Yak-130 ຍົນອາຍພົ່ນສັນຊາດລັດເຊຍ ທີ່ຈະເຂົ້າມາປະຈຳການໃນກອງທັບປະຊາຊົນລາວ

Yak 130 (Photo by ADRIAN DENNIS / AFP)

Yak-130 ເປັນຍົນເຝິກແອບອາຍພົ່ນ ທີ່ສາມາດຕິດອາວຸດໂຈມຕີ ອອກແບບໂດຍ Yakolev ໃນເຄືອ Irkut Corporation ຂອງກຸ່ມອຸດສາຫະກຳຍານພາຫະນະທາງອາກາດ United Aircraft Corporation (UAC) ລັດເຊຍ ມີລາຄາເລີ່ມຕົ້ນລຳລະ 15 ລ້ານໂດລາສະຫະລັດ.

ໃນພາລະກິດໂຈມຕີ Yak-130 ຕິດຕັ້ງອາວຸດໄດ້ 9 ຈຸດ (ປາຍປີກ 2, ກ້ອງປີກ 6 ແລະ ກາງລຳ 1) ຮັບຮອງອາວຸດໄດ້ໜັກເຖິງ 3 ໂຕນເຊັ່ນ: ອາວຸດປ່ອຍນຳວິຖີອາກາດສູ່ອາກາດ R-73E, ລະເບີດທີ່ມີນ້ຳໜັກ 500 ກິໂລກຣາມ, ຈະຫຼວດຈາກອາກາດສູ່ພື້ນ S-8 80 ມມ, S-13 122 ມມ, S-25 340 ມມ ແລະ ປືນໃຫຍ່ອາກາດ GSH-23L 23 ມມ.

Yak-130 ໄດ້ກາຍເປັນທີ່ສົນໃຈຂອງປະຊາຊົນລາວ ເມື່ອມີກະແສຂ່າວວ່າ ກອງທັບປະຊາຊົນລາວ ປະຈຳການຍົນອາຍພົ່ນດັ່ງກ່າວເຂົ້າໃນກອງທັບ (ສ່ວນຈຳນວນຍັງບໍ່ມີລາຍງານຢ່າງເປັນທາງການ) ແລະ ວິດີໂອລຸ່ມນີ້ ຄືລາຍລະອຽດ ແລະ ການສາທິດຄວາມສາມາດຂອງຍົນອາຍພົ່ນ Yak-130.