ຫວຽດນາມ-ໄທ ມີໂອກາດສູງ ທີ່ຈະໄດ້ເປັນເຈົ້າພາບການພົບປະຜູ້ນຳ ສ.ອາເມຣິກາ-ເກົາຫຼີເໜືອ

US President Donald Trump (R) meets with North Korea's leader Kim Jong Un (L). / AFP PHOTO / SAUL LOEB

ສຳນັກຂ່າວຕ່າງປະເທດລາຍງານເມື່ອວັນທີ 31 ມັງກອນ 2019 ທີ່ຜ່ານມາວ່າ: ທ່ານ ໂດໂນ ທຣຳ ປະທານປະເທດສະຫະລັດ ອາເມຣິກາ ກ່າວຕໍ່ບັນດານັກຂ່າວປະຈຳທຳນຽບຂາວວ່າ ຜູ້ຄົນຈຳນວນຫຼາຍຕ້ອງການໃຫ້ມີການປະຊຸມສຸດຍອດຮອບ 2 ລະຫວ່າງທ່ານ ກັບ ທ່ານ ຄິມ ຈອງ-ອຶນ ຜູ້ນຳສູງສຸດຂອງເກົາຫຼີເໜືອ ແລະ ລັດຖະບານສະຫະລັດ ອາເມຣິກາມີຄວາມຄືບໜ້າຫຼາຍ ໃນການກ້າວໄປສູ່ການຢຸດຢັ້ງການພັດທະນານິວເຄຼຍຂອງເກົາຫຼີເໜືອ ຄາດວ່າກອງປະຊຸມສຸດຍອດຮອບ 2 ຈະເກີດຂຶ້ນໃນປະມານທ້າຍເດືອນກຸມພາ.

ທ່ານ ໄມ ພອມແພວ ລັດຖະມົນຕີກະຊວງການຕ່າງປະເທດສະຫະລັດ ອາເມຣິກາ ເຊິ່ງເປັນຫົວໜ້າຄະນະການທູດພົວພັນກັບເກົາຫຼີເໜືອ ກຳລັງສົ່ງຄະນະເຈົ້າໜ້າທີ່ໄປຍັງອາຊີ ເພື່ອກຽມຈັດກອງປະຊຸມສຸດຍອດຜູ້ນຳສະຫະລັດ ອາເມຣິກາ-ເກົາຫຼີເໜືອ ຄັ້ງທີ 2, ໂດຍສະຖານທີ່ຈັດກອງປະຊຸມທີ່ລັດຖະບານສະຫະລັດ ອາເມຣິກາກຳລັງພິຈາລະນາປະກອບມີ: ຫວຽດນາມ, ໄທ, ຮາວາຍ ແລະ ສິງກະໂປ.