ກອງປະຊຸມຫຼົ່ມແຫຼວ ເກົາຫຼີເໜືອບໍ່ລົງນາມຂໍ້ຕົກລົງ ເພາະ ສ.ອາເມຣິກາບໍ່ຍົກເລີກການຂວໍ້າບາດ

US President Donald Trump speaks during a press conference following the second US-North Korea summit in Hanoi on February 28, 2019. (Photo by Manan VATSYAYANA / AFP)

ສຳນັກຂ່າວຕ່າງປະເທດລາຍງານ 28 ກຸມພາ 2019 ວ່າ: ທ່ານ ໂດໂນ ທຣຳ ປະທານປະເທດສະຫະລັດ ອາເມຣິກາ ຖະແຫຼງພາຍຫຼັງສຳເລັດກອງປະຊຸມສຸດຍອດ ຄັ້ງທີ II ກັບທ່ານ ຄິມ ຈອງ-ອຶນ ຜູ້ນຳສູງສຸດເກົາຫຼີເໜືອ ທີ່ສຳເລັດໄວກວ່າກຳນົດ ແລະ ບໍ່ມີການລົງນາມໃນຂໍ້ຕົກລົງໃດໆຕາມທີ່ທຳນຽບຂາວປະກາດກ່ອນໜ້ານີ້ ໂດຍຜູ້ນຳສະຫະລັດ ອາເມຣິກາກ່າວພຽງວ່າ: “ຊີວິດຄົນເຮົາຕ້ອງເດີນຕໍ່ໄປ ແລະ ນີ້ກໍ່ເປັນອີກໜຶ່ງບາດກ້າວ” ກ່ອນອະທິບາຍວ່າ ລັດຖະບານເກົາຫຼີເໜືອຕ້ອງການໃຫ້ສະຫະລັດ ອາເມຣິກາຍົກເລີກມາດຕະການຂວໍ້າບາດທັງໝົດ ເຊິ່ງຜູ້ນຳສະຫະລັດ ອາເມຣິກາຍັງບໍ່ສາມາດຕອບຮັບໄດ້.

US President Donald Trump (L) speaks as US Secretary of State Mike Pompeo looks on during press conference following the second US-North Korea summit in Hanoi on February 28, 2019. (Photo by Manan VATSYAYANA / AFP)

ເຖິງຢ່າງໃດກໍ່ຕາມ, ຜູ້ນຳສະຫະລັດ ອາເມຣິກາຢືນຢັນວ່າ ການປະຊຸມຄັ້ງນີ້ຜົນອອກມາເປັນທີ່ໜ້າເສຍດາຍ ທັງທີ່ເລີ່ມຕົ້ນດ້ວຍດີຈາກການພົບປະກັນແບບສ່ວນຕົວ ເມື່ອວັນພຸດທີ່ຜ່ານມາ ແຕ່ທ່ານ ໂດໂນ ທຣຳ ຢືນຢັນວ່າການປະຊຸມຄັ້ງນີ້ມີຄວາມຄືບໜ້າ ບໍ່ວ່າຈະເປັນແນວຄິດເລື່ອງການເປີດສູນປະສານງານຂອງລັດຖະບານສະຫະລັດ ອາເມຣິກາໃນນະຄອນຫຼວງປຽງຢາງ ທີ່ຫາກເປັນຈິງຈະເປັນຈຸດເລີ່ມຕົ້ນຄັ້ງສຳຄັນໃນການຟື້ນຟູສາຍພົວພັນທາງການທູດຂອງສອງຝ່າຍ ແລະ ທ່ານ ຄິມ ຈອງ-ອຶນ ຍັງໄດ້ໃຫ້ຄຳໝັ້ນສັນຍາວ່າຈະບໍ່ທົດລອງຂີປະນາວຸດອີກ ແລະ ຈະດຳເນີນການປົດນິວເຄຼຍ, ແຕ່ບັນດານັກວິເຄາະຫຼາຍທ່ານວິເຄາະໄປໃນທິດທາງດຽວກັນວ່າ ເລື່ອງການປົດນິວເຄຼຍເປັນໄປໄດ້ຍາກຫຼາຍ ເພາະໃນຄວາມເປັນຈິງຜູ້ນຳທັງສອງປະເທດ ຍັງແປຄວາມໝາຍໄປຄົນລະທິດທາງ.

ພາຍຫຼັງຖະແຫຼງສຳເລັດ, ທ່ານ ໂດໂນ ທຣຳ ກໍ່ໂດຍສານດ້ວຍຍົນປະຈຳຕຳແໜ່ງ ອອກຈາກນະຄອນຫຼວງຮ່າໂນ້ຍ ເພື່ອເດີນທາງກັບນະຄອນຫຼວງວໍຊິງຕັນທັນທີ, ຂະນະທີ່ຫາກລັດຖະບານເກົາຫຼີເໜືອບໍ່ປ່ຽນແປງກຳນົດການ ທ່ານ ຄິມ ຈອງ-ອຶນ ແລະ ຄະນະຈະຢ້ຽມຢາມຫວຽດນາມຕໍ່ຈົນເຖິງວັນເສົານີ້ ເພື່ອຢ້ຽມຊົມໂຄງການພັດທະນາເສດຖະກິດ ແລະ ອຸດສາຫະກຳຂອງຫວຽດນາມ.

US President Donald Trump (C) arrives to Air Force One at Noi Bai International Airport following the second US-North Korea summit in Hanoi on February 28, 2019. (Photo by Saul LOEB / AFP)
US President Donald Trump waves while boarding Air Force One at Noi Bai International Airport to leave Vietnam following the second US-North Korea summit in Hanoi on February 28, 2019.  (Photo by Saul LOEB / AFP)