ລາວ-ລັດເຊຍ ລົງນາມຮ່ວມມືດ້ານພະລັງງານ ແລະ ຈະຖ່າຍທອດຄວາມຮູ້ພະລັງງານນິວເຄຼຍ ແກ່ ສປປ.ລາວ

ສະຖານທູດລັດເຊຍປະຈຳ ສປປ.ລາວ ລາຍງານວ່າ: ເມື່ອວັນທີ 10 ກໍລະກົດ 2019 ທີ່ຜ່ານມາ ກອງປະຊຸມຄະນະກຳມາທິການຮ່ວມມືດ້ານເສດຖະກິດ-ການຄ້າ ແລະ ວິທະຍາສາດ-ເຕັກນິກລາວ-ລັດເຊຍ ຄັ້ງທີ 15 ໄດ້ຈັດຂຶ້ນຢູ່ນະຄອນຫຼວງມົດສະກູ ພາຍໃຕ້ການນຳຂອງທ່ານ ໂກສະຕັງຕິນ ໂນສະກົບ ລັດຖະມົນຕີກະຊວງໂທລະຄົມມະນາຄົມ ແລະ ສື່ມວນຊົນ ແຫ່ງລັດເຊຍ ແລະ ທ່ານ ສຸພັນ ແກ້ວມີໄຊ ລັດຖະມົນຕີກະຊວງແຜນການ ແລະ ການລົງທຶນ ແຫ່ງ ສປປ.ລາວ.

ທັງສອງຝ່າຍໄດ້ປຶກສາຫາລືກັນ ກ່ຽວກັບສະພາບການຮ່ວມມືກັນໃນປັດຈຸບັນ ແລະ ທິດທາງການຮ່ວມມືສອງຝ່າຍໃນຂົງເຂດການຄ້າ, ການລົງທຶນ, ພະລັງງານ, ອຸດສາຫະກຳ, ICT, ວິທະຍາສາດ ແລະ ການສຶກສາ.

ໃນຕອນທ້າຍຂອງກອງປະຊຸມດັ່ງກ່າວ ລັດຖະມົນຕີກະຊວງຂອງສອງປະເທດລາວ-ລັດເຊຍ ໄດ້ລົງນາມເອກະສານຮ່ວມກັນ ໂດຍສະເພາະບໍລິສັດ A-Rxiena, ບໍລິສັດ Inter RAO-Engineering ແລະ ລັດຖະບານແຫ່ງ ສປປ.ລາວ ໄດ້ລົງນາມຂໍ້ຕົກລົງກ່ຽວກັບການພັດທະນາໂຄງການເຂື່ອນເຊກອງ 5, ອົງການພະລັງງານນິວເຄຼຍແຫ່ງລັດ ໂຣດອາຕອມ ແລະ ກະຊວງພະລັງງານ ແລະ ບໍ່ແຮ່ຂອງ ສປປ.ລາວ ໄດ້ເຊັນບົດບັນທຶກຄວາມເຂົ້າໃຈ 2 ສະບັບເຊັ່ນ: ການເຜີຍແຜ່ຄວາມຮູ້ດ້ານພະລັງງານນິວເຄຼຍໃຫ້ແກ່ປະຊາຊົນ; ການຮ່ວມມືດ້ານການສຶກສາ ແລະ ກະກຽມການເຝິກອົບຮົບດ້ານພະລັງງານນິວເຄຼຍ ຢູ່ ສປປ.ລາວ.


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube