ຍົນປະທານສະໂມສອນບານເລສເຕີຊິຕີ້ ທີ່ເປັນນັກທຸລະກິດຊາວໄທ ຕົກຢູ່ອັງກິດ (ວິດີໂອ)

(Photo by CHRISTOPHE ARCHAMBAULT / AFP)

ສຳນັກຂ່າວຕ່າງປະເທດລາຍງານ 28 ຕຸລາ 2018 ວ່າ: ສະຖານນີໂທລະພາບ Sky Sport ລາຍງານວ່າ ມີເຮລິຄັອບແຕລຳໜຶ່ງປະສົບອຸປະຕິເຫດຕົກຈົນເກີດໄປລຸກໄໝ້ຢູ່ບໍລິເວນເດີນຈອດລົດຂອງສະໜາມເຕະບານ King Power ປະເທດອັງກິດ, ເບື້ອງຕົ້ນຮູ້ວ່າເປັນເຮລິຄັອບແຕຂອງທ່ານ ວິໄຊ ສຣີວັດທະນະປຣະພາ ອາຍຸ 61 ປີ ເຈົ້າຂອງກຸ່ມທຸລະກິດ King Power ມະຫາເສດຖີຊາວໄທ ແລະ ເປັນປະທານສະໂມສອນບານເຕະເລສເຕີຊິຕີ້ ເຊິ່ງເຫດເກີດພາຍຫຼັງຈົບເກມການແຂ່ງຂັນບານເຕະພຣີເມຍລີກອັງກິດລະຫວ່າງທີມເລສເຕີຊິຕີ້ ກັບ ເວສແຮມ ທີ່ສະໜາມ King Power ຜົນຈົບລົງສະເໜີ 1-1 ປະຕູ.

(Photo by Ben STANSALL / AFP)

Sky Sport ລາຍງານວ່າ: ເຮລິຄັອບແຕບິນຂຶ້ນຈາກສະໜາມເມື່ອເວລາ 20:30-20-45 ນາທີ ຂອງຄືນວັນເສົາຕາມເວລາທ້ອງຖິ່ນ ກົງກັບເວລາ 02:30-02:45 ນາທີ ເຊົ້າວັນອາທິດຕາມເວລາໃນປະເທດລາວ ແຕ່ເກີດບັນຫາກ່ຽວກັບໃບພັດຫຼັງຈຶ່ງຕົກລົງບໍລິເວນເດີນຈອດລົດຂອງສະໜາມ ແຕ່ຍັງບໍ່ມີລາຍລະອຽດທີ່ຊັດເຈນ ແລະ ຍັງບໍ່ມີການຢືນຢັນຢ່າງເປັນທາງການວ່າທ່ານ ວິໄຊ ຢູ່ໃນເຮລິຄັອບແຕ່ລຳດັ່ງກ່າວຫຼືບໍ່.

ທ່ານ ວິໄຊ ສຣີວັດທະນະປຣະພາ ນັກທຸລະກິດຊາວໄທ ໄດ້ຊື້ສະໂມສອນເລສເຕີຊິຕີ້ເມື່ອປີ 2010 ແລະ ກາຍເປັນມ້າມືດທີ່ສາມາດຍາດແຊັມບານເຕະພຣີເມຍລີກອັງກິດເມື່ອປີ 2016.

(Photo by PAUL ELLIS / AFP)