ຈີນປະຕິເສດຄຳຮ້ອງ ສ.ອາເມຣິກາ ທີ່ຕ້ອງການສົ່ງເຮືອຮົບ 2 ລຳ ເຂົ້າຈອດທຽບທ່າຮົງກົງ

ລາຍງານ 14 ສິງຫາ 2019: ກອງເຮືອປາຊີຟິກຂອງສະຫະລັດ ອາເມຣິກາ ທີ່ມີຖານປະຈຳການຢູ່ເກາະຮາວາຍ ອອກຖະແຫຼງການເມື່ອວັນອັງຄານ ທີ່ຜ່ານມາ ວ່າລັດຖະບານຈີນບໍ່ອະນຸຍາດໃຫ້ເຮືອຮົບ 2 ລຳຂອງກອງເຮືອປາຊີຟິກເຂົ້າຈອດທຽບທ່າໃນຮົງກົງ ໂດຍກອງເຮືອປາຊີຟິກໄດ້ສົ່ງຄຳຮ້ອງຂໍໄປຍັງທາງການຈີນ ເພື່ອຂໍນຳເຮືອ USS Green Bay ເຊິ່ງເປັນເຮືອສະເທືອນນ້ຳສະເທືອນບົກສຳລັບການຍົກພົນຂຶ້ນຝັ່ງ ເຂົ້າທອດທຽບທ່າໃນວັນເສົາທີ 17 ສິງຫານີ້ ແລະ ເຮືອຮົບຕິດຂີປະນາວຸດ USS Lake Erie ເຂົ້າຈອດທຽບທ່າໃນເດືອນກັນຍານີ້.

USS Lake Erie

ເຊິ່ງລັດຖະບານຈີນບໍ່ໄດ້ໃຫ້ເຫດຜົນປະກອບການປະຕິເສດຄຳຮ້ອງຂອງກອງເຮືອປາຊີຟິກ ແຕ່ການເຄື່ອນໄຫວດັ່ງກ່າວຂອງສະຫະລັດ ອາເມຣິກາ ເກີດຂຶ້ນໃນຊ່ວງທີ່ສະຖານະການທາງການເມືອງ ແລະ ສັງຄົມພາຍໃນຂອງຮົງກົງກຳລັງເຄັ່ງຕຶງຢ່າງໜັກ ແລະ ຈີນກ່າວຫາມາໂດຍຕະຫຼອດວ່າກອງກຳລັງຕາເວັນຕົກຈາກ ສ.ອາເມຣິກາ ແລະ ພັນທະມິດຢູ່ເບື້ອງຫຼັງເຫດຄວາມບໍ່ສະຫງົບໃນຄັ້ງນີ້.


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube