ຈີນປະນາມ ກຸ່ມຜູ້ປະທ້ວງຮົງກົງ ທຳຮ້າຍຮ່າງກາຍນັກຂ່າວ Global Times (ວິດີໂອ)

ລາຍງານ 14 ສິງຫາ 2019: ສຳນັກງານວຽກງານຮົງກົງ ແລະ ມາເກົ້າຂອງສະພາາແຫ່ງລັດ ເຊິ່ງເປັນໜ່ວຍງານຂອງ ສປ.ຈີນ ທີ່ມີອຳນາດຄຸ້ມຄອງທາງການເມືອງ, ເສດຖະກິດ-ສັງຄົມ ລະຫວ່າງ ສປ.ຈີນ ກັບຮົງກົງ ແລະ ມາເກົ້າ ອອກຖະແຫຼງການປະນາມກຸ່ມຜູ້ປະທ້ວງທີ່ປິດລ້ອມອາຄານຜູ້ໂດຍສານຂອງສະໜາມບິນສາກົນຮົງກົງ ເມື່ອວັນອັງຄານ ທີ່ຜ່ານມາ ແລ້ວລຸມທຳຮ້າຍ ຟູ່ ກົ້ວເຫົາ ນັກຂ່າວຂອງ Global Times ເຊິ່ງເປັນໜຶ່ງໃນສື່ພາກພາສາອັງກິດຂອງພັກຄອມມູນິດຈີນ ວ່າໄດ້ສ້າງຄວາມບາດເຈັບທັງຮ່າງກາຍ ແລະ ຈິດໃຈໃຫ້ກັບຜູ້ເຄາະຮ້າຍ ແລະ ພຶດຕິກຳດັ່ງກ່າວເຂົ້າໃກ້ນິຍາມຂອງຄຳວ່າກໍ່ການຮ້າຍນັບຂຶ້ນທຸກມື້, ພ້ອມທັງສະໜັບສະໜູນການປະຕິບັດໜ້າທີ່ຂອງຕຳຫຼວດຮົງກົງ ໃນການຈັບກຸມຜູ້ກໍ່ເກດຈະລາຈົນ ທີ່ກ່ຽວຂ້ອງກັບເຫດການຄວາມຮຸນແຮງນີ້ມາລົງໂທດຕາມກົດໝາຍໂດຍໄວທີ່ສຸດ.

ຂະນະດຽວກັນ ເສິນຫຼົງ ຫຼື ແຈັກກີ້ ຊານ ດາລາຊື່ດັ່ງຊາວຮົງກົງ ກ່າວກັບ CCVT ວ່າສະຖານະການທີ່ເກີດຂຶ້ນໃນຮົງກົງເປັນສິ່ງທີ່ໜ້າເສົ້າ ແລະ ຫົດຫູ່ຫຼາຍ, ສຳລັບຕົນຖືວ່າຮົງກົງ ແລະ ສປ.ຈີນ ຄື “ບ້ານ” ເສິນຫຼົງ ກ່າວຕໍ່ອີກວ່າ ຕົນມີຄວາມພາກພູມໃຈຕໍ່ທຸງຊາດສີແດງທີ່ມີດາວ 5 ດວງ ເຊິ່ງປຽບເໝືອນຫົວໃຈຂອງປະຊາຊົນ 1,400 ລ້ານຄົນ ພາຍໃຕ້ຄັນທຸງຜືນນີ້ທີ່ປອດໄພ, ສະຖຽນລະພາບ ແລະ ຄວາມຮຸ່ງເຮືອງ, ຕົນພູມໃຈທຸກຄັ້ງເມື່ອເດີນທາງໄປທີ່ໃດກໍ່ຕາມ ແລ້ວເຫັນທຸງຜືນນີ້ໄດ້ຮັບການເຊີດຊູກຽດ ແລະ ຫວັງເປັນຢ່າງຍິ່ງວ່າຮົງກົງຈະກັບຄືນສູ່ສະຖານະການປົກກະຕິໂດຍໄວ.


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube