ສ.ອາເມຣິກາ ເສີມທັບເຮືອເພີ່ມໃນຕາເວັນອອກາງ ທ່າມກາງຄວາມເຄັ່ງຕຶງກັບອີຣານ

ສຳນັກຂ່າວຕ່າງປະເທດລາຍງານເມື່ອວັນທີ 10​ ພຶດສະພາ 2019 ທີ່ຜ່ານມາວ່າ: ກະຊວງປ້ອງກັນປະເທດສະຫະລັດ ອາເມຣິກາ ອອກຖະແຫຼງການ ເລື່ອງການສົ່ງເຮືອບັນທຸກຍານພາຫະນະສະເທືອນນ້ຳສະເທືອນບົກ USS Arlington ເພື່ອສົມທົບກັບກອງເຮືອພິຄາດສະເພາະກິດທີ່ນຳໂດຍ USS Abraham Lincoln ເຊິ່ງເປັນເຮືອບັນທຸກຍົນຮົບພະລັງງານນິວເຄຼຍ ທີ່ຕອນນີ້ຜ່ານຄອງຊູແອດ ແລະ ເຂົ້ສູ່ນ່ານນ້ຳສາກົນຂອງທະເລແດງແລ້ວ ພາຍຫຼັງອອກເດີນທາງຈາກສະຫະລັດ ອາເມຣິກາເມື່ອເດືອນທີ່ຜ່ານມາ ເພື່ອກຽມຄວາມພ້ອມຮັບມືກັບໄພຮຸກຮານ ທີ່ຈະເກີດຂຶ້ນຈາກກອງກຳລັງປະຕິວັດອີຣານ, ນອກຈາກນີ້ ກະຊວງປ້ອງກັນປະເທດສະຫະລັດ ອາເມຣິກາ ຍັງໄດ້ສົ່ງຍົນຖິ້ມລະເບີດທາງຍຸດທະສາດ B-52 ເດີນທາງໄປສົມທົບອີກຈຳນວນໜຶ່ງ ໂດຍຍົນຖິ້ມລະເບີດ B-52 ໄດ້ຈອດຢູ່ຖານທັບໃນກາຕາ.

U.S. Navy photo by Mass Communication Specialist 2nd Class Brandon Parker/Released)

U.S. Navy photo by Mass Communication Specialist 2nd Class Brandon Parker/Released

ຂະນະທີ່ແຫຼ່ງຂ່າວດ້ານຄວາມໝັ້ນຄົງຂອງລັດຖະບານສະຫະລັດ ອາເມຣິກາໃຫ້ຂໍ້ມູນວ່າ ການເຄື່ອນໄຫວທາງທະຫານດັ່ງກ່າວຂອງສະຫະລັດ ອາເມຣິກາ ເກີດຂຶ້ນພາຍຫຼັງໄດ້ຮັບຂໍ້ມູນຂ່າວກອງທີ່ເຊື່ອຖືໄດ້ວ່າ ກອງກຳລັງປະຕິວັດອີຣານໄດ້ລຳລຽງອາວຸດຍຸດໂທປະກອນຫຼາຍຢ່າງ ລວມເຖິງຂີປະນາວຸດໄປຕິດຕັ້ງເທິງເຮືອເຄື່ອນທີ່ໄວຫຼາຍລຳ ແຕ່ກ່ອນໜ້ານັ້ນເມື່ອທ້າຍປີທີ່ຜ່ານມາ ສະຫະລັດ ອາເມຣິກາໄດ້ຕິດຕັ້ງລະບົບຂີປະນາວຸດ Patriot ໃນບາເຣນ,​ ກູເວດ ແລະ ຊອກດານີ

PAC-2 Patriot missile

ໃນເວລາດຽວກັນ, ທ່ານ ໂດໂນ ທຣຳ ກ່າວວ່າເຖິງແມ່ນວ່າສະຫະລັດ ອາເມຣິກາໄດ້ຖອນຕົວອອກຈາກຂໍ້ຕົກລົງນິວເຄຼຍກັບອີຣານເມື່ອປີທີ່ຜ່ານມາ ແຕ່ຍັງພ້ອມເຈລະຈາກັບອີຣານ ເພື່ອຫາທາງອອກທີ່ເໝາະສົມທີ່ສຸດຮ່ວມກັນ, ເຖິງຢ່າງໃດກໍ່ຕາມ ຜູ້ນຳສະຫະລັດ ອາເມຣິກາກ່າວວ່າຕົນບໍ່ອາດປະຕິເສດໄດ້ວ່າຈະບໍ່ມີການໃຊ້ມາດຕະການທາງທະຫານຕໍ່ອີກຝ່າຍ ແລະ ສັ່ງຂວໍ້າບາດອຸດສາຫະກຳບໍ່ແຮ່ຂອງອີຣານ ເຊິ່ງເປັນສິນຄ້າສົ່ງອອກອັນດັບ 2 ຮອງຈາກນ້ຳມັນ ແລະ ແກັດທຳມະຊາດ.

ໃນດ້ານຂອງທ່ານ ຮັສຊັນ ໂຣຮານີ ປະທານປະເທດອີຣານ ໄດ້ສັ່ງໃຫ້ຢຸດຕິປະຕິບັດຕາມຂໍ້ຕົກລົງບາງສ່ວນຂອງສົນທິສັນຍານິວເຄຼຍ, ເຊິ່ງທ່ານ ຮັສຊັນ ໂຣຮານີ ຢືນຢັນວ່າປະລິມານຢູເຣນຽມຂອງອີຣານຍັງຢູ່ໃນລະດັບຕ່ຳກວ່າທີ່ໃຊ້ຜະລິດນິວເຄຼຍໄດ້ຕາມຂໍ້ຕົກລົງ ແຕ່ຫາກພາຍໃນ 60 ວັນ ປະເທດຜູ້ຮ່ວມໃນຂໍ້ຕົກລົງຍັງບໍ່ສາມາດປະຕິບັດຕາມເນື້ອໃນສຳຄັນຂອງຂໍ້ຕົກລົງ ຄືການຫຼຸດຜ່ອນມາດຕະການຂວໍ້າບາດ ພາຍໃນໄລຍະເວລາດັ່ງກ່າວອີຣານຈະມີມາດຕະການເພີ່ມເຕີມ.


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube