ດ່ວນ…! ສຳນັກງານນາຍົກແຈ້ງໃຫ້ຢຸດຕິການເຄື່ອນໄຫວໜ້າ facebook ສະໜັບສະໜູນທ່ານນາຍົກ ທອງລຸນ

ສຳນັກຂ່າວສານປະເທດລາວ (KPL) ລາຍງານ 26 ມິຖຸນາ 2019 ວ່າ: ອີງຕາມເຈົ້າໜ້າທີ່ກົມປະຊາສຳພັນ, ຫ້ອງການ ສຳນັກງານນາຍົກລັດຖະມົນຕີແຈ້ງໃຫ້ຊາບວ່າ: ໜ້າຂ່າວອອນລາຍ ໃນເຟດບຸກ (Facebook) ທີ່ໃສ່ນາມຕົນເອງວ່າ: “Support Prime Minister Thongloun Sisoulith’’ ແມ່ນ ບໍ່ມີສ່ວນກ່ຽວຂ້ອງກັບ ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ.ລາວ ແຕ່ປະການໃດ.

ເຈົ້າໜ້າທີ່ກົມປະຊາສຳພັນກ່າວຕື່ມວ່າ: ຂ່າວ ແລະ ຮູບພາບ ທີ່ໄດ້ປ່ອຍອອກຜ່ານໜ້າຂ່າວອອນລາຍດັ່ງກ່າວ ໃນໄລຍະຜ່ານມາ ແມ່ນບໍ່ ຖືກຕ້ອງ, ຈຶ່ງໃຫ້ເຈົ້າຂອງໜ້າຂ່າວນີ້ ຢຸດຕິການເຄື່ອນໄຫວດັ່ງກ່າວ ແລະ ປະຕິບັດກົດໝາຍວ່າດ້ວຍສື່ມວນຊົນ (ສະບັບປັບປຸງ), ກົດໝາຍ ວ່າດ້ວຍ ການຕ້ານ ແລະ ສະກັດກັ້ນ ອາຊະຍາກຳທາງລະບົບຄອມພິມເຕີ, ດຳລັດນາຍົກລັດຖະມົນຕີວ່າ ດ້ວຍການຄຸ້ມຄອງຂໍ້ມູນຂ່າວສານຜ່ານອິນເຕີເນດ ເລກທີ 327/ນຍ ແລະ ລະບຽບການທີ່ກ່ຽວຂ້ອງ.


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube