GDP ໄຕມາດທຳອິດຂອງຫວຽດນາມ ຂະຫຍາຍຕົວສູງທີ່ສຸດໃນຮອບ 10 ປີ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEhsf93JUp-fE_jPw6lb5OsmSTGyhuqHZ5SLxa8v2CxKVDcPGYTHd2H420x_aWI1F0pZD2eDo_aj2vfr1-2kwrrFQ0bkMaYzI0FwZOIOgl65fo1n2NmBAU_s-NG10zzKe0l_6geb2GjQkl8/s1600/646.jpg)
ສຳນັກຂ່າວຕ່າງປະເທດລາຍງານ 29 ມີນາ 2018 ວ່າ: ສູນສະຖິຕິແຫ່ງຊາດຂອງຫວຽດນາມລາຍງານອັດຕາການເຕີບໃຫຍ່ຂອງລວມຍອດຜະລິດຕະພັນພາຍໃນ (GDP) ໄຕມາດທຳອິດຂອງປີນີ້ ຢູ່ທີ່ 7.38% ເຊິ່ງເປັນຜົນມາຈາກຜົນຜະລິດດ້ານກະສິກຳ ແລະ ອຸດສາຫະກຳທີ່ເພີ່ມຂຶ້ນຢ່າງຕໍ່ເນື່ອງ ດ້ວຍນະໂຍບາຍປະຕິຮູບເສດຖະກິດຂອງລັດຖະບານຫວຽດນາມ ແລະ ຖືເປັນສະຖິຕິທີ່ດີທີ່ສຸດນັບຕັ້ງແຕ່ໄຕມາດທຳອິດຂອງປີ 2008 ທີ່ GDP ໃນເວລານັ້ນຂະຫຍາຍຕົວຢູ່ທີ່ລະດັບ 7.4%.
ຂະນະທີ່ GDP ຂອງຫວຽດນາມໝົດປີ ໃນປີ 2017 ຂະຫຍາຍຕົວ 6.81% ຖືເປັນສະຖິຕິທີ່ດີທີ່ສຸດນັບຕັ້ງແຕ່ປີ 2010 ແລະ ທະນາຄານໂລກຄາດຄະເນວ່າ ເສດຖະກິດຂອງຫວຽດນາມຈະຂະຫຍາຍຕົວທີ່ລະດັບ 6.5% ໃນປີນີ້.
ເຊິ່ງຜົນຜະລິດພາກອຸດສາຫະກຳຂອງຫວຽດນາມຂະຫຍາຍຕົວເຖິງ 13.56% ໃນໄຕມາດທຳອິດຂອງປີນີ້ ເຊິ່ງເປັນຜົນມາຈາກການທີ່ບໍລິສັດຕ່າງປະເທດຫຼາຍແຫ່ງອາໄສຫວຽດນາມເປັນຖານໃນການຜະລິດສິນຄ້າຫຼາຍຂຶ້ນເຊັ່ນ: ບໍລິສັດຊຳຊຸງ ອິເລັກໂຕຼນິກ ຂອງເກົາຫຼີໃຕ້ ເຊິ່ງຊ່ວຍໃຫ້ມູນຄ່າການສົ່ງອອກສິນຄ້າອີເລັກໂຕຼນິກຂອງຫວຽດນາມ ໃນໄຕມາດທຳອິດຂອງປີນີ້ສູງເຖິງ 12,300 ລ້ານໂດລາສະຫະລັດ ເພີ່ມຂຶ້ນແບບກ້າວກະໂດດເຖິງ 58.8% ຈາກຊ່ວງເວລາດຽວກັນຂອງປີທີ່ຜ່ານມາ, ສ່ວນຜົນຜະລິດກະສິກຳ ແລະ ການປະມົງໃນໄລຍະ 3 ເດືອນທຳອິດຂອງປີນີ້ເພີ່ມຂຶ້ນ 4.05% ເມື່ອທຽບກັບສະຖິຕິຂອງປີ 2017 ຖືເປັນຄັ້ງທຳອິດໃນຮອບ 13 ປີ ທີ່ຜົນຜະລິດກະສິກຳ ແລະ ການປະມົງຂອງຫວຽດນາມຂະຫຍາຍຕົວເກີນ 4%.
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ