ເຂື່ອນໃນອັງກິດແຕກແຫງ ເລັ່ງອົບພະຍົບປະຊາຊົນ ບໍ່ໜີໃຫ້ຈັບ ພ້ອມເລັ່ງລະບາຍນ້ຳທຸກທາງ (ວິດີໂອ)

ລາຍງານ 2​ ສິງຫາ 2019, ເຂື່ອນເກັບນ້ຳທອດບຸກ (Toddbock) ທີ່ຕັ້ງຢູ່ເໜືອເມືອງເວລີ ບຣິດ ແຂວງເດີບີເຊິ ພາກກາງຂອງປະເທດອັງກິດ ມີຈຸດແຕກແຫງ, ໂດຍຕຳຫຼວດໄດ້ແຈ້ງໃຫ້ຮັບຊາບວ່າ: ກຳແພງຂອງເຂື່ອນໄດ້ຮັບຄວາມເສຍຫາຍ ຈຶ່ງຂໍໃຫ້ປະຊາຊົນອົບພະຍົບອອກຈາກເມືອງກ່ອນ ເພື່ອຄວາມປອດໄພ, ປະຊາຊົນປະມານ 6,500 ຄົນຈຶ່ງນຳສັດລ້ຽງ ແລະ ສິ່ງຂອງຈຳເປັນໄປພ້ອມ, ນອກຈາກນັ້ນ ຍັງໄດ້ແນະນຳໃຫ້ຢູ່ຫ່າງຈາກເມືອງໄວ້ກ່ອນໃນຂະນະນີ້ ເພາະສະຖານະການທີ່ເປັນຢູ່ໃນປັດຈຸບັນອາດເຮັດໃຫ້ເກີດຄວາມສ່ຽງທີ່ເປັນອັນຕະລາຍເຖິງຊີວິດໄດ້, ຂະນະທີ່ປະຊາຊົນຫຼາຍຮ້ອຍຄົນທີ່ອາໄສຢູ່ໃນພື້ນທີ່ສ່ຽງທີ່ສຸດ ໄດ້ຮັບຄຳເຕືອນຈາກທາງການ ເຖິງຂັ້ນຫາກບໍ່ອົບພະຍົບອອກ ຈະຖືກເຈົ້າໜ້າທີ່ຈັບກຸມ.

ທາງການໄດ້ເລັ່ງລະບາຍນ້ຳອອກ ທັງລະດົມສູບນ້ຳອອກຈາກເຂື່ອນ ທີ່ມີປະລິມານນ້ຳ 1,300 ລ້ານລິດ ຕະຫຼອດວັນຕະຫຼອດຄືນມາແຕ່ວັນທີ 1 ສິງຫາ ທີ່ຜ່ານມາ, ຂະນະທີ່ກອງທັບອັງກິດຍັງໄດ້ສົ່ງເຮລິຄັອບແຕ ເຂົ້າຮ່ວມໃນປະຕິບັດການນີ້ດ້ວຍ ໂດຍໄດ້ຂົນຖົງປູນຂະໜາດໃຫຍ່ມາວາງເສີມໃນບໍລິເວນທີ່ເຂື່ອນຍຸບ.


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube