ຜູ້ນຳເກົາຫຼີເໜືອເດີນທາງກັບປະເທດ ດ້ວຍຜົນກອງປະຊຸມທີ່ຜິດຄາດຈາກທົ່ວໂລກ

North Korea's leader Kim Jong Un waves before boarding his train at the Dong Dang railway station in Lang Son on March 2, 2019. (Photo by YE AUNG THU / AFP)

ສຳນັກຂ່າວຕ່າງປະເທດລາຍງານ 2 ມີນາ 2019 ວ່າ: ທ່ານ ຄິມ ຈອງ-ອຶນ ຜູ້ນຳສູງສຸດຂອງເກົາຫຼີເໜືອ ແລະ ຄະນະເດີນທາງໄປຍັງສະໜາມຫຼວງບາດິງ ໃຈກາງນະຄອນຫຼວງຮ່າໂນ້ຍ ເພື່ອວາງພວງມາລາສະແດງຄວາມເຄົາລົບອະນຸສອນສະຖານຂອງທ່ານປະທານ ໂຮ່ຈິມິນ ວິລະບຸລຸດຂອງຫວຽດນາມ ກ່ອນເດີນທາງຕໍ່ໄປຍັງສະຖານນີລົດໄຟເມືອງດົ່ງດາງ ແຂວງຫຼັ່ງເຊິນ ທາງພາກເໜືອສຸດຂອງຫວຽດນາມ ເພື່ອໂດຍສານດ້ວຍລົດໄຟໄລຍະທາງປະມານ 4,000 ກິໂລແມັດ ກັບນະຄອນຫຼວງປຽງຢາງ, ໂດຍກ່ອນໜ້ານັ້ນເມື່ອວັນສຸກ ຜູ້ນຳເກົາຫຼີເໜືອ ໄດ້ຮັບການຕ້ອບຮັບຢ່າງສົມກຽດຈາກທ່ານ ຫງວຽນ ຟູ ຈ້ອງ ປະທານປະເທດຫວຽດນາມ ແລະ ພົບປະຫາລືກັບເຈົ້າໜ້າທີ່ລະດັບສູງຂອງລັດຖະບານຫວຽດນາມ.

North Korea’s leader Kim Jong Un (R) and Vietnam’s President Nguyen Phu Trong (L) attend a welcoming ceremony and review an honour guard at the Presidential Palace in Hanoi on March 1, 2019. (Photo by MANAN VATSYAYANA / POOL / AFP)
Vietnam’s President Nguyen Phu Trong (2nd L) speaks with North Koreaís leader Kim Jong Un (R) during their bilateral meeting at the Presidential Palace in Hanoi on March 1, 2019. (Photo by NOEL CELIS / POOL / AFP)
North Korea’s leader Kim Jong Un (C) arrives to lay a wreath at the Ho Chi Minh mausoleum in Hanoi on March 2, 2019. (Photo by Noel CELIS / AFP)
North Korea’s leader Kim Jong Un (C) waves before boarding his train at the Dong Dang railway station in Lang Son on March 2, 2019. (Photo by Ye Aung THU / AFP)
North Korea’s leader Kim Jong Un (C) waves before boarding his train at the Dong Dang railway station in Lang Son on March 2, 2019. (Photo by Ye Aung THU / AFP)

ເຊິ່ງທ່ານ ຄິມ ຈອງ-ອຶນ ເດີນທາງເຖິງນະຄອນຫຼວງຮ່າໂນ້ຍຕັ້ງແຕ່ວັນອັງຄານທີ່ຜ່ານມາ ເພື່ອຮ່ວມກອງປະຊຸມກັບທ່ານ ໂດໂນ ທຣຳ ປະທານປະເທດສະຫະລັດ ອາເມຣິກາ ເຊິ່ງເປັນການພົບປະຫາລືກັນຄັ້ງທີ II ຕໍ່ຈາກຄັ້ງທຳອິດ ທີ່ສິງກະໂປ ເມື່ອເດືອນມິຖຸນາ ປີທີ່ຜ່ານມາ ລະຫວ່າງວັນທີ 27-28 ກຸມພາ, ແຕ່ຜົນຂອງການພົບປະຫາລືເໜືອຄວາມຄາດໝາຍຂອງທົ່ວໂລກທີ່ຕິດຕາມ ວ່າຈະມີຄວາມຄືບໜ້າທີ່ເປັນຮູບປະທຳໃນບັນຫາການປົດນິວເຄຼຍຫຼືບໍ່ ເນື່ອງຈາກບໍ່ມີການລົງນາມເປັນລາຍລັກອັກສອນໃນຂໍ້ຕົກລົງໃດໆ, ຂະນະທີ່ທ່ານ ໂດໂນ ທຣຳ ກ່າວວ່າເກົາຫຼີເໜືອຕ້ອງການໃຫ້ສະຫະລັດ ອາເມຣິກາຍົກເລີກການຂວໍ້າບາດທັງໝົດ ເຊິ່ງລັດຖະບານສະຫະລັດ ອາເມຣິກາຍັງບໍ່ສາມາດຕອບສະໜອງໄດ້.

North Korean Foreign Minister Ri Yong Ho (R) speaks as vice-minister of Foreign Affairs Choe Son Hui looks on during a press conference in Hanoi early on March 1, 2019, following the US-North Korea summit. (Photo by Huy PHONG / AFP)

ເຖິງຢ່າງໃດກໍ່ຕາມ, ເຈົ້າໜ້າທີ່ລະດັບສູງດ້ານການທູດຂອງເກົາຫຼີເໜືອ 2 ທ່ານຄື ທ່ານ ຣີ ຢອງ-ໂຮ ລັດຖະມົນຕີກະຊວງການຕ່າງປະເທດ ແລະ ທ່ານ ນາງ ໂຊ ຊອນ-ຮີ ຮອງລັດຖະມົນຕີກະຊວງການຕ່າງປະເທດ ອອກມາກ່າວຕອບໂຕ້ວ່າ ລັດຖະບານເກົາຫຼີເໜືອຍື່ນຂໍ້ສະເໜີເປັນລາຍລັກອັກສອນ ເລື່ອງການຍົກເລີກທົດສອບອາວຸດນິວເຄຼຍ ແລະ ຂີປະນາວຸດ ເພື່ອແລກກັບການຜ່ອນຄາຍມາດຕະການຂວໍ້າບາດສະເພາະໃນສ່ວນທີ່ສົ່ງຜົນກະທົບຕໍ່ຄຸນນະພາບຊີວິດຂອງປະຊາຊົນເກົາຫຼີເໜືອ ແຕ່ຕົກລົງກັນບໍ່ໄດ້ ແລະ ເຕືອນວ່າສະຫະລັດ ອາເມຣິກາປະລະໂອກາດຄັ້ງສຳຄັນໄປແລ້ວ.