ດ່ວນ…! ເກີດເຫດລະເບີດຫຼາຍຄັ້ງ ທີ່ບາງກອກ ປະເທດໄທ ທ່າມກາງການເປັນເຈົ້າພາບປະຊຸມອາຊຽນ

ລາຍງານ 2 ສິງຫາ 2019, ເຈົ້າໜ້າທີ່ໄທໃຫ້ຮູ້ວ່າ: ມີເຫດລະເບີດເກີດຂຶ້ນແລ້ວຢ່າງໜ້ອຍ 6 ຄັ້ງ ໃນຫຼາຍພື້ນທີ່ຂອງນະຄອນຫຼວງບາງກອກ ໃນວັນສຸກ 2 ສິງຫານີ້ ທ່າມກາງບັນຍາກາດທີ່ໄທກຳລັງເປັນເຈົ້າພາບຈັດກອງປະຊຸມຕ່າງໆຂອງອາຊຽນ.

ນອກຈາກນີ້, ຍັງພົບວັດຖຸຕ້ອງສົງໄສອີກຈຳນວນໜຶ່ງ ແລະ ບາງສ່ວນກໍ່ສາມາດເກັບກູ້ໄດ້,​ ຂະນະທີ່ທ່ານ ພົນເອກ ປຣະຍຸດ ຈັນໂອຊາ ນາຍົກລັດຖະມົນຕີຂອງໄທ ໄດ້ມີຄຳສັ່ງໃຫ້ມີການສືບສວນສອບສວນເພື່ອຫາຜູ້ກະທຳຜິດເປັນການດ່ວນ.

ເບື້ອງຕົ້ນມີລາຍງານຜູ້ໄດ້ຮັບບາດເຈັບແລ້ວຢ່າງໜ້ອຍ 4​ ຄົນ ເຊິ່ງພາບຖ່າຍບາງສ່ວນສະແດງໃຫ້ເຫັນວ່າ ພະນັກງານທຳຄວາມສະອາດຕົວເມືອງໄດ້ເປັນຜູ້ປະຖົມພະຍາບານເບື້ອງຕົ້ນໃຫ້ຜູ້ໄດ້ຮັບບາດເຈັບຈາກແຮງລະເບີດ.


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube