ຫວຽດນາມເນລະເທດບຸກຄົນທີ່ຮຽນແບບຜູ້ນຳເກົາຫຼີເໜືອ ອອກນອກປະເທດ

ສຳນັກຂ່າວຕ່າງປະເທດລາຍງານ 25 ກຸມພາ 2019 ວ່າ: ພຽງບໍ່ພໍເທົ່າໃດຊົ່ວໂມງກ່ອນທີ່ທ່ານ ຄິມ ຈອງ-ອຶນ ຜູ້ນຳສູງສຸດຂອງເກົາຫຼີເໜືອຈະເດີນທາງເຖິງນະຄອນຫຼວງຮ່າໂນ້ຍ ປະເທດຫວຽດນາມ ເພື່ອເຂົ້າຮ່ວມກອງປະຊຸມກັບທ່ານ ໂດໂນ ທຣຳ ປະທານປະເທດສະຫະລັດ ອາເມຣິກາ ໃນລະຫວ່າງວັນທີ 27-28 ກຸມພາ 2019 ນີ້, ບຸກຄົນເຊິ່ງເປັນທີ່ໜ້າສົນໃນຂອງສື່ມວນຊົນທັງໃນ ແລະ ຕ່າງປະເທດ ຕະຫຼອດຮອດປະຊາຊົນທົ່ວໄປຄື ທ່ານ ໂຮວາດ ເອັກ ນັກສະແດງຕະຫຼົກຊາວອົດສະຕຣາລີເຊື້ອສາຍຮົງກົງ ຕ້ອງເດີນທາງອອກຈາກຫວຽດນາມ.

ເຊິ່ງທ່ານ ໂຮວາດ ເອັກ ກ່າວສຽດສີລະຫວ່າງກຽມຕົວອອກເດີນທາງໄປຍັງສະໜາມບິວ່າ “ຄົນເກົາຫຼີເໜືອບໍ່ມີຄວາມຮູ້ສຶກມ່ວນຊື່ນກັບເລື່ອງຕະຫຼົກ” ແລະ “ການສຽດສີເປັນອາວຸດທີ່ມີພະລັງໃນການຕໍ່ສູ້ກັບລະບອບຜະເດັດການ”, ໂດຍທ່ານ ໂຮວາດ ເອັກ ເຄີຍປາກົດຕົວໃນກອງປະຊຸມຄັ້ງທຳອິດລະຫວ່າງຜູ້ນຳເກົາຫຼີເໜືອ-ສ.ອາເມຣິກາ ທີ່ສິງກະໂປ ເມື່ອເດືອນມິຖຸນາ ປີທີ່ຜ່ານມາ ເຊິ່ງຜູ້ກ່ຽວກ່າວວ່າຕຳຫຼວດສິງກະໂປໄດ້ເຊີນຕົນໄປສືບສວນສອບສວນເຊັ່ນກັນ ແຕ່ບໍ່ໄດ້ເນລະເທດອອກນອກປະເທດຄືກັບຫວຽດນາມ.

North Korean leader Kim Jong Un impersonator Howard X (L) and US President Donald Trump impersonator Russel White pose at a hotel before being escorted by Vietnamese authorities to the airport, in Hanoi on February 25, 2019. (Photo by Manan Vatsyayana / AFP)

ຂະນະທີ່ກະຊວງການຕ່າງປະເທດຫວຽດນາມຍັງບໍ່ສະແດງທ່າທີ່ຕໍ່ຄຳກ່າວຂອງທ່ານ ໂຮວາດ ເອັກ ແຕ່ທ່ານຣັສເຊວ ໄວ ທີ່ຮຽນແບບທ່ານ ໂດໂນ ທຣຳ ໄດ້ຮັບອະນຸຍາດໃຫ້ຢູ່ໃນປະເທດຕໍ່ໄປໄດ້ ໂດຍຕ້ອງບໍ່ສ້າງຄວາມວຸ້ນວາຍ, ເຖິງຢ່າງໃດກໍ່ຕາມ ຕຳຫຼວດນະຄອນຫຼວງຮ່າໂນ້ຍໄດ້ເຊີນທັງສອງໄປສືບສວນສອບສວນເມື່ອວັນສຸກ ທີ່ຜ່ານມາ.


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube