ເຈົ້າໜ້າທີ່ໄທຈັບໄດ້ແລ້ວຄົນຮ້າຍຊາວລາວ ຜູ້ຂ້າປາດຄໍແມ່ຕູ້-ຫຼານຊາວໄທ ເພື່ອຊິງຊັບ

ສື່ໄທລາຍງານ 17 ກັນຍາ 2018 ວ່າ: ຈາກກໍລະນີເຈົ້າໜ້າທີ່ຕຳຫຼວດໄທໄລ່ລ່າຕິດຕາມຕົວທ້າວ ພູລາ ອາຍຸ 22 ປີ ສັນຊາດລາວ ທີ່ເປັນຜູ້ຕ້ອງສົງໄສຂ້າປາດຄໍແມ່ຕູ້-ຫຼານ ໃນເຮືອນແຫ່ງໜຶ່ງທີ່ເປັນຮ້ານຂາຍເຄື່ອງ ຢູ່ຈັງຫວັດສະໝຸດປາການ, ໂດຍທ້າວ ພູລາ ເຮັດອາຊີບເປັນຊ່າງເຊື່ອມຈອດ ແລະ ອາໄສຢູ່ບໍລິເວນໃກ້ຄຽງກັບຈຸດເກີດເຫດ ເນື່ອງຈາກມີພະຍານພົບເຫັນທ້າວ ພູລາ ຍ່າງອອກມາຈາກເຮືອນຫຼັງດັ່ງກ່າວຂະນະເກີດເຫດ ດ້ວຍສະພາບຕົນໂຕເປື້ອນເລືອກ ກ່ອນຈະພົບສົບຫຼາຍສາວ ອາຍຸ 12 ປີ ເສຍຊີວິດຢູ່ເທິງຕຽງນອນ, ຜູ້ເປັນແມ່ຕູ້ອາຍຸ 67 ປີ ເສຍຊີວິດໃນຫ້ອງນ້ຳ ແລະ ຫຼານສາວອີກຜູ້ໜຶ່ງອາຍຸ 9 ປີ ບາດເຈັບສາຫັດ ທັງໝົດຖືກປາດຄໍ.

ຄວາມຄືບໜ້າເມື່ອວັນທີ 17 ກັນຍາ 2018 ສື່ໄທລາຍງານວ່າ: ເຈົ້າໜ້າທີ່ຕຳຫຼວດກວດຄົນເຂົ້າເມືອງ ຈັງຫວັດມຸກດາຫານ ໄດ້ນຳກຳລັງໜ່ວຍຄວາມໝັ້ນຄົງໃນພື້ນທີ່ ອອກວດຄົ້ນຫາຜູ້ຕ້ອງສົງໄສ ຈົນມາພົບຊາຍຄົນໜຶ່ງກຳລັງນັ່ງດື່ມເບຍຢູ່ໃນຮ້ານຂາຍເຄື່ອງບໍລິເວນບ້ານນາໂປນ້ອຍ ແຄມຝັ່ງຂອງ ຈັງຫວັດມຸກດາຫານ ເຈົ້າໜ້າທີ່ໄດ້ເຂົ້າກວດສອບ ໄດ້ຮູ້ຊື່ວ່າ ແມ່ນທ້າວ ພູລາ ອາຍຸ 22 ປີ ສັນຊາດລາວ ຢູ່ບ້ານໂພນສິມ ເມືອງໄກສອນພົມວິຫານ ແຂວງສະຫວັນນະເຂດ ເຈົ້າໜ້າທີ່ໄດ້ເອົາຮູບໃຫ້ເບິ່ງ ແລະ ໄດ້ສອບຖາມທ້າວ ພູລາ ຍອມຮັບວ່າເປັນຕົນເອງແທ້ ເຈົ້າໜ້າທີ່ຈຶ່ງໄດ້ເຊີນຕົວໄປສືບສວນສອບສວນ ເບື້ອງຕົ້ນໃຫ້ການຮັບສາລະພາບວ່າ ເປັນຄົນລົງມື້ຂ້າແມ່ຕູ້ ແລະ ຫຼາຍແທ້.

ທ້າວ ພູລາ ໃຫ້ການແບບບໍ່ສະທົກສະທ້ານວ່າ ກ່ອນເກີດເຫດໄດ້ເສບຢາບ້າເຂົ້າໄປ 1 ແມັດ ລະຫວ່າງນັ້ນເກີດຄິດຢາກໄດ້ເງິນຂອງຜູ້ຕາຍ ເພາະຊື້ເຄື່ອງຢູ່ຮ້ານດັ່ງກ່າວປະຈຳ ຈຶ່ງເຊື່ອວ່າຜູ້ຕາຍຈະມີເງິນຫຼາຍ ລວມທັງຍັງເຄີຍເຫັນຜູ້ຕາຍໃສ່ສາຍຄໍຄຳອີກດ້ວຍ ເວລາປະມານ 03:00-04:00 ຈຶ່ງໄດ້ເຂົ້າໄປໃຫ້ເຮືອນຂອງຜູ້ຕາຍ ເຫັນແມວຢູ່ໃນເຮືອນຮ້ອງສຽງດັງຈຶ່ງໄດ້ຈັບມີດໃນເຮືອນຄົວປາດຄໍແມວ ເພື່ອທົດລອງຄົມມີດກ່ອນ ຈາກນັ້ນໄດ້ຮື້ຄົ້ນຫາຊັບສິນ ຈົນແມ່ຕູ້ຜູ້ຕາຍເຂົ້າມາພົບຈຶ່ງໄດ້ໃຊ້ມີດປາດຄໍໄປ 3 ເທື່ອ ຈົນຜູ້ຕາຍລົ້ມລົງ ລະຫວ່າງນັ້ນມີເດັກນ້ອຍມາເຫັນຕົນເອງຈຶ່ງໄດ້ເອົາມີດປາດຄໍເດັກນ້ອຍອີກຈົນເດັກນ້ອຍລົ້ມ ແລ້ວກໍ່ເຂົ້າໄປຮື້ຄົ້ນຊັບສິນໃນຫ້ອງນ້ອນ ກ່ອນຈະໃຊ້ມີດປາດຄໍເດັກນ້ອຍທີ່ນອນຢູ່ຈົນເສຍຊີວິດ.