ຈີນຊວນອັງກິດຮ່ວມແຜນຍຸດທະສາດ ໃນຂະນະທີ່ອັງກິດກໍ່ກຳລັງຫາພັນທະມິດນອກພູມມິພາກ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEihKMphAO3mk0BG_XuxvXy8r_YHNJOO7YIIiFLEQkFT33lCP3Z5oBT6XF-QApBzul8wqylR2HjjGg_Xr1gX8dUOnsL0PgossHK9B_Tbxd3hQYKBoArkeN4OxvxIlcDFqyAY3NhHfp9Fokad/s1600/387.jpg)
ສຳນັກຂ່າວຕ່າງປະເທດລາຍງານ 2 ກຸມພາ 2018 ວ່າ: ທ່ານ ສີ ຈິ້ນຜິງ ປະທານປະເທດຈີນ ກ່າວໃນຕອນໜຶ່ງຂອງການພົບປະຫາສລືກັບທ່ານ ນາງ ເທເຣຊາ ເມ ທີ່ນະຄອນຫຼວງປັກກິ່ງ ເມື່ອວັນພະຫັດທີ່ຜ່ານມາວ່າ ໂຄງການໜຶ່ງເລວທາງ ໜຶ່ງເສັ້ນທາງ ຫຼື ເສັ້ນທາງສາຍໄໝແຫ່ງສະຕະວັດທີ 21 ຄືແຜນຍຸດທະສາດເພື່ອການສົ່ງເສີມ ແລະ ຂະຫຍາຍກອບການຮ່ວມມືທາງການຄ້າລະຫວ່າງຈີນກັບທຸກພູມມິພາກ ທີ່ເປີດກວ້າງ, ໂປ່ງໃສ, ຄວບຄຸມ ແລະ ສ້າງປະໂຫຍດເທົ່າທຽມທັງສອງຝ່າຍ ເຊິ່ງລັດຖະບານຈີນຫວັງເປັນຢ່າງຍິ່ງວ່າຈະສາມາດເພີ່ມພູນການຮ່ວມມືກັບອັງກິດຕາມກອບການຮ່ວມມືດັ່ງກ່າວໃນອະນາຄົດ.
Chinese President #XiJinping meets with visiting British Prime Minister #TheresaMay, calling on both countries to work for the healthy and steady development of bilateral ties in the new era pic.twitter.com/jTMC2lqrfx— CGTN (@CGTNOfficial) February 1, 2018
ຂະນະທີ່ທ່ານ ນາງ ເທເຣຊາ ເມ ກ່າວວ່າ ການທີ່ອັງກິດກຳລັງຈະອອກຈາກການເປັນສະມາຊິກສະຫະພາບເອີຣົບ ລັດຖະບານຂອງທ່ານ ນາງ ຈຶ່ງຕ້ອງປັບປ່ຽນນະໂຍບາຍຫັນທິດອອກນອກພູມມິພາກຫຼາຍຂຶ້ນ ດ້ວຍການຍົກລະດັບຄວາມສຳພັນກັບບັນດາປະເທດຕ່າງໆ ແລະ ຈີນຖືເປັນໜຶ່ງໃນປະເທດທີ່ອັງກິດໃຫ້ຄວາມສຳຄັນເປັນອັນດັບຕົ້ນໆ ໂດຍສະເພາະໃນດ້ານການຄ້າ ແລະ ການລົງທຶນ.
ເຖິງແມ່ນວ່າລັດຖະບານອັງກິດ ຈະຍອມຮັບວ່າຍັງມີຄວາມເປັນຫ່ວງກ່ຽວກັບມາດຕະຖານ ຂອງການຮ່ວມມືກັບຈີນໃນເລື່ອງນີ້ວ່າ ຈະເປັນໄປຕາມເກນສາກົນ ຫຼື ບໍ່ ແຕ່ທັງສອງປະເທດກໍ່ໄດ້ລົງນາມຮ່ວມກັນໃນຂໍ້ຕົກລົງການຮ່ວມມືທາງທຸລະກິດທີ່ມີມູນຄ່າສູງເຖິງ 9,000 ລ້ານປອນ ໜຶ່ງໃນນັ້ນຄືບັນທຶກຄວາມເຂົ້າໃຈ (MOU) ການຮ່ວມມືໃນໂຄງການໜຶ່ງເລວທາງ ໜຶ່ງເສັ້ນທາງ ລະຫວ່າງທະນາຄານສະແຕນດາດ ຊາເຕີ (Standard Chartered Bank) ກັບ ທະນາຄານພັດທະນາຈີນ ມູນຄ່າ 10,000 ລ້ານຢວນ.
ເຊິ່ງຫຼາຍຝ່ານຄາດວ່າຈີນຈະກ້າວຂຶ້ນມາສູ່ການເປັນໜຶ່ງໃນຜູ້ລົງທຶນລາຍໃຫຍ່ທີ່ສຸດຂອງອັງກິດ ພາຍໃນປີ 2020 ພາຍຫຼັງມູນຄ່າການສົ່ງອອກສິນຄ້າຈາກອັງກິດມາຍັງຈີນເພີ່ມຂຶ້ນເຖິງ 60% ຕັ້ງແຕ່ປີ 2010 ແຕ່ອັງກິດເປັນຝ່າຍຂາດດຸນການຄ້າຕໍ່ຈີນຫຼາຍເຖິງ 25,400 ລ້ານປອນ ເມື່ອປີທີ່ຜ່ານມາ.
![](https://blogger.googleusercontent.com/img/b/R29vZ2xl/AVvXsEj02pUosVrw8iby1_kgkbqXsi24eKC-rlO3RzWn3xx5mO11LyOj0MBds-Pl09EYA_TinWi6prQCoJxcy_MoQbrRCYi1BrbjvIgiYFwjnutG726sxi6npXMEydEu2gFGKVfoufetdNePHnrw/s1600/388.jpg)
![](https://blogger.googleusercontent.com/img/b/R29vZ2xl/AVvXsEh6SdXeG0XZR0iCKYKjY0Sme6T6OOBjiXe0Qi-5xgztZqS6Rt-NOaI_SFXYWBhYpi0zcL6yymw4uqCMmTzRp5O5EVCTUrWsUDNpUt9_bDluGfdAH0jrNaBs0QP4fQM19aK-RGVdYTx6Lwns/s1600/389.jpg)
![](https://blogger.googleusercontent.com/img/b/R29vZ2xl/AVvXsEgfi9hHehG1J0NiwUD4GSjAUAd02ehXC2vuyvAZtVb-BJKuHIBJduyMomoM0jG6dxcl4yQn7S78YRmjEbB4Cuea3UucXoqTVAKv69x5M_08J8mTJGorL7Gle4eQ5dUCPh2jSJAL1ydyjY6j/s1600/390.jpg)
![](https://blogger.googleusercontent.com/img/b/R29vZ2xl/AVvXsEgaqOrrstX0QmRkAEOolsQf5kZd7evfuU1fu9Jsz8GE9vEyzhmaMwWsljE9bSQLl1q31FpXCT43C5fZrQv8KRGvjGoIODhMQj2LrQPQDfvfKJuPGCe3Oe_8Ux-k9EoSBd3ypWDmqRqqu4-f/s1600/391.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ