ປີ 2019 ຈີນຕັ້ງເປົ້າຫຼຸດຜ່ອນຄວາມທຸກຍາກ 10 ລ້ານຄົນ ດ້ວຍທິດສະດີ “ບໍ່ໃຫ້ປາ ແຕ່ສອນຈັບປາ” ເນັ້ນຮູ້ຈັກພັດທະນາຕົນເອງ

ສຳນັກຂ່າວຊິນຫົວຂອງທາງການຈີນລາຍງານເມື່ອວັນທີ 1 ມັງກອນ 2019 ທີ່ຜ່ານມາວ່າ: ທ່ານ ຫູ ຊຸນຫົວ ຮອງນາຍົກລັດຖະມົນຕີຈີນ ເປີດເຜີຍວ່າຈີນຈະຊຸມໃສ່ພະຍາຍາມນຳພາປະຊາຊົນໃນເຂດຊົນນະບົດໃຫ້ຫຼຸດພົ້ນອອກຈາກຄວາມທຸກຍາກໃຫ້ໄດ້ອີກ 10 ລ້ານຄົນ ພາຍໃນປີ 2019 ເຊິ່ງຖືເປັນປີສຳຄັນຂອງການເອົາຊະນະສົງຄາມຕໍ່ຕ້ານຄວາມທຸກຍາກ.

PHOTO: Xinhua

ທ່ານ ຫູ ຊຸນຫົວ ໄດ້ຮຽກຮ້ອງໃຫ້ທຸກພາກສ່ວນເອົາໃຈໃສ່ດຳເນີນການຕາມເຈດຈຳນົງຂອງກອງປະຊຸມການປະຕິບັດງານທາງເສດຖະກິດສູນກາງ (Central Economic Work Conference) ທີ່ຕັ້ງເປົ້າໝາຍຫຼຸດຜ່ອນຄວາມທຸກຄືດັ່ງກ່າວ ພ້ອມທັງພັດທະນາຄຸນນະພາບ ແລະ ປະສິດທິພາບຂອງການປະຕິບັດງານໃຫ້ດີຍິ່ງຂຶ້ນ ແລະ ກ່າວວ່າການວາງແຜນ ແລະ ການສ້າງບ້ານເຮືອນໃໝ່ ໃຫ້ປະຊາຊົນຜູ້ທຸກຍາກຍົກຍ້າຍເຂົ້າມາຢູ່ອາໄສຕາມແຜນພັດທະນາເສດຖະກິດ ແລະ ສັງຄົມແຫ່ງຊາດ 5 ປີ ຄັ້ງທີ 13 (2016-2020) ຄວນສຳເລັດພາຍໃນປີ 2019.

ນອກຈາກນັ້ນ, ທ່ານ ຫູ ຊິນຫົວ ໄດ້ອອກຄຳສັ່ງຄວບຮວບເອົາ “ການຫຼຸດຜ່ອນຄວາມທຸກຍາກ” ເຂົ້າກັບ “ຍຸດທະສາດການຟື້ນຟູຊີວິດຊົນນະບົດ” ເພື່ອກະຕຸ້ນຄວາມສາມາດໃນການພັດທະນາຕົນເອງຂອງປະຊາຊົນຜູ້ຕິດກັບດັກຄວາມທຸກຍາກ, ປ້ອງກັນການກັບຄືນສູ່ວົງຈອນແຫ່ງບັນຫາເດີມ. ນອກນີ້, ການກະຕຸ້ນສົ່ງເສີມພາກຕາເວັນອອກທີ່ເສດຖະກິດເຕີບໃຫຍ່ຢູ່ແລ້ວ ກໍ່ສາມາດຊ່ວຍຫຼຸດຜ່ອນຄວາມທຸກຍາກໃນພາກຕາເວັນຕົກໄດ້ ແລະ ລະດົມກຳລັງພົນທາງສັງຄົມເຂົ້າຮ່ວມໂຄງການຫຼຸດຜ່ອນຄວາມທຸກຍາກຂອງປະເທດ.

ເຊິ່ງຂໍ້ມູນຫຼ້າສຸດ, ຈີນສາມາດນຳພາປະຊາຊົນໃນເຂດຊົນນະບົດອອກຈາກຄວາມທຸກຍາກໄດ້ກວ່າ 10 ລ້ານຄົນໃນປີ 2018 ແລະ ກວ່າ 80 ລ້ານຄົນຕະຫຼອດໄລຍະເວລາ 6 ປີທີ່ຜ່ານມາ.

PHOTO: Xinhua

PHOTO: Xinhua


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube