ໄຂ້ຍຸງລາຍລະບາດໜັກ ທົ່ວປະເທດມີຜູ້ຕິດເຊື້ອແລ້ວ 15,000 ກວ່າຄົນ ເສຍຊີວິດແລ້ວ 33 ຄົນ

ວິທະຍຸກະຈາຍສຽງແຫ່ງຊາດລາຍງານ 19 ກໍລະກົດ 2019 ວ່າ: ປັດຈຸບັນສະພາບການລະບາດຂອງພະຍາດໄຂ້ຍຸງລາຍ ຢູ່ຫຼາຍແຂວງ ໃນ ທົ່ວປະເທດ ແມ່ນມີທ່າອ່ຽງເພີ່ມຂຶ້ນ ນັບແຕ່ຕົ້ນເດືອນມັງກອນ ຫາ ເດືອນກໍລະກົດ 2019 ນີ້, ທົ່ວປະເທດ ມີຜູ້ຕິດເຊື້ອ 15,107 ຄົນ, ເສຍຊີວິດ 33 ຄົນ, ໃນນັ້ນ ແຂວງທີ່ຕິດເຊື້ອຫຼາຍກວ່າໝູ່ ແມ່ນນະຄອນຫຼວງວຽງຈັນ ມີ 3,095 ຄົນ, ເສຍຊີວິດ 7 ຄົນ, ແຂວງທີ່ມີຜູ້ ເສຍຊີວິດຫຼາຍກວ່າໝູ່ ແມ່ນແຂວງສະຫວັນນະເຂດ ມີຜູ້ຕິດເຊື້ອ 2,518 ຄົນ, ເສຍຊີວິດ 10 ຄົນ. ສ່ວນແຂວງທີ່ບໍ່ມີລາຍງານມີຜູ້ຕິດເຊື້ອໄຂ້ຍຸງລາຍ ແມ່ນແຂວງຫົວພັນ.

ກະຊວງສາທາລະນະສຸກ ໄດ້ແນະນຳໃຫ້ທຸກພາກສ່ວນ ຈົ່ງຮ່ວມມືກັນກຳຈັດ ແລະ ທຳລາຍແຫຼ່ງເພາະພັນໜອນນ້ຳຍຸງລາຍ ທີ່ເປັນພາຫະນຳເຊື້ອ ພາໃຫ້ເກີດເປັນພະຍາດໄຂ້ເລືອດອອກ ຫຼື ໄຂຍຸງລາຍ ເປັນວຽກງານໜຶ່ງທີ່ສຳຄັນ ທີ່ຈະຕ້ອງໄດ້ຈັດຕັ້ງປະຕິບັດ ໃຫ້ເປັນປະຈຳທຸກອາທິດ ແນໃສ່ເຮັດໃຫ້ການລະບາດຂອງພະຍາດໄຂ້ຍຸງລາຍໃຫ້ຫລຸດລົງເທື່ອລະກ້າວ.


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube