ຈີນ ແລະ ອາຊຽນ ກຽມເຝິກຊ້ອມຮົບທາງທະເລຮ່ວມກັນເປັນຄັ້ງທຳອິດ

ສຳນັກຂ່າວຕ່າງປະເທດລາຍງານເມື່ອວັນທີ 19 ຕຸລາ 2018 ທີ່ຜ່ານມາວ່າ: ທ່ານ ອຶ້ງ ເອງ ເຮນ ລັດຖະມົນຕີກະຊວງປ້ອງກັນປະເທດສິງກະໂປຖະແຫຼງວ່າ ກອງທັບເຮືອຂອງປະເທດສະມາຊິກອາຊຽນທັງ 10 ປະເທດ ໄດ້ເລີ່ມເດີນທາງສູ່ເມືອງຈ້ານຈຽງ ມົນທົນກວາງຕຸ້ງ ທາງພາກຕາເວັນຕົກສຽງໃຕ້ຂອງຈີນແລ້ວ ເພື່ອຮ່ວມການເຝິກຊ້ອມຮົບຮ່ວມກັບກອງທັບເຮືອ ກອງທັບປົດປ່ອຍປະຊາຊົນຈີນ ເຊິ່ງຈະຈັດຂຶ້ນອາທິດໜ້າ ໃນເຂດນ່ານນ້ຳສາກົນຂອງທະເລຈີນໃຕ້ ໂດຍເມືອງຈ້ານຈຽງ ເປັນສະຖານທີ່ຕັ້ງຂອງຖານທັບກອງເຮືອໃຕ້ ກອງທັບປົດປ່ອຍປະຊາຊົນຈີນ.

(Photo by Roslan RAHMAN / AFP)

ເຊິ່ງການຮ່ວມມືດັ່ງກ່າວ ຖືເປັນຄັ້ງທຳອິດຢ່າງເປັນທາງການ ແລະ ຜູ້ກ່ຽວຂ້ອງທຸກຝ່າຍຫວັງເປັນຢ່າງຍິ່ງວ່າ ພາລະກິດຄັ້ງນີ້ ຈະເປັນການຟື້ນຟູຄວາມເຊື່ອໝັ້ນ ແລະ ສົ່ງເສີມຄວາມໄວ້ວາງໃຈຕໍ່ກັນ, ສຳລັບກອງປະຊຸມລັດຖະມົນຕີກະຊວງປ້ອງກັນປະເທດອາຊຽນຄັ້ງນີ້ ເຖິງແມ່ນວ່າເປັນພຽງການພົບປະຫາລືຢ່າງບໍ່ເປັນທາງການ ແຕ່ທ່ານ ພົນເອກ ເຈມ ແມັດທິສ ລັດຖະມົນຕີກະຊວງປ້ອງກັນປະເທດສະຫະລັດ ອາເມຣິກາ ແລະ ທ່ານ ພົນເອກ ເວີ້ຍ ເຟິ່ງເຫີ ລັດຖະມົນຕີກະຊວງປ້ອງກັນປະເທດຂອງຈີນ ກໍ່ເຂົ້າຮ່ວມກອງປະຊຸມດ້ວຍຕົນເອງ ແລະ ເພື່ອຮັກສາສາຍພົວພັນກັບທັງສອງມະຫາອຳນາດ ອາຊຽນກໍ່ມີກຳນົດການຈັດເຝິກຊ້ອມຮົບທາງທະເລຮ່ວມກັບສະຫະລັດ ອາເມຣິກາໃນປີໜ້າອີກດ້ວຍ.

(Photo by Roslan RAHMAN / AFP)


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube