2017 ວ່າ: ທ່ານນາງ ອັງເກລາ ແມເຄີ ນາຍົກລັດຖະມົນຕີເຢຍລະມັນ ໄດ້ສະແດງທັກສະຜູ້ໄກ່ເກ່ຍທີ່ດີເລີດໃນການບັນລຸເປົ້າໝາຍຫຼັກຂອງການປະຊຸມສຸດຍອດ G-20 ຂອງຜູ້ນຳກຸ່ມປະເທດເສດຖະກິດຂະໜາດໃຫຍ່ ທີ່ເມືອງຮຳບວກ ປະເທດເຢຍລະມັນ ດ້ວຍການໂອ່ນອ່າງໃຫ້ຜູ້ນຳປະເທດຕ່າງໆ ສະໜັບສະໜູນຖະແຫຼງການຮ່ວມພຽງສະບັບດຽວທີ່ສົ່ງເສີມການຄ້າ, ການເງິນ, ພະລັງງານ ແລະ ອາຟຣິກາ. ເຖິງຢ່າງໃດກໍ່ຕາມຄວາມແຕກແຍກລະຫວ່າງທ່ານ ໂດໂນ ທຣຳ ປະທານປະເທດສະຫະລັດອາເມຣິກາ ທີ່ໄດ້ຮັບການເລືອກໃຫ້ເປັນປະທານປະເທດພາຍໃຕ້ຄຳຂວັນ...

ເກົາຫຼີເໜືອເຕືອນ ສ.ອາເມຣິກາ-ເກົາຫຼີໃຕ້ວ່າ “ຢ່າຫຼິ້ນໄຟໃກ້ໝື້” ພາຍຫຼັງທີ່ເຝິກຊ້ອມໂຈມຕີດ້ວຍຍົນຖິ້ມລະເບີດ

ສຳນັກຂ່າວຕ່າງປະເທດລາຍງານ 9 ກໍລະກົດ 2017 ວ່າ: ໜັງສືພິມໂຣດອງຂອງທາງການເກົາຫຼີເໜືອສະບັບປະຈຳມື້ນີ້ໄດ້ລົງຫົວຂໍ້ "ຢ່າຫຼິ້ນໄຟໃກ້ໝື້" ໂດຍມີເນື້ອໃນລະບຸວ່າ: ສະຫະລັດອາເມຣິກາ ກຳລັງດຳເນີນການຍຸຍົງທາງການທະຫານ ເພື່ອຊຸກດັນໃຫ້ເກີດສົງຄາມຢູ່ແຫຼມເກົາຫຼີ, ການທີ່ ສ.ອາເມຣິກາ ແລະ ເກົາຫຼີໃຕ້ຮ່ວມຊ້ອມຮົບ ໂດຍໃຊ້ຍົນຖິ້ມລະເບີດດ້ວຍອາວຸດຈິງຈຳລອງເຫດການທຳລາຍຂີປະນາວຸດ ແລະ ໂຈມຕີກອງບັນຊາການໃຕ້ດິນຂອງເກົາຫຼີເໜືອໃນມື້ວານນີ້ນັ້ນ ຖືເປັນເດີມພັນທາງທະຫານທີ່ອັນຕະຫຼາຍທີ່ສຸດຂອງພວກກະຫາຍສົງຄາມ ທີ່ພະຍາຍາມຈູດຊະນວນສົງຄາມນິວເຄຼຍຢູ່ແຫຼມເກົາຫຼີທີ່ຖືວ່າເປັນວັດຖຸໄວໄຟຂະໜາດໃຫຍ່ທີ່ສຸດຂອງໂລກ, ການຕັດສິນໃຈທີ່ຜິດພາດພຽງແຕ່ໜ້ອຍດຽວກໍ່ອາດນຳມາເຊິ່ງຈຸດເລີ່ມຕົ້ນຂອງສົງຄາມນິວເຄຼຍໄດ້ທັນທີ ແລະ ຈະເຮັດໃຫ້ເກີດສົງຄາມໂລກຄັ້ງໃໝ່ຂຶ້ນຢ່າງບໍ່ສາມາດຫຼີກລ້ຽງໄດ້. ຍົນຖິ້ມລະເບີດຂອງ ສ.ອາເມຣິກາ...