(ວິດີໂອ) ພາໄປທ່ຽວຊົມ ນະຄອນຫຼວງປຽງຢາງ ຂອງເກົາຫຼີເໜືອ ໃນມຸມທີ່ທ່ານອາດບໍ່ເຄີຍເຫັນມາກ່ອນ

ສາທາລະນະລັດ ປະຊາທິປະໄຕ ປະຊາຊົນເກົາຫຼີ ຫຼື ເກົາຫຼີເໜືອ ເປັນດິນແດນທີ່ຍຶດໝັ້ນອຸດົມການ ແລະ ມີຄວາມພູມໃຈໃນຊາດຂອງຕົນສູງ ເປັນຊາດໜຶ່ງທີ່ໜ້ອຍຄົນຈະໄດ້ເດີນທາງໄປສຳຜັດ ເຮັດໃຫ້ບໍ່ຄ່ອຍມີໂອກາດໄດ້ເຫັນຮູບພາບ ຫຼື ວິດີໂອວິວິຖີການດຳລົງຊີວິດຈາກເກົາຫຼີເໜືອ.

ຜົນງານວິດີໂອ ທີ່ສ້າງຂຶ້ນມາໂດຍ JT Singh ນັກສ້າງແບຣນຜູ້ຊ່ຽວຊານໃນການສ້າງພາບລັກໃຫ້ກັບເມືອງ ແລະ Rob Whitworth ຕາກ້ອງຮູບເງົາທີ່ມີຄວາມຊ່ຽວຊານຖ່າຍພາບແບບ timelapse ໄດ້ນຳພາຜູ້ຊົມທົ່ວໂລກເຂົ້າສູ່ນະຄອນຫຼວງປຽງຢາງ ຂອງປະເທດເກົາຫຼີເໜືອ ເພື່ອສຳຜັດກັບວິຖີຊີວິດປະຈຳວັນຂອງປະຊາຊົນເກົາຫຼີເໜືອ, ເຊິ່ງວິດີໂອດັ່ງກ່າວເກີດຈາກການຮ່ວມມືລະຫວ່າງທີມຖ່າຍທຳກັບບໍລິສັດ Koryo Tours ເຊິ່ງເປັນບໍລິສັດນຳທ່ຽວຊັ້ນນຳຂອງເກົາຫຼີເໜືອ.

ຫຼາຍຄົນມັກມີຄວາມເຂົ້າໃຈຜິດວ່າ ເກົາຫຼີເໜືອບໍ່ເປີດໃຫ້ນັກທ່ອງທ່ຽວເຂົ້າ ແຕ່ຄວາມຈິງແລ້ວເກົາຫຼີເໜືອ ເປີດຮັບນັກທ່ອງທ່ຽວເປັນປົກກະຕິເຊັ່ນດຽວກັນກັບປະເທດອື່ນໆໃນໂລກ ແຕ່ນັກທ່ອງທ່ຽວກໍ່ບໍ່ຫຼາຍຄືປະເທດອື່ນໆ ນັ້ນກໍ່ອາດເພາະສາເຫດທີ່ມາຈາກຄວາມເຂົ້າໃຈຜິດ ທີ່ຄິດວ່າເກົາຫຼີເໜືອໄປທ່ຽວບໍ່ໄດ້ນັ້ນເອງ.

HTML tutorial