ອະນາຄົດພັກໄທຣັກສາຊາດ ຢູ່ໃນກຳມືສານ, ດ້ານເຈົ້າຍິງອຸບົນຣັດ ເສຍໃຈກັບເຫດການດັ່ງກ່າວ

Thai Raksa Chart party leader Preechaphol Pongpanit makes the traditional Thai gesture of respect while speaking to journalists on arrival at the party headquarters in Bangkok on February 12, 2019. (Photo by Krit Phromsakla Na SAKOLNAKORN / THAI NEWS PIX / AFP)

ສຳນັກຂ່າວຕ່າງປະເທດລາຍງານ 13 ກຸມພາ 2019 ວ່າ: ຈາກກໍລະນີທີ່ພັກໄທຣັກສາຊາດ ສະເໜີຊື່ເຈົ້າຍິງອຸບົນຣັດຕະນະ ມະຫິດົນ ເປັນຕົວແທນພັກໃນການລົງຊິງຕຳແໜ່ງນາຍົກລັດຖະມົນຕີໄທ ເມື່ອວັນທີ 8 ກຸມພາ ທີ່ຜ່ານມາ ຈາກການເລືອກຕັ້ງທົ່ວໄປທີ່ຈະຈັດຂຶ້ນໃນວັນທີ 24 ມີນາ 2019 ນີ້, ຫຼັງຈາກນັ້ນສົມເດັດພະມະຫາວະຊິຣາລົງກອນ ເຈົ້າມະຫາຊີວິດໄທ ກໍ່ມີປະກາດວ່າ ເຖິງເຈົ້າຍິງອຸບົນຣັດຕະນະ ມະຫິດົນ ຈະລາອອກຈາກຖານັນດອນສັກການເປັນລາຊະວົງແລ້ວກໍ່ຕາມ ແຕ່ກໍ່ຍັງເປັນເຈົ້າຟ້າຊັ້ນທູນກະໝ່ອມ ທີ່ໃກ້ຊິດລາຊະວົງ, ເປັນພະທິດາອົງໃຫຍ່ຂອງອະດີດເຈົ້າມະຫາຊີວິດ ເປັນເອື້ອຍຂອງເຈົ້າມະຫາຊີວິດລາຊະການປັດຈຸບັນ ແລະ ເອື້ອຍທີ່ເຄົາລົບຂອງລາຊະວົງໄທທຸກພະອົງ ດັ່ງນັ້ນ, ຍັງຖືວ່າຢູ່ໃນວົງສາຄະນາຍາດລາຊະວົງໄທ ທີ່ຕ້ອງດຳລົງຢູ່ເໜືອການເມືອງ ແລະ ຄວນເປັນກາງທາງການເມືອງ.

An official of Raksa Chart party submitting the registration document of Thai Princess Ubolratana bearing her photograph to election commission officials in Bangkok on February 8, 2019. (Photo by Chin CHOMDEE / THAI NEWS PIX / AFP)

ຈາກປະກາດຂອງເຈົ້າມະຫາຊີວິດໄທຄືດັ່ງກ່າວ, ໄດ້ກາຍເປັນຊ່ອງທາງໃຫ້ແກ່ຄະນະກຳມະການການເມືອງຕັ້ງແຫ່ງຊາດໄທຍື່ນຄຳຮ້ອງຕໍ່ສານລັດຖະທຳມະນູນ ເພື່ອພິຈາລະນາຍຸບພັກໄທຣັກສາຊາດ ທີ່ນຳລາຊະວົງມາກ່ຽວຂ້ອງກັບການເມືອງ ເຊິ່ງຜິດຕໍ່ລະບຽບ-ກົດໝາຍ ແລະ ລັດຖະທຳມະນູນໄທ, ໂດຍຈະພິຈາລະນາຍຸກພັກວັນທີ 14 ກຸມພານີ້.

ໃນດ້ານຂອງເຈົ້າຍິງອຸບົນຣັດຕະນະ ມະຫິດົນ ກໍ່ໄດ້ລົງຂໍ້ຄວາມໃນ Instagram ວ່າ: “ຂ້າພະເຈົ້າເສຍໃຈທີ່ຄວາມຕັ້ງໃຈຢ່າງຈິງໃຈ ທີ່ຈະມາຊ່ວຍເຮັດວຽກໃຫ້ປະເທດ ແລະ ຄົນໄທ ໄດ້ກໍ່ໃຫ້ເກີດບັນຫາທີ່ບໍ່ໜ້າຈະເກີດຂຶ້ນໃນຍຸກສະໄໝນີ້”.