ຮົງກົງຍົກເລີກຖ້ຽວບິນທັງໝົດ ເພາະການປະທ້ວງທີ່ຮຸນແຮງ, ຂະນະທີ່ຈີນປະນາມວ່າເປັນພຶດຕິກຳກໍ່ການຮ້າຍ

ລາຍງານ 12 ສິງຫາ 2019: ທ່ານ ຫຍາງ ກວງ ໂຄສົກສຳນັກງານວຽງງານຮົງກົງ ແລະ ມາເກົ້າຂອງສະພາແຫ່ງລັດ (The Hong Kong and Macau Affairs Office of the State Council : HKMAO) ເຊິ່ງເປັນໜ່ວຍງານຂອງ ສປ.ຈີນ ທີ່ມີອຳນາດຄຸ້ມຄອງສາຍພົວພັນດ້ານການເມືອງ, ເສດຖະກິດ ແລະ ສັງຄົມ ລະຫວ່າງລັດຖະບານຈີນກັບຮົງກົງ ແລະ ມາເກົ້າ ຖະແຫຼງວ່າ ກຸ່ມຜູ້ປະທ້ວງຕໍ່ຕ້ານລັດຖະບານຮົງກົງ ໄດ້ໃຊ້ວິທີການທີ່ຮຸນແຮງຢ່າງຕໍ່ເນື່ອງ ເຊິ່ງຖືເປັນອາຊະຍາກຳທີ່ຮ້າຍແຮງ ແລະ ເປັນສັນຍານເລີ່ມຕົ້ນຂອງພຶດຕິກຳການກໍ່ການຮ້າຍ ແລະ ເປັນສິ່ງທີ່ທ້າທາຍຕໍ່ສະຖຽນລະພາບ ແລະ ຄວາມໝັ້ນຄົງຂອງຮົງກົງ.

ໃນເວລາດຽວກັນ, ສະໜາມບິນສາກົນຮົງກົງປະກາດງົດໃຫ້ບໍລິການ ຖ້ຽວບິນທີ່ເຫຼືອທັງໝົດຂອງວັນຈັນ 12 ສິງຫານີ້ ທັງຂາເຂົ້າ ແລະ ຂາອອກ, ຍົກເວັ້ນສະເພາະຖ້ຽວບິນທີ່ກຳລັງເຊັກອິນ, ຖ້ຽວບິນທີ່ເຊັກອິນແລ້ວ ແລະ ຢູ່ໃນລະຫວ່າງຂະບວນການລໍຖ້າຂຶ້ນຍົນ ແລະ ຖ້ຽວບິນຂາເຂົ້າທີ່ເດີນທາງໃກ້ຈະເຖິງຮົງກົງ, ເນື່ອງຈາກການໃຫ້ບໍລິການຂອງສະໜາມບິນໄດ້ຮັບການກໍ່ກວນຈາກການໂຮມຊຸມນຸມຂອງກຸ່ມຄົນຈຳນວນຫຼາຍ, ໂດຍກຸ່ມຜູ້ປະທ້ວງຕໍ່ຕ້ານລັດຖະບານໄດ້ປັກຫຼັກໂຮມຊຸມນຸມບໍລິເວນອາຄານຜູ້ໂດຍສານຂາເຂົ້າ ເພື່ອຕໍ່ຕ້ານການໃຊ້ຄວາມຮຸນແຮງຂອງເຈົ້າຕຳຫຼວດ ພາຍຫຼັງເກີດເຫດທີ່ແມ່ຍິງຄົນໜຶ່ງຕ້ອງເສຍຕາຂ້າງໜຶ່ງໃນລະຫວ່າງການປະທະຢ່າງຮຸນແຮງເມື່ອວັນອາທິດທີ່ຜ່ານມາ.


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube