ທ່ານ ປູຕິນ ຜູ້ນຳລັດເຊຍ ລົງແຂ່ງຂັນຮັອກກີ້ ເພື່ອການກຸສົນ ນຳທີມຊະນະຄູ່ແຂ່ງ (ວິດີໂອ)

ສຳນັກຂ່າວຕ່າງປະເທດລາຍງານເມື່ອວັນທີ 10 ພຶດສະພາ 2019 ທີ່ຜ່ານມາວ່າ: ທ່ານ ວະລາດິເມຍ ປູຕິນ ປະທານປະເທດລັດເຊຍ ໄດ້ລວມລົງແຂ່ງຂັນຮັອກກີ້ນ້ຳແຂງ ເພື່ອການກຸສົນ ທີ່ສະໜາມກິລາໃນເມືອງໂຊຊິ ທາງພາກຕາເວັນຕົກຂອງປະເທດ ໂດຍມີທ່ານ ພົນເອກ ເຊີເກ ຊອຍກູ ລັດຖະມົນຕີກະຊວງປ້ອງກັນປະເທດ ຮ່ວມທີມດຽວກັນ, ຂະນະທີ່ທີມຄູ່ແຂ່ງຄືບັນດານັກກິລາຮັອກກີ້ນ້ຳແຂງຊື່ດັງຂອງລັດເຊຍ.

ເຊິ່ງທ່ານ ປູຕິນ ຢູ່ໃນຕຳແໜ່ງກອງໜ້າ ສາມາດຍິງປະຕູໃຫ້ທີມໄດ້ເຖິງ 8 ປະຕູ ແລະ ຍັງມີສ່ວນຊ່ວຍເພື່ອນຮ່ວມທີມຍິງປະຕູໄດ້ອີກ 2 ປະຕູ ສົ່ງຜົນໃຫ້ທີມຂອງຜູ້ນຳລັດເຊຍເປັນຝ່າຍຊະນະໄປຂາດລອຍ 14 ຕໍ່ 7 ປະຕູ.