ທ່ານນາຍົກ ຮ່ວມງານລ້ຽງຄ່ຳຄືນແຫ່ງພວງມາໄລ ທີ່ບາງກອກ

ເມື່ອວັນທີ 22 ມິຖຸນາ 2019 ທີ່ຜ່ານມາ, ທ່ານ ທອງລຸນ ສີສຸລິດ ນາຍົກລັດຖະມົນຕີ ພ້ອມດ້ວຍພັນລະຍາ ເຂົ້າຮ່ວມງານລ້ຽງອາຫານຄ່ຳ “Malai Night” ຫຼື ຄ່ຳຄືນແຫ່ງພວງມາໄລ ໂດຍການເປັນເຈົ້າພາບຂອງທ່ານ ພົນເອກ ປຣະຍຸດ ຈັນໂອຊາ ນາຍົກລັດຖະມົນຕີຂອງໄທ ເພື່ອເປັນກຽດແກ່ຜູ້ນຳ ແລະ ຄູ່ສົມລົດທີ່ເຂົ້າຮ່ວມກອງປະຊຸມສຸດຍອດອາຊຽນ ຄັ້ງທີ 34 ທີ່ນະຄອນຫຼວງບາງກອກ.

ໃນງານດັ່ງກ່າວໄດ້ມີການນຳສະເໜີການສະແດງທີ່ຫຼາກຫຼາຍ ໂດຍນຳລັກສະນະເດັ່ນທາງວັດທະນະທຳຂອງປະເທດສະມາຊິກ 10 ປະເທດ ມາປະສົມປະສານຢ່າງຍິ່ງໃຫຍ່ຕະການຕາ ແລະ ສອດຄ່ອງກັບຄຳຂວັນຂອງການເປັນປະທານອາຊຽນຂອງໄທ “Advancing Partnership for Sustainability” ຫຼື “ຮ່ວມມື ຮ່ວມໃຈ ກ້າວໄກ ຍືນຍົງ”.


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube