ໄພພິບັດເຂື່ອນເຊປຽນ-ເຊນ້ຳນ້ອຍແຕກ ເສຍຊີວິດແລ້ວ 39 ຄົນ ຍັງສູນຫາຍກວ່າ 90 ຄົນ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEg82xrLCOLuFmrQVK-MqPCE5PcqavsOQOsqxSLlnfcwx3lE3TEamxmwz8IqwRDDwqHnqtPkIBuOLn4NesnlB6fedeG_C43FQojRUY4F0N4tCvX0W-__fNkAlpW6avarzx9S_Yj8vaEYSEQ/s1600/38392198_2012399482145203_712671658661380096_o.jpg)
ອີງຕາມການລາຍງານຂອງຫ້ອງວ່າການແຂວງອັດຕະປື ເມື່ອວັນທີ 13 ສິງຫາ 2018 ທີ່ຜ່ານມາໃຫ້ຮູ້ວ່າ: ສືບເນື່ອງມາຈາກພາລະກິດການຄົ້ນຫາຜູ້ສູນຫາຍ ຈາກເຫດເຂື່ອນເຊປຽນ-ເຊນ້ຳນ້ອຍແຕກ ທີ່ເມືອງສະໜາມໄຊ ແຂວງອັດຕະປື ທີ່ມີທັງເຈົ້າໜ້າທີ່ຈາກທັງກອງທັບປະຊາຊົນລາວ ພ້ອມທັງພາກສ່ວນທີ່ກ່ຽວຂ້ອງຕ່າງໆທັງພາຍໃນ ແລະ ຕ່າງປະເທດ ທີ່ໄດ້ສຸມກຳລັງຂຸ້ນຂ້ຽວ ໃນການຄົ້ນຫາຜູ້ສູນຫາຍທີ່ຍັງບໍ່ທັນພົບເຫັນຢ່າງຕໍ່ເນື່ອງ ເຖິງແມ່ນວ່າພາລະກິດຈະມີອຸປະສັກຕະຫຼອດເວລາຕໍ່ຕາມ.
ຫຼ້າສຸດມາຮອດວັນທີ 13 ສິງຫາ 2018 ເຈົ້າໜ້າທີ່ພາກສະໜາມຟື້ນຟູ ແລະ ແກ້ໄຂໄພພິບັດຢູ່ເມືອງສະໜາມໄຊ ແຂວງອັດຕະປືຊີ້ແຈງໃຫ້ຮູ້ຕື່ມອີກວ່າ: ຈຳນວນຜູ້ເສຍຊີວິດຈາກເຫດການໄພພິບັດເຂື່ອນເຊປຽນ-ເຊນ້ຳນ້ອຍແຕກທີ່ໄດ້ຮັບການຢືນຢັນ ແລະ ເກັບກູ້ສາກສົບໄດ້ແລ້ວແມ່ນ 39 ສົບ ໃນນັ້ນ 34 ສົບແມ່ນເກັບກູ້ໄດ້ໃນພາກສະໜາມ ສ່ວນອີກ 5 ສົບແມ່ນເສຍຊີວິດຢູ່ໂຮງໝໍ ແລະ ໃນຈຳນວນຜູ້ເສຍຊີວິດທັງໝົດມີເດັກນ້ອຍອາຍຸຕ່ຳກວ່າ 10 ປີ 14 ສົບ ເຊິ່ງຈາກຈຳນວນຜູ້ສູນຫາຍທັງໝົດ 131 ຄົນ ເຮັດໃຫ້ປັດຈຸບັນນີ້ຍັງມີສູນຫາຍກວ່າ 90 ຄົນ.
ພ້ອມດຽວກັນນັ້ນ ການປະກອບສ່ວນຊ່ວຍເຫຼືອຂອງສັງຄົມທັງພາຍໃນ ແລະ ຕ່າງປະເທດທີ່ແຂວງອັດຕະປືສຳລັບເຄື່ອງບັນເທົາທຸກ ໄພພິບັດຄັ້ງນີ້ມີທັງໝົດ 88 ຕື້ກວ່າກີບ ໃນນັ້ນເປັນເງິນສົດ 29.7 ຕື້ກີບ, ເງິນໂດລາ 1 ລ້ານໂດລາ ແລະ ເຂົ້າສານ 661 ໂຕນ, ສະເພາະການບໍລິຈາກຢູ່ເມືອງສະໜາມໄຊມີມູນຄ່າທັງໝົດ 18 ຕື້ກວ່າກີບ ໃນນັ້ນເປັນເງິນສົດ 1.8 ຕື້ກີບ, 1,000 ຢວນ, 179,690 ບາດ ແລະ 100 ໂດລາສະຫະລັດ.
![](https://blogger.googleusercontent.com/img/b/R29vZ2xl/AVvXsEiB78Fs0rn4K_CiQrsexO7rlyTi5MQ-o3sQib0uoSfXy0ZmUXRGm55qzoIQtCa2xrrLisCcNc7FYj9x3oVh5YZsDHjWWk5MNkqXLI8ALRWvfjzdj2Br0hS90mM76dr728aSp9wzfXiU9hk/s1600/38403337_2012399012145250_8968059196297707520_o.jpg)
![](https://blogger.googleusercontent.com/img/b/R29vZ2xl/AVvXsEjyk3OcAzRHg6Ms4S3zDgTNufk_ZCz_cVx6utLd_HSh9c_3M8jkyY6PC_6lNRFA2QT72isYlu4-H2m2NrYVG8vnzLahGSixD7_3Tdr8tKPAUTN1dLl0zwqgo-wBXKJOcwjI64EqniaufR0/s1600/38085385_2012403348811483_3145465324095143936_o.jpg)
![](https://blogger.googleusercontent.com/img/b/R29vZ2xl/AVvXsEhkdcaoQQyxJO5lVf6cpWUVk-IEiRaBvbnUgIUCyW6awSkoGgjC_nTTxUeb35sNKQKdeI-x8Tafqy1v4AdHwys1OOpdf0XSdDTzatWASwjpyF7ZZF38M3bYdnxtfKyD_zbfG0S3qDYzhDk/s1600/38273584_2012399388811879_2303143428994629632_o.jpg)
![](https://blogger.googleusercontent.com/img/b/R29vZ2xl/AVvXsEhe4gGq5s52qYH45fvXcDA_fInncH4Dbja7CMm3r6IOfFcGJNug77adzH66NT_-AYEUuPwz8fw3lO-2mIIO6daeps91tiVeP__YUQE-FzOBYISxrBmfnQ7H2xNWHV_4jEX57KVfcUfeT_M/s1600/38289118_2012399088811909_4270969471176278016_o.jpg)
![](https://blogger.googleusercontent.com/img/b/R29vZ2xl/AVvXsEg9Ukz2JXxBzgk0580enoeeMUgu1DgWL1HuxqBojVyJTHSuXtXVXCae8uZfmg5hhrpW0wn_33AgdYqsACWXxTHtCEVsQQm4eJT1ONabmQLUqOu1z5i9DR908hh8Jkw881Q8iFsjq2hzdY4/s1600/38421983_2012399215478563_8543442842331119616_o.jpg)
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ