ກະສັດມາເລເຊຍສະຫຼະລາດ ແລະ ຈະເລືອກະສັດອົງໃໝ່ 24 ມັງກອນນີ້

(FILES) 15th king of Malaysia, Sultan Muhammad V (Photo by Mohd RASFAN / AFP)

ສຳນັກຂ່າວຕ່າງປະເທດລາຍງານ 7 ມັງກອນ 2019 ວ່າ: ຈາກທີ່ສຸນລະຕານ ມູຮຳໝັດ ທີ 5 ສົມເດັດພະລາຊາທິບໍດີແຫ່ງມາເລເຊຍ ແລະ ກະສັດອົງທີ 15 ແຫ່ງມາເລເຊຍ ອາຍຸ 49 ປີ ປະກາດສະຫຼະລາຊະບັນລັງ ເມື່ອວັນອາທິດ (6 ມັງກອນ) ທີ່ຜ່ານມາ ເຊິ່ງຖືເປັນຄັ້ງທຳອິດໃນປະຫວັດສາດຂອງປະເທດມາເລເຊຍ ທີ່ສົມເດັດພະລາຊາທິບໍດີໄດ້ສະຫຼະລາຊະບັນລັງ ພາຍຫຼັງທີ່ຄອງລາດມາໄດ້ພຽງ 2 ເທົ່ານັ້ນ ຈາກວາລະການຄອງລາດ 5 ປີ ໂດຍບໍ່ໄດ້ເປີດເຜີຍເຫດຜົນ ແຕ່ມີລາຍງານຂ່າວວ່າພະອົງໄດ້ແຕ່ງດອງກັບອະດີດນາງງາມລັດເຊຍ ອາຍຸ 25 ປີເມື່ອເດືອນພະຈິກ 2018 ທີ່ຜ່ານມາ.

ທ່ານ ໄຊຢິດ ຄາເນຍ ໄຊຢິດ ອາໝັດ ເຈົ້າໜ້າທີ່ລັດຖະບານມາເລເຊຍທີ່ປະຕິບັດໜ້າທີ່ເປັນເລຂາທິການສະພາຜູ້ປົກຄອງ ເຊິ່ງປະກອບດ້ວຍພະປະມຸກຈາກ 9 ລັດຂອງມາເລເຊຍເປີດເຜີຍວ່າ ສະພາຜູ້ປົກຄອງໄດ້ປະຊຸມປຶກສາຫາລືກັນແລ້ວ ພ້ອມກຳນົດໃຫ້ສະພາຜູ້ປົກຄອງປະຊຸມກັນໃນວັນພະຫັດທີ 24 ມັງກອນນີ້ ເພື່ອເລືອກກະສັດພະອົງໃໝ່ ຈາກນັ້ນກະສັດອົງໃໝ່ກໍ່ຈະເຂົ້າພິທີລາຊາພິເສກໃນວັນທີ 31 ມັງກອນນີ້.

ເຊິ່ງສະພາຜູ້ປົກຄອງມາເລເຊຍປະກອບດ້ວຍພະປະມຸກຈາກ 9 ລັດຂອງເມເລເຊຍ ຈະເຮັດໜ້າທີ່ເລືອກກະສັດແຫ່ງມາເລເຊຍໂດຍສະຫຼັບໝຸນວຽນກັນໄປ ໂດຍມີວາລະການຄອງລາດ 5 ປີ.