“ລົງໃຫ້ເຖິງຮາກຖານ ຮຽນຮູ້ໃນເວທີຕົວຈິງ” ປ.ສີ ກ່າວຕໍ່ເຈົ້າໜ້າທີ່ລັດໃນການແກ້ໄຂຄວາມທຸກຍາກ

ສຳນັກຂ່າວ Xinhua ຂອງທາງການຈີນລາຍງານວ່າ: ເມື່ອວັນສຸກ 25 ມັງກອນ ທີ່ຜ່ານມາ, ທ່ານ ສີ ຈິ້ນຜິງ ປະທານປະເທດຈີນໄດ້ກ່າວໃນລະຫວ່າງການປະຊຸມທາງວິດີໂອ ທີ່ສຳນັກຂ່າວປະຊາຊົນຈີນ ໃນນະຄອນຫຼວງປັກກິ່ງ ແລະ ໄດ້ໂອ້ລົມກັບນັກຂ່າວ ແລະ ເຈົ້າໜ້າທີ່ທ້ອງຖິ່ນລະດັບຮາກຖານ ໃນມົນທົນເຫີເປີຍ ທາງພາກເໜືອຂອງຈີນວ່າ: “ການປະຕິບັດໜ້າທີວຽກງານໃນລະດັບຮາກຖານ ຖືເປັນເວທີທີ່ດີ ແລະ ຫາຍາກສຳລັບການເຝິກຝົນພັດທະນາຕົນເອງ, ຂ້າພະເຈົ້າຂໍໃຫ້ເຈົ້າໜ້າທີ່ລັດລົງໃຫ້ເລິກ ໄປໃຫ້ເຖິງຮາກຖານແທ້ໆ ເພາະນັ້ນຄືບ່ອນທີ່ເຮົາຈະພົບບັນຫາທີ່ແທ້ຈິງ ເພື່ອໃຫ້ເຮົາແກ້ໄຂ”.

ເຊິ່ງຈີນຈະເຮັດໃຫ້ປະຊາຊົນປະມານ 10 ລ້ານຄົນໃນເຂດຊົນນະບົດຫຼຸດພົ້ນອອກຈາກຄວາມທຸກຍາກພາຍໃນປີ 2019 ເຊິ່ງເປັນສ່ວນໜຶ່ງຂອງຄວາມພະຍາຍມໃນການ “ຮັກສາໄຊຊະນະໃນການຕໍ່ສູ້ກັບຄວາາມທຸກຍາກຢ່າງບາກບັ່ນໃນປີທີ່ສຳຄັນ” ຕາມແຜນທີ່ວາງໄວ້ໃນກອງປະຊຸມລະດັບຊາດ ວ່າດ້ວຍການຫຼຸດຜ່ອນຄວາມທຸກຍາກ ແລະ ການພັດທະນາຄຸນນະພາບຊີວິດປະຊາຊົນ ທີ່ຈັດຂຶ້ນເມື່ອທ້າຍເດືອນທັນວາ ປີທີ່ຜ່ານມາ ແລະ ຍັງໄດ້ຕັ້ງເປົ້າໝາຍວ່າຈະລົບລ້າງຄວາມທຸກຍາກໃຫ້ໄດ້ພາຍໃນປີ 2020.

ທີ່ຜ່ານມາ, ຈີນເຮັດໃຫ້ປະຊາຊົນຫຼາຍກວ່າ 700 ລ້ານຄົນ ຫຼຸດພົ້ນອອກຈາກຄວາມທຸກຍາກພາຍໃນໄລຍະເວລາ 4 ທົດສະວັດແລະ ນັບຕັ້ງແຕ່ປີ 2012 ເຖິງ 2017 ປະຊາຊົນຈີນປະມານ 68.5 ລ້ານຄົນຫຼຸດພົ້ນອອກຈາກຄວາມທຸກຍາກ.


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube