ຕຳຫຼວດຮົງກົງ ຈັບກຸມກຸ່ມຜູ້ປະທ້ວງ 5 ຄົນ ທີ່ປົດທຸງຊາດຈີນ ຖິ້ມລົງທະເລ

ລາຍງານ​ 16 ສິງຫາ 2019: ເຈົ້າໜ້າທີ່ຕຳຫຼວດຮົງກົງເປີດເຜີຍກັບສຳນັກຂ່າວຊິນຫົວຂອງທາງການຈີນວ່າ ມີຜູ້ປະທ້ວງຮົງກົງ 5 ຄົນໄດ້ຖືກຈັບກຸມຕົວ ຈາກກໍລະນີເມື່ອວັນທີ 3 ສິງຫາ ທີ່ຜ່ານມາ ຜູ້ປະທ້ວງດັ່ງກ່າວໄດ້ປົດທຸງຊາດຈີນອອກຈາກເສົາທຸງ ໃນເຂດຈິມຊາຈຸຍ ແຫຼມເກົາລູນ ແລ້ວໂຍນລົງທະເລ.

ຜູ້ປະທ້ວງທັງ 5 ປະກອບດ້ວຍຊາຍ 4 ຄົນ ແລະ ຍິງ 1 ຄົນ ອາຍຸລະຫວ່າງ 20-22 ປີ ໄດ້ຖືກຈັບກຸ່ມຕົວໃນວັນທີ 14-15 ສິງຫາ ທີ່ຜ່ານມາ ໃນເຂດມົງກົກ, ມາອອນຊານ, ແຊມຊຸຍໂປ, ເຫງົາເທົາກົກ ແລະ ວົງໄທຊິນ ຕາມລຳດັບ.

ຕຳຫຼວດໄດ້ຍຶດຄອມພິວເຕີ, ໂທລະສັບ ແລະ ເຄື່ອງນຸ່ງທີ່ນຸ່ງໃນມື້ກໍ່ເຫດເພື່ອທຳການສືບສວນສອບສວນຕໍ່ໄປ, ຫາກບຸກຄົນໃດທີ່ທຳລາຍທຸງຊາດ ຫຼື ສັນຍາລັກປະຈຳຊາດໂດຍເຈດຕະນາ ຫຼື ຢຽບຫຍ່ຳ ຖືເປັນການກະທຳທີ່ຜິດ ເຊິ່ງຫາກຖືກຕັດສິນວ່າ ກະທຳຜິດຈິງ ຜູ້ກ່ຽວເຫຼົ່ານັ້ນຈະຖືກປັບໃໝ 50,000 ໂດລາຮົງກົງ ແລະ ຖືກຕັດອິດສະຫຼະພາບ 3 ປີ ຕາມທີ່ລະບຸໄວ້ໃນກົດໝາຍທຸງຊາດ ແລະ ສັນຍາລັກແຫ່ງຊາດຂອງເຂດປົກຄອງພິເສດຮົງກົງ.


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube


ຕິດຕາມພວກເຮົາທາງ Twitter



ຕິດຕາມພວກເຮົາທາງ Youtube