ການປົດອາວຸດນິວເຄຼຍເປັນເລື່ອງລະອຽດອ່ອນ ທັງສອງຝ່າຍເຫັນດີບໍ່ຮີບຮ້ອນ

US President Donald Trump (R) walks with North Korea's leader Kim Jong Un during a break in talks at the second US-North Korea summit at the Sofitel Legend Metropole hotel in Hanoi on February 28, 2019. (Photo by Saul LOEB / AFP)

ສຳນັກຂ່າວຕ່າງປະເທດລາຍງານ 28 ກຸມພາ 2019 ວ່າ: ທ່ານ ໂດໂນ ທຣຳ ປະທານປະເທດສະຫະລັດ ອາເມຣິກາ ແລະ ທ່ານ ຄິມ ຈອງ-ອຶນ ຜູ້ນຳສູງສຸດຂອງເກົາຫຼີເໜືອ ພົບປະຫາລືຢ່າງເປັນທາງການເປັນວັນທີ 2 ແລະ ເປັນວັນສຸດທ້າຍຂອງການປະຊຸມສຸດຍອດ ຄັ້ງທີ II ທີ່ໂຮງແຮມໂຊຟິເທວ ເລເກັນ ເມໂທຣໂພ, ນະຄອນຫຼວງຮ່າໂນ້ຍ.

US President Donald Trump (2nd L) and North Korea’s leader Kim Jong Un (2nd R) hold a bilateral meeting during the second US-North Korea summit at the Sofitel Legend Metropole hotel in Hanoi on February 28, 2019. (Photo by Saul LOEB / AFP)

ເຊິ່ງທ່ານ ໂດໂນ ທຣຳ ກ່າວໃນລະຫວ່າງການຖະແຫຼງວ່າ: ຂະບວນການປົດອາວຸດນິວເຄຼຍເປັນເລື່ອງລະອຽດອ່ອນ ແລະ ຕ້ອງຮອບຄອບ ເພາະສະນັ້ນ, ເພື່ອໃຫ້ໄດ້ມາເຊິ່ງຂໍ້ຕົກລົງທີ່ດີທີ່ສຸດ ສຳລັບຂ້າພະເຈົ້າຈະບໍ່ມີການຮີບເລັ່ງຕໍ່ບັນຫາດັ່ງກ່າວ, ຂະນະທີ່ຜູ້ນຳເກົາຫຼີເໜືອກ່າວວ່າ: ຍັງໄວເກີນໄປ ທີ່ຈະຢືນຢັນບັນຫາໃດໆກ່ຽວກັບຂໍ້ຕົກລົງເລື່ອງການປົດອາວຸດນິວເຄຼຍ ແຕ່ສ່ວນຕົວແມ່ນບໍ່ໄດ້ຕີລາຕໍ່ບັນຫາດັ່ງກ່າວໃນດ້ານລົບ ແລະ ເຊື່ອວ່າຜົນການພົບປະຫາລືໃນຄັ້ງນີ້ຈະອອກມາດີ ໂດຍເປັນຄັ້ງທີ 2 ທີ່ຜູ້ນຳທັງສອງປະເທດພົບປະກັນຢ່າງເປັນທາງການໃນປະເທດທີ່ສາມ ໂດຍການປະຊຸມຄັ້ງທຳອິດເກີດຂຶ້ນທີ່ສິງກະໂປ ເມື່ອເດືອນມິຖຸນາ ປີທີ່ຜ່ານມາ.

US President Donald Trump (R) speaks with North Korea’s leader Kim Jong Un during the second US-North Korea summit at the Sofitel Legend Metropole hotel in Hanoi on February 28, 2019. (Photo by Saul LOEB / AFP)

ຂະນະທີ່ທຳນຽບຂາວເປີດເຜີຍວ່າ: ຜູ້ນຳທັງສອງປະເທດມີກຳນົດການລົງນາມຮ່ວມກັນໃນຂໍ້ຕົກລົງສະບັບໜຶ່ງ ຫຼັງຈາກນັ້ນທ່ານ ໂດໂນ ທຣຳ ຈະຖະແຫຼງຕອບຄຳຖາມຈາກນັກຂ່າວ ເຊິ່ງເປັນຂັ້ນຕອນແບບດຽວກັບຢູ່ສິງກະໂປ ເມື່ອປີທີ່ຜ່ານມາ, ເຖິງຢ່າງໃດກໍ່ຕາມ ຍັງບໍ່ມີຝ່າຍໃດຍອມໃຫ້ຂໍ້ມູນວ່າເນື້ອໃນຂອງຂໍ້ຕົກລົງຈະມີເລື່ອງຂອງການຢຸດຕິຢ່າງເປັນທາງການຂອງສົງຄາມເກົາຫຼີຫຼືບໍ່ ເນື່ອງຈາກໃນທາງທິດສະດີຖືວ່າສະຫະລັດ ອາເມຣິກາ ກັບ ເກົາຫຼີໃຕ້ ແລະ ເກົາຫຼີເໜືອ ຮ່ວມດ້ວຍຈີນຍັງມີສະຖານະເປັນປະເທດຄູ່ກໍລະນີຂອງສົງຄາມເກົາຫຼີລະຫວ່າງປີ 1950-1953 ທີ່ລົງນາມດ້ວຍຂໍ້ຕົກລົງຢຸດຍິງ ບໍ່ແມ່ນສົນສິທັນຍາສັນຕິພາບ, ນອກຈາກນີ້ ຫຼາຍຝ່າຍຍັງຕີລາຄາວ່າແຮງກົດດັນໃນກອງປະຊຸມນີ້ຢູ່ທີ່ທ່ານ ໂດໂນ ທຣຳຫຼາຍກວ່າ ເພາະນັບຕັ້ງແຕ່ຜ່ານພົ້ນການພົບປະກັນທີ່ສິງກະໂປ ບັນຫາການປົດອາວຸດນິວເຄຼຍເກືອບບໍ່ມີຄວາມຄືບໜ້າເປັນຮູບປະທຳ.