ເກີດເຫດໂຈມຕີ ພິທີສວນສະໜາມກອງທັບອີຣານ ຕາຍເປັນຈຳນວນຫຼາຍ (ວິດີໂອ)

AFP PHOTO / ISNA / BEHRAD GHASEMI
AFP PHOTO / ISNA / BEHRAD GHASEMI

ສຳນັກຂ່າວຕ່າງປະເທດລາຍງານເມື່ອວັນທີ 22 ກັນຍາ 2018 ທີ່ຜ່ານມາວ່າ: ກຸ່ມຄົນຮ້າຍຢ່າງໜ້ອຍ 4 ຄົນພ້ອມອາວຸດ ບຸກຍິງເຈົ້າໜ້າທີ່ ແລະ ປະຊາຊົນ ໃນພິທີເດີນສວນສະໜາມກອງກຳລັງປ້ອງກັນການປະຕິວັດອີຣານ ໃນເມືອງອາວາສ ແຂວງຄູເຊສຖານ ທາງພາກຕາເວັນຕົກຕິດກັບຊາຍແດນອິຣັກ ເປັນເຫດເຮັດໃຫ້ທະຫານ ແລະ ປະຊາຊົນເສຍຊີວິດຢ່າງໜ້ອຍ 29 ຄົນ ແລະ ບາດເຈັບອີກຫຼາຍກວ່າ 53 ຄົນ, ສ່ວນກຸ່ມຄົນຮ້າຍຖືກຍິງເສຍຊີວິດ 2 ຄົນ ສ່ວນທີ່ເຫຼືອຫຼົບໜີໄປໄດ້ ແຕ່ເຈົ້າໜ້າທີ່ກຳລັງຕິດຕາມໄລ່ລ່າ.

ພິທີສວນສະໜາມປະຈຳປີຂອງກອງທັບໃນເມືອງອາວາສ ເກີດຂຶ້ນຄືກັນກັບອີກຫຼາຍເມືອງໃນທົ່ວປະເທດ ເພື່ອລະນຶກວັນຄົບຮອບ 38 ປີການເລີ່ມຕົ້ນສົງຄາມອີຣານ-ອິຣັກ ລະຫວ່າງປີ 1980-1988.

ເບື້ອງຕົ້ນຍັງບໍ່ມີກຸ່ມໃດອອກມາປະກາດສະແດງຄວາມຮັບຜິດຊອບ ແຕ່ທ່ານ ໂມຮຳໝັດ ຈາວາດ ຊາຣີບ ລັດຖະມົນຕີກະຊວງການຕ່າງປະເທດອີຣານກ່າວວ່າ ລັດຖະບານຕ່າງປະເທດປະເທດໜຶ່ງ ເຊິ່ງໄດ້ຮັບການສະໜັບສະໜູນຈາກສະຫະລັດ ອາເມຣິກາ ຢູ່ເບື້ອງຫຼັງການໂຈມຕີຄັ້ງນີ້ “ກຸ່ມກໍ່ການຮ້າຍທີ່ຖືກຈັດຫາ, ເຝິກຊ້ອມ, ຕິດອາວຸດ ແລະ ຈ່າຍເງິນອຸດໜູນໂດຍລັດຖະບານຕ່າງປະເທດ ລົງມືໂຈມຕີໃນເມືອງອາວາສ” ທ່ານ ໂມຮຳໝັດ ຈາວາດ ຊາຣີບ ກ່າວໃນ Twitter ພ້ອມຢ້ຳວ່າ ອີຣານຈະຕອບໂຕ້ຢ່າງທັນການ ແລະ ເດັດຂາດ ເພື່ອປົກປ້ອງຊີວິດປະຊາຊົນອີຣານ.

AFP PHOTO / ISNA / BEHRAD GHASEMI
AFP PHOTO / ISNA / MORTEZA JABERIAN
AFP PHOTO / ISNA / Behrad GHASEMI
AFP PHOTO / ISNA / MORTEZA JABERIAN
AFP PHOTO / ISNA / MORTEZA JABERIAN
AFP PHOTO / ISNA / MORTEZA JABERIAN
AFP PHOTO / ISNA / MORTEZA JABERIAN
AFP PHOTO / ISNA / MORTEZA JABERIAN
AFP PHOTO / ISNA / Behrad GHASEMI
AFP PHOTO / ISNA / BEHRAD GHASEMI
AFP PHOTO / ISNA / BEHRAD GHASEMI
AFP PHOTO / MEHR NEWS AND AFP PHOTO / Mehdi Pedramkhou