ປາກິດສະຖານຍິງຍົນອິນເດຍຕົກ ເຮັດໃຫ້ທັງສອງປະເທດຕົກຢູ່ໃນພາວະສົງຄາມ

ສຳນັກຂ່າວຕ່າງປະເທດລາຍງານ 27 ກຸມພາ 2019 ວ່າ: ກະຊວງປ້ອງກັນປະເທດປາກິດສະຖານ ອອກຖະແຫຼງການວ່າ ກອງທັບປາກິດສະຖານໄດ້ຍິງຍົນຮົບ 2 ລຳຂອງອິນເດຍທີ່ລະເມີດນ່ານຟ້າຕາມເສັ້ນແບ່ງຄວບຄຸມ (LOC) ເມື່ອຕອນເຊົ້າຂອງວັນພຸດນີ້ຕາມເວລາທ້ອງຖິ່ນ ໂດຍຍົນລຳໜຶ່ງຕົກລົງໃນອານາເຂດຂອງປາກິດສະຖານ ແລະ ເຈົ້າໜ້າທີ່ປາກິດສະຖານສາມາດຄວບຄຸມຕົວນັກບິນອິນເດຍໄດ້ 1 ຄົນ, ເຖິງແມ່ນວ່າອີກລຳໜຶ່ງຈະບິນກັບໄປຕົກໃນເຂດແຄສເມຍຝັ່ງອິນເດຍ ແຕ່ສົ່ງຜົນໃຫ້ນັກບິນທັງ 2 ຄົນໃນຍົນລຳດັ່ງກ່າວ ແລະ ປະຊາຊົນອີກ 1 ຄົນເສຍຊີວິດ.

UPDATING CAPTION
Indian soldiers and Kashmiri onlookers stand near the remains of an Indian Air Force helicopter after it crashed in Budgam district, outside Srinagar on February 27, 2019. (Photo by Tauseef MUSTAFA / AFP) / UPDATING CAPTION

ເຊິ່ງສະຖານະການດ້ານຄວາມໝັ້ນຄົງຕາມຊາຍແດນເຂດ LOC ໃນຄັ້ງນີ້ຖືວ່າຮຸນແຮງທີ່ສຸດນັບຕັ້ງແຕ່ສົງຄາມເມື່ອປີ 1971 ແລະ ມີທິດທາງຈະທະວີຄວາມຮຸນແຮງຂຶ້ນຕື່ມ ພາຍຫຼັງທີ່ລັດຖະບານປາກິດສະຖານປະກາດພ້ອມຕອບໂຕ້ ປະຕິບັດການທາງທະຫານຂອງອິນເດຍ ເຊິ່ງໂຈມຕີທາງອາກາດຂ້າມເສັ້ນແບ່ງ LOC ເມື່ອວັນອັງຄານທີ່ຜ່ານມາ ໃນເມືອງບາລາຄັອດ ໃນແຄວ້ນໄຄເບີປັກຕູນຄວາ ທາງເບື້ອງຕາເວັນຕົກສຽງເໜືອ ແລະ ໃກ້ກັບເຂດອາຊາດແຄສເມຍ ເຊິ່ງເປັນພູມິພາກແຄສເມຍໃນອານາເຂດຂອງປາກິດສະຖານ ກ່ອນຍອມຖອຍກັບໄປເມື່ອກອງທັບປາກິດສະຖານສົ່ງຍົນຮົບຂຶ້ນບິນທຽບ ແຕ່ຫຼັງຈາກນັ້ນມີການລະດົມຍິງປືນໃຫຍ່ຂ້າມແດນຕອບໂຕ້ກັນອີກ.

ຂະນະທີ່ກະຊວງການຕ່າງປະເທດສະຫະລັດ ອາເມຣິກາ ແລະ ຈີນ ອອກຖະແຫຼງການໃຫ້ທັງອິນເດຍ ແລະ ປາກິດສະຖານໃຊ້ຄວາມອົດທົນອົດກັ້ນ ເພື່ອຫຼຸດຜ່ອນການສູນເສຍ ແລະ ໃຫ້ເຈລະຈາກັນ ໂດຍສະຖານະການໃນແຄສເມຍໄດ້ເຄັ່ງຕຶງຢ່າງຕໍ່ເນື່ອງ ນັບຕັ້ງແຕ່ເກີດເຫດລະເບີດໂຈມຕີລົດເມໂດຍສານຂອງທະຫານອິນເດຍ ໃນລັດຊຳມູ ແລະ ກັສມີ ເມື່ອວັນທີ 14 ກຸມພາ ທີ່ຜ່ານມາ ເຮັດໃຫ້ທະຫານອິນເດຍກວ່າ 40 ຄົນເສຊີວິດ ຫຼັງເກີດເຫດຸ່ມຈາອິສ-ອີ-ໂມຮຳເໝັດ ທີ່ມີເຂດທີ່ໝັ້ນໃນປາກິດສະຖານ ອອກມາຮັບວ່າເປັນຜູ້ຢູ່ເບື້ອງຫຼັງການກໍ່ເຫດ.