ລາວ-ລັດເຊຍລົງນາມຮ່ວມມືພະລັງງານນິວເຄຼຍແບບສັນຕິ, ການຮ່ວມມືທາງການທະຫານ ແລະ ອື່ນໆ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEh9z8rWs5mcX-Flc4g7XkQURK68ygUvgio7TwaHFExyxZfibl5pBjcbM3TmF46Q3lox8RrR2QG1bs77GGfVWbYVfmi8pG3k2kWWjfpd7AtC13Z-2dQeefJkAmkaMv6OVLbOOHbVCl52VAUW/s1600/582.jpg)
![](https://blogger.googleusercontent.com/img/b/R29vZ2xl/AVvXsEj1Gskni0R3xoqiPucR0M6NQ4Z0f2GOmXnuPuzaBtXjbldto7xWADXGlZmAJlXsKHne7iuH6zYtt9f7mNipaKa5p3TFKd49c3kLNQELw2p5htDqPmrYbQm4GsxYutp8SylTz9ZlMgS9Rek4/s1600/581.jpg)
ທ່ານ ທອງລຸນ ສີສຸລິດ ນາຍົກລັດຖະມົນຕີ ພ້ອມດ້ວຍຄະນະເດີນທາງເຖິງລັດເຊຍແລ້ວ ໂດຍຕອບສະໜອງຕາມຄຳເຊີນຂອງທ່ານ ເດີມີຕຣີ ເມດເວດເດບ ນາຍົກລັດຖະມົນຕີແຫ່ງລັດເຊຍ ໃນລະຫວ່າງວັນທີ 25-28 ກັນຍາ 2017 ນີ້.
![](https://blogger.googleusercontent.com/img/b/R29vZ2xl/AVvXsEj4Fujud75y_6_5RJYyef-y3ylaXYXaxh1VM-z2FIvr5heJ7qNyJHtEktZYIIJATuddwXBT1YIeZ_9n3b3NyAc8TKXskcFGA5x-jbRfd58xBpe922HTu-nG0ngTP1e0zPkiC0Ty8kEdl-mm/s1600/583.jpg)
ໂດຍທ່ານ ເດີມີຕຣີ ເມດເວດເດບ ກ່າວວ່າ: ການຢ້ຽມຢາມຢ່າງເປັນທາງໃນຄັ້ງນີ້ຈະເປັນໂອກາດໃນການແລກປ່ຽນຄວາມຄິດຄວາມເຫັນກ່ຽວກັບການເພີ່ມທະວີສາຍພົວພັນສອງຝ່າຍ, ຊ່ວຍເສີມສ້າງໃຫ້ສາຍພົວພັນນັບມື້ນັບເຂັ້ມແຂງ ແລະ ເກີດການຮ່ວມມືໃໝ່ໆ ໂດຍລວມແລ້ວພວກເຮົາຈະປຶກສາຫາລືໃນທຸກສິ່ງທຸກຢ່າງທີ່ກ່ຽວຂ້ອງກັບສາຍພົວພັນທີ່ມີມາຢ່າງຍາວນານລະຫວ່າງສອງປະເທດຂອງພວກເຮົາ.
ໃນດ້ານຂອງທ່ານ ທອງລຸນ ສີສຸລິດ ກ່າວວ່າ: ລັດເຊຍ ແລະ ລາວເປັນຄູ່ຮ່ວມມືທາງຍຸດທະສາດ ໂດຍການຢ້ຽມຢາມຂອງພວກເຮົາໃນມື້ນີ້ ແມ່ນມືແຜນທີ່ຈະປຶກສາຫາລືກ່ຽວກັບຄວາມສຳພັນລະຫວ່າງສອງປະເທດ ເຊິ່ງການພົບປະໃນມື້ນີ້ຖືເປັນຂີດໝາຍສຳຄັນໃນການເພີ່ມທະວີສາຍພົວພັນລະຫວ່າງສອງປະເທດຂອງພວກເຮົາ.
![](https://blogger.googleusercontent.com/img/b/R29vZ2xl/AVvXsEhmu2aQc2jOwZPCX10vuU0-oRyx_Y9f9e4z3x2kMsQT4EtiCbxri3zVLuIu_CmqWSNC1TLJNDwU5qAW9WNE4PqPGZakHM8KWKAdw_51L5HL_xMBGlHHFPLxzZvAPn97vdDXWmGH54DJ9Kgu/s1600/580.jpg)
ເຊິ່ງທັງສອງນາຍົກລາວ-ລັດເຊຍກໍ່ໄດ້ເປັນສັກຂີພິຍານໃນການລົງນາມໃນເອກະສານສຳຄັນຫຼາຍສະບັບດັ່ງນີ້:
- ຂໍ້ຕົກລົງໃນສົ່ງຕົວນັກໂທດລະຫວ່າງລາວ-ລັດເຊຍ ລົງນາມໂດຍທ່ານ ກົງທອງ ພົງວິຈິດ ຮອງລັດຖະມົນຕີກະຊວງປ້ອງກັນຄວາມສະງົບຂອງລາວ ແລະ ທ່ານ ອາເລັກຊານເດີ ໂກໂນວາລົບ ລັດຖະມົນຕີກະຊວງຍຸດຕິທຳລັດເຊຍ.
- ຂໍ້ຕົກລົງການຈາລະຈອນທາງອາກາດລະຫວ່າງລາວ-ລັດເຊຍ ລົງນາມໂດຍທ່ານ ບຸນຈັນ ສິນທະວົງ ລັດຖະມົນຕີກະຊວງໂຍທາທິການ ແລະ ຂົນສົ່ງຂອງລາວ ແລະ ທ່ານ ມາຊິມ ໂຊໂກລົບ ລັດຖະມົນຕີກະຊວງຂົນສົ່ງຂອງລັດເຊຍ
- ບັນທຶກຄວາມເຂົ້າໃຈກ່ຽວກັບການຮ່ວມມືດ້ານພະລັງງານລະຫວ່າງລາວ-ລັດເຊຍ ລົງນາມໂດຍທ່ານ ຄຳມະນີ ອິນທະລາດ ລັດຖະມົນຕີກະຊວງພະລັງງານ ແລະ ບໍ່ແຮ່ຂອງລາວ ແລະ ທ່ານ ອາເລັກຊານເດີ ໂນວາກ ລັດຖະມົນຕີກະຊວງພະລັງງານຂອງລັດເຊຍ
![](https://blogger.googleusercontent.com/img/b/R29vZ2xl/AVvXsEh9z8rWs5mcX-Flc4g7XkQURK68ygUvgio7TwaHFExyxZfibl5pBjcbM3TmF46Q3lox8RrR2QG1bs77GGfVWbYVfmi8pG3k2kWWjfpd7AtC13Z-2dQeefJkAmkaMv6OVLbOOHbVCl52VAUW/s1600/582.jpg)
- ບັນທຶກຄວາມເຂົ້າໃຈກ່ຽວກັບກ່ຽວກັບການສວດສອບດ້ານການເງິນຂອງລັດ, ສູນເຝິກອົບຮົບວິທະຍາການອິດສະຫຼະທີ່ບໍ່ຫວັງຜົນກຳໄລລະຫວ່າງປະເທດ ສຳລັບການກວດສອບທາງດ້ານການເງິນ, ການເຝິກອົບຮົບໃຫ້ແກ່ພະນັກງານຂອງສຳນັກງານຕໍ່ຕ້ານການຟອກເງິນ ແລະ ສະໜອງທຶນໃຫ້ແກ່ການກໍ່ການຮ້າຍຂອງລາວ ລົງນາມໂດຍທ່ານນາງ ວັດທະນາ ດາລາລອຍ ຮອງຜູ້ວ່າການທະນາຄານແຫ່ງ ສປປ.ລາວ ແລະ ທ່ານ ຢູຣິ ຈິຄານຈິນ ຜູ້ອຳນວຍການສຳນັກງານກວດສອບການເງິນແຫ່ງລັດຂອງລັດເຊຍ.
- ແຜນງານໃນການຮ່ວມມືທາງດ້ານພະລັງງານນິວເຄຼຍແບບສັນຕິ ລົງນາມໂດຍທ່ານ ສີນາວາ ສຸພານຸວົງ ຮອງລັດຖະມົນຕີກະຊວງພະລັງງານ ແລະ ບໍ່ແຮ່ ແລະ ທ່ານ ນິໂຄລັດ ສະແປສກີ ຮອງຜູ້ອຳນວຍການໃຫຍ່ບໍລິສັດ Rosatom State Atomic Energy
- ສັນຍາການຮ່ວມມືທາງການທະຫານ ແລະ ວິທະຍາການການທະຫານ ລົງນາມໂດຍທ່ານ ສຸວອນ ເລືອງບຸນມີ ຮອງລັດຖະມົນຕີກະຊວງປ້ອງກັນປະເທດຂອງລາວ ແລະ ທ່ານ ອາເລັກຊານເດີ ມິກເຄເຢບ ຜູ້ອຳນວຍການໃຫຍ່ລັດວິສາຫະກິດ Rosoboronexport ຜູ້ນຳເຂົ້າ-ສົ່ງອອກຍຸດທະພັນທາງການທະຫານຂອງລັດເຊຍ.
- ຂໍ້ຕົກລົງໃນການຮ່ວມລົງທຶນເຂື່ອນໄຟຟ້າເຊກອງ 5 ລະຫວ່າງບໍລິສັດ A-RKSENA ຂອງລັດເຊຍ ກັບ ບໍລິສັດ EDL-Gen ຂອງລາວ ລົງນາມໂດຍທ່ານນາງ ລັດຕະນະ ປະທຸມວັນ ປະທານສະພາບໍລິຫານບໍລິສັດ EDL-gen ແລະ ທ່ານ ອິກກໍ ດາຄິນ ຜູ້ອຳນວຍການດ້ານການລົງທຶນຂອງບໍລິສັດ A-RKSENA
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ