ຈະຫຼວດລັດເຊຍຂັດຂ້ອງ ຕ້ອງລົງຈອດສຸກເສີນ ພ້ອມນັກບິນອະວະກາດ 2 ຄົນ

(Photo by Kirill KUDRYAVTSEV / AFP)
(Photo by Kirill KUDRYAVTSEV / AFP)

ສຳນັກຂ່າວຕ່າງປະເທດລາຍງານ 11 ຕຸລາ 2018 ວ່າ: ທ່ານ ນິກ ເຮກ ນັກບິນວະອະກາດຊາວອາເມຣິກາສັງກັດອົງການ NASA ແລະ ທ່ານ ອະເລັກຊີ ອັອບຊິນິນ ນັກບິນອະວະກາດລັດເຊຍ ສັງກັດອົງການອະວະກາດແຫ່ງຊາດລັດເຊຍ ໄດ້ຂຶ້ນໄປກັບຈະຫຼວດ Soyuz MS-10 ໃນພາລະກິດເດີນທາງສູ່ສະຖານນີອະວະກາດນານາຊາດ (ISS) ເຊິ່ງຖືກປ່ອຍຂຶ້ນຈາກຖານຍິງໄບໂຄນູ ຄອສໂມໂດຼມ ໃນປະເທດກາຊັກສະຖານ ເມື່ອເວລາ 14:40 ນາທີ ຂອງວັນພະຫັດນີ້ ຕາມເວລາທ້ອງຖິ່ນ ກົງກັບເວລາ 15:40 ນາທີ ໃນປະເທດລາວ ໂດຍຈະຕ້ອງຢູ່ໃນວົງໂຄຈອນທ້ອງຟ້າ 6 ຊົ່ວໂມງຫຼັງຈາກຖືກປ່ອຍຂຶ້ນ ແຕ່ປາກົດວ່າທ່ອນທຳອິດຂອງຈະຫຼວດບໍ່ເຮັດວຽກໃນເວລາບໍ່ພໍເທົ່າໃດນາທີພາຍຫຼັງຖືກປ່ອຍຂຶ້ນ ຖືເປັນພາລະກິດລົ້ມເຫຼວ ແລະ ຂັດຂ້ອງເພາະເຄື່ອງຈັກ.

(Photo by Kirill KUDRYAVTSEV / AFP)

ເຊິ່ງເຈົ້າໜ້າທີ່ລັດເຊຍ ແລະ ສະຫະລັດ ອາເມຣິກາກ່າວວ່າ ນັກບິນອະວະກາດທັງສອງທ່ານ ຕ້ອງເດີນທາງກັບໂດຍການລົງຈອດສຸກເສີນສູ່ພື້ນໂລກໃນປະເທດກາຊັກສະຖານ ເຊິ່ງຕໍ່ມາເຈົ້າໜ້າທີ່ລັດເຊຍຢືນຢັນວ່າ ນັກບິນອະວະກາດທັງສອງປອດໄພດີ ພາຍຫຼັງການລົງຈອດສຸກເສີນສຳເລັດ.

(Photo by Kirill KUDRYAVTSEV / AFP)
(Photo by YURI KOCHETKOV / POOL / AFP)
NASA astronaut Nick Hague (Photo by YURI KOCHETKOV / POOL / AFP)
Russian cosmonaut Alexey Ovchinin (Photo by YURI KOCHETKOV / POOL / AFP)