ກົມອຸຕຸແຈ້ງເຕືອນອີກຄັ້ງ ໃຫ້ກຽມພ້ອມຮັບມືກັບພາຍຸເບີບິນກາ 16-18 ສິງຫາ 2018 ນີ້
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEglLJpLLO5o1urhOxjHA74YHarHtX2L6Np_CWyaQTuoK7fbB3K-vr3kScHO0nJOJYijJZ9FH_uapxfeBy5pxT42GunraGl3fx4f_Xp26FZxaZmfMnsyBBhnbcL7SBHqZLneCTOuMzFnQ24/s1600/rhrfet.jpg)
ກົມອຸຕຸນິຍົມ ແລະ ອຸທົກກະສາດ ອອກແຈ້ງເຕືອນພາຍຸໝູນເຂດຮ້ອນ ເບີບິນກາ (BEBINCA) ສະບັບເລກທີ 0910/ກອຕທ ລົງວັນທີ 16 ສິງຫາ 2018 ວ່າ: ພາຍຸໝູນເຂດຮ້ອນ ເບີບິນກາ ຫົວທີ 16 ປັດຈຸບັນຍັງປົກຄຸມຢູ່ທະເລຈີນໃຕ້ຕອນເໜືອກຳລັງເຄື່ອນທີ່ໄປທາງທິດຕາເວັນຕົກສຽງເໜືອ ດ້ວຍຄວາມໄວ 10 ກິໂລແມັດຕໍ່ຊົ່ວໂມງ ໃນວັນທີ 16 ສິງຫາ 2018 ຈະເຄື່ອນທີ່ຜ່ານເມືອງຈົງໄຫ ແລະ ໃນຕອນເຊົ້າຂອງວັນທີ 17 ສິງຫາ 2018 ຈະເຄື່ອນທີ່ຜ່ານອ່າວຕົງແກງ ແລ້ວເຄື່ອນທີ່ເຂົ້າພາກເໜືອຂອງປະເທດຫວຽດນາມ.
ຈາກນັ້ນຈະສືບຕໍ່ຜ່ານບັນດາແຂວງຊຽງຂວາງ, ຫົວພັນ, ຫຼວງພະບາງ, ອຸດົມໄຊ, ໄຊຍະບູລີ ແລະ ບໍ່ແກ້ວ ຕະຫຼອດການເຄື່ອນທີ່ຂອງພາຍຸຫົວດັ່ງກ່າວຈະເຮັດໃຫ້ກະແສລົມມໍລະສຸມມີກຳລັງແຮງພັດປົກຄຸມຢູ່ທົ່ວທຸກພາກຂອງປະເທດລາວ, ເຊິ່ງຈະເຮັດໃຫ້ມີຝົນຕົກໃນລະດັບຄ່ອຍເປັນບໍລິເວນກວ້າງໃນຂອບເຂດທົ່ວປະເທດ ແລະ ຕົກປານກາງ ຫາກ ຕົກໜັກຢູ່ບາງທ້ອງຖິ່ນແຂວງພາກເໜືອ ລົງພາກກາງ ແລະ ພາກໃຕ້ ໃນໄລຍະວັນທີ 16-18 ສິງຫາ 2018.
ດັ່ງນັ້ນ, ຈຶ່ງແຈ້ງເຕືອນເຖິງພໍ່ແມ່ປະຊາຊົນບັນດາເຜົ່າ, ອຳນາດການປົກຄອງ ແລະ ອົງການຈັດຕັ້ງທຸກພາກສ່ວນທີ່ອາໄສຢູ່ບັນດາແຂວງດັ່ງກ່າວ ຈົ່ງມີສະຕິ ແລະ ກຽມພ້ອມຮັບມືກັບສະພາບຝົນຕົກໜັກ, ເຊິ່ງຈະເຮັດໃຫ້ມີຕົ້ນໄມ້ຫັກລົ້ມ, ດິນເຈື່ອນ, ນ້ຳຖ້ວມຊຸ, ນ້ຳຖ້ວມອັ່ງ ແລະ ລົມພັດແຮງ ພ້ອມນີ້ຂໍໃຫ້ເກັບມ້ຽນ ແລະ ເຄື່ອນຍ້າຍວັດຖຸສິ່ງຂອງພ້ອມສັດລ້ຽງໄປໄວ້ບ່ອນສູງ ແລະ ປອດໄພ. ຂໍໃຫ້ຕິດຕາມຂ່າວພະຍາກອນອາກາດ ແລະ ລະດັບນ້ຳຈາກກົມອຸຕຸນິຍົມ ແລະ ອຸທົກກະສາດໃນໄລຍະ 1 ຫາ 2 ວັນຕໍ່ໜ້ານີ້.
![](https://blogger.googleusercontent.com/img/b/R29vZ2xl/AVvXsEgFuNki6fLz0ORN3Msa0P0bG3GeHgvJVWgWFXV_ONpaI6Uj1kFm_z6xjJFjVxOzC6mSqGb9SfOzRtuRs0yryR84viFLBwW3PzRoFVE_BFMNg8zehEnunPZwh6lT0dgBBn7TaH4Lrly_iIk/s1600/tjhyrtdfyh.jpg)
![](https://blogger.googleusercontent.com/img/b/R29vZ2xl/AVvXsEj-K-ph73OC6e1DpRsJk5LhAM3_JhyphenhyphenjP1g2sSXigKuKhiY1w3RPMnSgsEjxLlJjOiagR2brHHG-GDhJFR6UPqA-1rOZxjlh25fB8ipHvAlnu_TwqNoISC3bSZt6BlnBvjGcNvLuc04nKo0/s1600/rtyhrt.jpg)
![](https://blogger.googleusercontent.com/img/b/R29vZ2xl/AVvXsEh3wLSco8F-Sl9eEzkThfzg9JC1idvwxapIvhbeCaaisHXd5iHF6svFdWC-IJ8kQE4IPeDpaoe4StkCxsdYpIr016E0lM-fOZV-g9g_ORt-ZGRNyAxownSxdOIQoIj-Ip0sRH8GWNNFCt4/s1600/wp2018+%25281%2529+copy.png)
![](https://blogger.googleusercontent.com/img/b/R29vZ2xl/AVvXsEhr2skgISUIc0sjiebIFTyI9X9eQClx8Zav6-At-tNAmbPDPyQVUnXLEKvaxb_YOVPIHYURj5dieoGKUkVgtHkxvq8u-kYUsEvGrFDb92dfShZAUkpShnOyxO1_U0qTcTC2JV2kjnQRaxQ/s1600/dfghdo.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ