ຈີນເຕືອນ ສ.ອາເມຣິກາ ບໍ່ຄວນມາຫຍຸ້ງກ່ຽວເລື່ອງທີ່ຈີນຊື້ອາວຸດຈາກລັດເຊຍ

(ພາບປະກອບ) A Sukhoi SU-35 fighter jet is displayed before a test flight ahead of the Airshow China 2014 in Zhuhai, South China's Guangdong province. AFP PHOTO / JOHANNES EISELE / AFP PHOTO / JOHANNES EISELE
(ພາບປະກອບ) A Sukhoi SU-35 fighter jet is displayed before a test flight ahead of the Airshow China 2014 in Zhuhai, South China’s Guangdong province. AFP PHOTO / JOHANNES EISELE / AFP PHOTO / JOHANNES EISELE

ສຳນັກຂ່າວຕ່າງປະເທດລາຍງານເມື່ອວັນທີ 22​ ກັນຍາ 2018 ທີ່ຜ່ານມາວ່າ: ເນື່ອງຈາກເມື່ອທີ 21 ກັນຍາ ທີ່ຜ່ານມາ ກະຊວງການຕ່າງປະເທດສະຫະລັດ ອາເມຣິກາ ປະກາດມຂວໍ້າບາດ ກົມພັດທະນາເຄື່ອງມື ແລະ ອຸປະກອນ ໃນສັງກັດກອງທັບປົດປ່ອຍປະຊາຊົນຈີນ ເຊິ່ງມີໜ້າທີ່ຈັດຫາອາວຸດຍຸດໂທປະກອນ ເນື່ອງຈາກກົມພັດທະນາເຄື່ອງມື ແລະ ອຸປະກອນກ່ຽວຂ້ອງກັບການເຮັດທຸລະກິດກັບບໍລິສັດສົ່ງອອກອາວຸດລາຍໃຫຍ່ຂອງລັດເຊຍ.

ຖະແຫຼງການຂອງກະຊວງການຕ່າງປະເທດສະຫະລັດ ອາເມຣິກາກ່າວວ່າ ການຂວ້າບາດກ່ຽວຂ້ອງກັບການທີ່ຈີນຊື້ຍົນຮົບ Su-35 ຈຳນວນ 10 ລຳໃນປີ 2017 ແລະ ອຸປະກອນຂອງລະບົບປ້ອງກັນຂີປະນາວຸດແບບພື້ນສູ່ອາກາດ S-400 ໃນປີ 2018 ການຂວໍ້າບາດຈະມີຜົນເຮັດໃຫ້ກົມພັດທະນາເຄື່ອງມື ແລະ ອຸປະກອນຂອງຈີນ ແລະ ຫົວໜ້າກົມທ່ານ ພົນໂທ ຫຼີ ສາງຟູ່ ຖືກຫ້າມບໍ່ໃຫ້ຍື່ນໃບຂໍອະນຸຍາດສົ່ງອອກ ແລະ ເຂົ້າຮ່ວມໃນລະບົບການເງິນຂອງສະຫະລັດ ອາເມຣິກາ.

ທ່ານ ພົນເອກ ອູ໋ ສຽນ ໂຄສົກກະຊວງປ້ອງກັນປະເທດຈີນກ່າວວ່າ ວິທີການຂອງສະຫະລັດ ອາເມຣິກາຖືເປັນການລະເມີດກົດເກນສາຍພົວພັນລະຫວ່າງສອງປະເທດຢ່າງເປີດເຜີຍ ເປັນການສະແດງອຳນາດເໜືອກວ່າເຕັມຮູບແບບ ແລະ ລະເມີດຢ່າງຮ້າຍແຮງຕໍ່ຄວາມສຳພັນລະຫວ່າງ 2 ປະເທດ ແລະ 2 ກອງທັບ ພ້ອມກັບເຕືອນວ່າ ສະຫະລັດ ອາເມຣິກາ ຈະຕ້ອງປະເຊີນກັບຜົນລັບໃນທາງທີ່ບໍ່ດີຕາມມາ ຫາກບໍ່ຖອດຖອນການຂວໍ້າບາດດັ່ງກ່າວໃນທັນທີ.