ລັດເຊຍຈັດພິທີຕ້ອນຮັບລົດຕັ້ງ T-34 ຈາກ ສປປ.ລາວ ຢ່າງສົມກຽດ

ເມື່ອວັນທີ 16 ມັງກອນ 2019 ທີ່ຜ່ານມາ, ກະຊວງປ້ອງກັນປະເທດລັດເຊຍເຜີຍແຜ່ພາບບັນຍາກາດການຕ້ອນຮັບລົດຕັງ T-34 ຈາກ ສປປ.ລາວ ຢ່າງສົມກຽດ ໃນນາມ “ວິລະບຸລຸດແຫ່ງສົງຄາມ” ເຊິ່ງເປັນລົດຕັງແຫ່ງໄຊຊະນະເໜືອລັດທິຟາດຊິດ ແລະ ຈະເປັນແຮງບັນດາໃຈໃຫ້ກັບຄົນລຸ້ນຕໍ່ໆໄປ.

ລົດຕັງ T-34 ຈາກ ສປປ.ລາວ ຈຳນວນ 30 ຄັນທີ່ຍັງສາມາດໃຊ້ງານໄດ້ເປັນຢ່າງດີ ແລະ ຍັງປະຈຳການໂດຍປົກກະຕິໃນກອງທັບປະຊາຊົນລາວກ່ອນໜ້ານີ້ ພາຍຫຼັງກັບບ້ານເກີດຈະຖືກນຳໄປເຂົ້າຮ່ວມຂະບວນສວນສະໜາມໃນພິທີສະເຫຼີມສະຫຼອງທາງການທະຫານຕ່າງໆຂອງລັດເຊຍ, ນຳໄປຈັດສະແດງໃນພິພິທະພັນ ລວມທັງນຳໄປປະກອບເຂົ້າໃນການຖ່າຍທຳຮູບເງົາຂອງລັດເຊຍ.

ເຊິ່ງໃນການສົ່ງຄືນຍັງບໍ່ມີລາຍງານຢ່າງເປັນທາງການກ່ຽວກັບຂໍ້ຕົກລົງລະຫວ່າງລາວ-ລັດເຊຍ, ແຕ່ກໍ່ມີກະແສຂ່າວອອກມາວ່າ: ທາງການລັດເຊຍໄດ້ນຳລົດຕັງ T-72 ເຊິ່ງເປັນລົດຕັງລຸ້ນໃໝ່ ແລະ ທັນສະໄໝແທດເໝາະກັບປັດຈຸບັນ ມາແລກປ່ຽນເອົາລົດຕັງ T-34 ດັ່ງກ່າວ ເພື່ອໄປເປັນທີ່ລະນຶກ ເພາະລົດຕັງ T-34 ທີ່ມີອາຍຸກວ່າ 70 ປີ ແມ່ນເປັນສິ່ງທີ່ຫາຍາກ ຫຼື ເວົ້າໄດ້ວ່າເກືອບບໍ່ເຫຼືອແລ້ວໃນໂລກນີ້ລວມທັງປະເທດຜູ້ຜະລິດເອງ, ແຕ່ຢູ່ໃນ ສປປ.ລາວ ຍັງມີ ແລະ ຢູ່ສະພາບໃຊ້ງານໄດ້ປົກກະຕິ.

PHOTO: Ministry of Defence of the Russian Federation

PHOTO: Ministry of Defence of the Russian Federation

PHOTO: Ministry of Defence of the Russian Federation

PHOTO: Ministry of Defence of the Russian Federation

PHOTO: Ministry of Defence of the Russian Federation

PHOTO: Ministry of Defence of the Russian Federation

PHOTO: Ministry of Defence of the Russian Federation