ກອງທັບອີຣານ ຍິງໂດຣນສອດແນມ ສ.ອາເມຣິກາຕົກ

ສຳນັກຂ່າວຕ່າງປະເທດລາຍງານ 20 ມິຖຸນາ 2019 ວ່າ: ສຳນັກຂ່າວແຫ່ງຊາດອີຣານ (IRNA) ລາຍງານວ່າ: ກອງກຳລັງປະຕິວັດອີຣານ (IRGC) ສາມາດຍິງໂດຣນສອດແນມລຸ້ນ RQ-4 Global Hawk ຂອງກອງທັບສະຫະລັດ ອາເມຣິກາຕົກໃນເຂດແຂວງຮໍມອສກັນ ທາງພາກໃຕ້ຂອງອີຣານ ເນື່ອງຈາກໂດຣນລຳດັ່ງກ່າວລະເມີດນ່ານຟ້າ ແລະ ມີພຶດຕິກຳສອດແນມ.

Photo: IRNA

ແຂວງຮໍມອສກັນ ຕັ້ງຢູ່ຫ່າງຈາກນະຄອນຫຼວງເຕຫະຣານໄປທາງຕາເວັນອອກສຽງໃຕ້ປະມານ 1,200 ກິໂລແມັດ ແລະ ຢູ່ໃກ້ກັບຊ່ອງແຄບຮໍມຸສ ຈຸດຍຸດທະສາດທັງໃນດ້ານການຂົນສົ່ງ ແລະ ທາງທະຫານທີ່ສຳຄັນໃນອ່າວເປີເຊຍ ທີ່ເກີດເຫດໂຈມຕີເຮືອບັນທຸກນ້ຳມັນ 2 ຄັ້ງ ໂດຍເຮືອ 4 ລຳຖືກໂຈມຕີເມື່ອຕົ້ນເດືອນນີ້ ແລະ ອີກ 2 ລຳເມື່ອອາທິດທີ່ຜ່ານມາ ພາຍຫຼັງເກີດເຫດໂຈມຕີເຮືອບັນທຸກນ້ຳມັນ ລັດຖະບານສະຫະລັດ ອາເມຣິກາ ໄດ້ກ່າວຫາວ່າອີຣານຢູ່ເບື້ອງຫຼັງ, ຂະນະທີ່ອີຣານປະຕິເສດ ແລະ ສະຖານະການໄດ້ທະວີຄວາມເຄັ່ງຕຶງເປັນລຳດັບ ເມື່ອກອງທັບສະຫະລັດ ອາເມຣິກາເດີນໜ້າເສີມກຳລັງພົນ ແລະ ອາວຸດຍຸດໂທປະກອນເຂົ້າໄປປະຈຳການໃນຕາເວັນອອກກາງຢ່າງຕໍ່ເນື່ອງ.

ເຖິງຢ່າງໃດກໍ່ຕາມ, ສູນບັນຊາການກາງກອງທັບສະຫະລັດ ອາເມຣິກາ ປະຕິເສດໃຫ້ຄວາມຄິດເຫັນຕໍ່ລາຍງານດັ່ງກ່າວຂອງ RINA ແຕ່ຢືນຢັນວ່າບໍ່ມີໂດຣນຂອງສະຫະລັດ ອາເມຣິກາ ປະຕິບັດການຢູ່ໃນພື້ນທີ່ຕາມລາຍງານດັ່ງກ່າວ, ໃນດ້ານຂອງທ່ານ ນາງ ຊາຣາ ແຊນເດີ ໂຄສົກນຳທຽບຂາວກ່າວພຽງວ່າ ທ່ານ ໂດໂນ ທຣຳ ປະທານປະເທດສະຫະລັດ ອາເມຣິກາ ບໍ່ໄດ້ກ່າວເຖິງບັນຫາດັ່ງກ່າວນີ້ເຊັ່ນກັນ.


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube