ປະຫວັດ ວັດອົງຕື້ ມະຫາວິຫານ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
![](https://blogger.googleusercontent.com/img/b/R29vZ2xl/AVvXsEjThuCWWzEY0HWWSRuATZZ9V0gv2vxyBWsuvN23Ri89RUXcVKqRebGEjgtKF6O8ttWWBTfCXGtKt3DKSW4_Cj2FoaKFTUz4-N3O9h1MFZ21mHtjahyphenhyphens5CvRcPp8m8Y_WcUOXYjHoA4It9k/s400/72633012.jpg)
ວັດອົງຕື້ເປັນວັດໜຶ່ງ ໃນຈຳນວນຫຼາຍໆວັດທີ່ເກົ່າແກ່ ແລະ ມີຄວາມໝາຍສຳຄັນທາງບູຮານສະຖານ ແລະ ປະຫວັດສາດຢູ່ໃນນະຄອນຫຼວງວຽງຈັນ ສາທາລະນະລັດ ປະຊາທິປະໄຕ ປະຊາຊົນລາວ ທັງເປັນວັດທີ່ປະຊາຊົນທັງພາຍໃນ ແລະ ຕ່າງປະເທດໃຫ້ຄວາມເຄົາລົບ.
ນອກຈາກນີ້ ວັດອົງຕື້ ຍັງເປັນວັດສຳລັບປະກອບພິທີ ທີ່ສຳຄັນຕ່າງໆທາງລາຊະການ (ສະໄໝເກົ່າ) ເຊັ່ນ: ພິທີຖືນ້ຳ (ສັດຕະຍາບັນ ຫຼື ສາບານ) ຂອງອາດຍາສິດການປົກຄອງຕ່າງໆ ແລະ ພິທີທຳບຸນສຳຄັນໆ ທີ່ເປັນທາງການ ສິ່ງສຳຄັນທີ່ດຶງດູດເອົາປະຊາຊົນທັງພາຍໃນ ແລະ ຕ່າງປະເທດໃຫ້ເກີດສັດທາເຫຼື້ອມໃສນັ້ນກໍ່ຍ້ອນວ່າ ວັດອົງຕື້ ເປັນວັດທີ່ເກົ່າແກ່ ເຊິ່ງມີສິມໃຫຍ່ ແລະ ພະເຈົ້າອົງຕື້ ເປັນສັກຂີພິຍານທາງປະຫວັດສາດ
ວັດອົງຕື້ເດີມຊື່ວ່າ ວັດສີພູມ ຫຼື ໄຊຍະພູມ ຕໍ່ມາເຖິງປີ ຄ.ສ 1566 ພະເຈົ້າໄຊຍະເສດຖາທິລາດ ໄດ້ມາສ້າງພະເຈົ້າອົງຕື້ຂຶ້ນແລ້ວມາປະດິດສະຖານໄວ້ໃນວັດສີພູມນີ້ ຈຶ່ງໄດ້ຕັ້ງຊື້ວັດໃໝ່ວ່າ "ວັດອົງຕື້" ຕາມຊື່ຂອງພະພຸດທະຮູບໃຫຍ່ນັ້ນ
![](https://blogger.googleusercontent.com/img/b/R29vZ2xl/AVvXsEgimMaJWclZ1eIXSQ6bMC4Nr3oQ51_D8l6olxGLcPysA6lPiu50l1GGi8bew9leLHEp68BSIcwXKOjIQTO_eFX2zmJ0LxPQ7FXE0B4FQUlbU0LfqL8GazjavG3TNSNGgmnPRJS9SiPbs2Q/s400/IMG_7354.jpg)
ວັດອົງຕື້ໄດ້ປະຕິສັງຂອນເອົາວັດສີພູມ ເຊິ່ງເປັນວັດເກົ່າແກ່ມາແຕ່ສະໄໝ ພະຍາຈັນທະບູລີປະສິດທິສັກ ໄດ້ສ້າງຂຶ້ນ ໃນລະຫວ່າງ 300 ປີກ່ອນ ຄ.ສ ຫຼັງຈາກນັ້ນມາເປັນເວລາ 1870 ກວ່າປີ ຈຶ່ງມາເຖິງສະໄໝພະເຈົ້າໄຊຍະເສດຖາທິລາດ ໄດ້ເປັນຜູ້ມາສະຖາປະນາເອົາເມືອງວຽງຈັນຂຶ້ນເປັນນະຄອນຫຼວງຂອງປະເທດໃນປີ ຄ.ສ 1560 ມາເຖິງປີ ຄ.ສ 1566 ວັດອົງຕື້ຈຶ່ງໄດ້ສະຖາປະນາຂຶ້ນຈາກວັດສີພູມດັ່ງກ່າວມາແລ້ວ
ໂດຍ: ພະອາຈານ ມະຫາຜ່ອງ ສະມາເລີກ
![](https://4.bp.blogspot.com/-i8KBoa6MatI/WsjQWHW0GQI/AAAAAAAALE0/gDM2muF3_jwwjNcCYyCNRtuDlzfFMQvcACLcBGAs/s1600/ads-728.png)
ສະແດງຄວາມຄິດເຫັນ