ດ່ວນ…! ເຈົ້າມະຫາຊີວິດໄທ ອອກປະກາດບໍ່ເຫັນດີທີ່ເຈົ້າຍິງອຸບົນຣັດ ຈະລົງຫຼິ້ນການເມືອງ

(Photo by Panupong CHANGCHAI / THAI NEWS PIX / AFP)

ສຳນັກຂ່າວຕ່າງປະເທດລາຍງານ 8 ກຸມພາ 2019 ວ່າ: ສົມເດັດພະມະຫາວະຊິຣາລົງກອນ ເຈົ້າມະຫາຊີວິດໄທ ມີພະລາຊະໂອງການເຊິ່ງມີເນື້ອໃນສຳຄັນວ່າ: ເຈົ້າຍິງອຸບົນຣັດຕະນະ ມະຫິດົນ ເປັນພະລາຊະທິດາອົງໃຫຍ່ຂອງພະບາດສົມເດັດພູມິພົນອະດຸນຍະເດດ ເຈົ້າມະຫາຊີວິດ ລາຊະການທີ 9 ແລະ ສົມເດັດພະລາຊິນີສິຣິກິດ ທັງຍັງເປັນພະເຊດຖະພະຄິນີ (ເອື້ອຍ) ເຈົ້າມະຫາຊີວິດອົງປັດຈຸບັນ ແລະ ລາຊະວົງໄທ, ເຖິງແມ່ນວ່າຈະລາອອກຈາກຖານັນດອນສັກໄປແລ້ວກໍ່ຕາມ ຫາກຍັງມີສະຖານະ ແລະ ດຳລົງຢູ່ໃນສະມາຊິກຂອງລາຊະວົງ ອັນເປັນທີ່ຮັກຂອງ ແລະ ເຄົາລົບຂອງລາຊະວົງ ຕະຫຼອດຮອດເປັນທີ່ເຄົາລົບຍົກຍ້ອງຂອງປະຊາຊົນຊາວໄທມາຢ່າງຕໍ່ເນື່ອງ, ການນຳສະມາຊິກຊັ້ນສູງໃນລາຊະວົງມາກ່ຽວຂ້ອງກັບລະບົບການເມືອງ ບໍ່ວ່າຈະໂດຍທາງໃດກໍ່ຕາມ ຈຶ່ງເປັນການກະທຳທີ່ຂັດຕໍ່ບູຮານລາຊະປະເພນີ, ຂະໜົບທຳນຽບ ແລະ ວັດທະນະທຳຂອງຊາດ ຖືເປັນການກະທຳທີ່ບໍ່ເໝາະບໍ່ຄວນເປັນຢ່າງຍິ່ງ.

Princess Ubolratana of Thailand poses on May 18, 2009 during the 62nd Cannes Film Festival. AFP PHOTO / MARTIN BUREAU (Photo by MARTIN BUREAU / AFP)