ໃນເມື່ອ ສ.ອາເມຣິກາ ປະກາດສົງຄາມກັບພວກເຮົາ ພວກເຮົາກໍ່ມີສິດທີ່ຈະຕອບໂຕ້ ເກົາຫຼີເໜືອກ່າວ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEiK5aZAKc3iIM69k2W9OICOA4c_nOhHz1IMKDPos3ZJTqEkgu_It7at826w4u7P-SxgKmXEORembHEeJGGIMkQMq2ImSq-P661N1dxEftxH-EFwv_Y2sw96WlcKy7o7piwx6DpvZl2P0tIc/s1600/578.jpg)
ສຳນັກຂ່າວຕ່າງປະເທດລາຍງານເມື່ອວັນທີ 25 ກັນຍາ 2017 ທີ່ຜ່ານມາວ່າ: ຄຳຂູ່ຫຼ້າສຸດເຊິ່ງກັນ ແລະ ກັນລະຫວ່າງສະຫະລັດ ອາເມຣິກາ ກັບ ເກົາຫຼີເໜືອ ເຮັດໃຫ້ສະຖານະການຄວາມເຄັ່ງຕຶງເພີ່ມທະວີ ຈາກການໂຕ້ຕອບກັນໄປມາຕະຫຼອດອາທິດທີ່ຜ່ານມາ ໂດຍເລີ່ມຈາກທ່ານ ໂດໂນ ທຣຳ ປະທານປະເທດ ສ.ອາເມຣິກາທີ່ກ່າວຄຳຂູ່ໃນລະຫວ່າງການຖະແຫຼງຕໍ່ກອງປະຊຸມສະມັດຊາໃຫຍ່ປະຈຳປີຂອງອົງການສະຫະປະຊາຊາດ (UNGA) ທີ່ນິວຢອກວ່າ ສ.ອາເມຣິກາພ້ອມທີ່ຈະໂຈມຕີເກົາຫຼີເໜືອໃຫ້ຮາບກ້ຽງ ຫາກເກົາຫຼີເໜືອເປີດສາກໂຈມຕີກ່ອນ.
![](https://blogger.googleusercontent.com/img/b/R29vZ2xl/AVvXsEhXve0Op575g5ySBc_RRrZl6VF7qYqNx1omtCN0bBKYqrVOSAsJZ5pDicF8lnVr1HM0UGg1LSH-d9gdeGiF7fkgG231xgfdOUHJ9bX2EBk9ZEuWD1ji53VnTAF0VlH0cn8fnj-qyNMc0epX/s1600/579.jpg)
ທ່ານ ຣີ ຢອງໂຮ ລັດຖະມົນຕີກະຊວງການຕ່າງປະເທດເກົາຫຼີເໜືອໃຫ້ສຳພາດກັບສື່ມວນຊົນເມື່ອວັນຈັນທີ່ຜ່ານມາ ຢູ່ນິວຢອກວ່າ: ປະຊາຄົມໂລກຕ້ອງເຂົ້າໃຈວ່າ ສະຫະລັດ ອາເມຣິກາ ປະກາດສົງຄາມກັບປະເທດຂອງພວກເຮົາກ່ອນ ໃນເມື່ອ ສ.ອາເມຣິກາ ປະກາດສົງຄາມກັບພວກເຮົາ ພວກເຮົາກໍ່ມີສິດທີ່ຈະຕອບໂຕ້ ໃນນັ້ນລວມທັງສິດໃນການທີ່ຈະຍິງຍົນຖິ້ມລະເບີດທາງຍຸດທະສາດຂອງ ສ.ອາເມຣິກາ ທີ່ບິນເຂົ້າມາໃກ້ ເຖິງຈະບໍ່ຢູ່ໃນນ່ານຟ້າຂອງພວກເຮົາກໍ່ຕາມ.
ນອກຈາກນີ້ທ່ານ ຣີ ຍັງໄດ້ໃຫ້ສຳພາດກັບສື່ມວນຊົນກ່ອນເດີນທາງອອກຈາກນິວຢອກຕື່ມອີກວ່າ "ເນື່ອງຈາກການປະກາດສົງຄາມຂອງທ່ານ ທຣຳ ທຸກທາງເລືອກຈຶ່ງຖືກວ່າງໄວ້ຢູ່ເທິງໂຕະຂອງທ່ານຜູ້ນຳສູງສຸດຂອງເກົາຫຼີເໜືອເປັນຜູ້ພິຈາລະນາ"
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ