ປະສົບການສູ້ຮົບໃນຊີຣີ ຊ່ວຍໃຫ້ລັດເຊຍພັດທະນາອາວຸດໄດ້ຢ່າງກ້າວໜ້າ

AFP PHOTO / SPUTNIK / Alexey NIKOLSKY
AFP PHOTO / SPUTNIK / Alexey NIKOLSKY

ສຳນັກຂ່າວຕ່າງປະເທດລາຍງານ 20 ກັນຍາ 2018 ວ່າ: ທ່ານ ວະລາດິເມຍ ປູຕິນ ປະທານປະເທດລັດເຊຍກ່າວວ່າ ປະສົບການຂອງການສູ້ຮົບຂອງກອງທັບລັເຊຍໃນປະເທດຊີຣີ ໄດ້ຊ່ວຍໃຫ້ລັດເຊຍພັດທະນາອາວຸດໃໝ່ໆຂຶ້ນມາ.

ເຊິ່ງລັດເຊຍໄດ້ເຂົ້າຮ່ວມໃນສົງຄາມສູ້ຮົບໃນປະເທດຊີຣີມາຕັ້ງແຕ່ເດືອນກັນຍາ 2015 ໂດຍສະໜັບສະໜູນຝ່າຍລັດຖະບານຊີຣີ ທີ່ນຳໂດຍທ່ານ ບາຊາ ອັນ-ອັສຊາດ ເຊິ່ງກອງທັບລັດເຊຍໄດ້ໃຊ້ສົງຄາມຄວາມຂັດແຍ່ງທີ່ເກີດຂຶ້ນໃນຊີຣີ ເພື່ອທົດສອບອາວຸດແບບໃໝ່ ບໍ່ວ່າຈະເປັນຍົນໄອພົ່ນ, ຂີປະນາວຸດ ຫຼື ອາວຸດອື່ນໆທີ່ກ່ຽວຂ້ອງກັບການສູ້ຮົບເປັນຄັ້ງທຳອິດ.

AFP PHOTO / SPUTNIK / Alexey NIKOLSKY

ທ່ານ ປູຕິນ ເປີດເຜີຍໃນລະຫວ່າງການປະຊຸມວ່າດ້ວຍອຸດສາຫະກຳທະຫານໂດຍກ່າວວ່າ ອາວຸດໃໝ່ຂອງລັດເຊຍເຮັດໄດ້ດີກວ່າອາວຸດຂອງປະເທດອື່ນໆ ໂດຍຍົກຕົວຢ່າງຂີປະນາວຸດຂ້າມທະວີບແບບໃໝ່ທີ່ມີຊື່ວ່າ “ຊາມາດ”, ຍົນຂັບໄລ່ Su-57, ລະບົບປ້ອງກັນໄພທາງອາກາດ S-500 ແລະ ລົດຕັງອາມາຕາ ເຊິ່ງກຽມຈະນຳເຂົ້າປະຈຳການໃນອີກບໍ່ພໍເທົ່າໃດປີນີ້.